9. Sexualitatearen koloreak: intolerantziaren aurrean dugun erantzukizuna

 

Helburu orokorra:

• Trebakuntza honen helburu nagusia da gazteei tresna ahalduntzaileak eskaintzea, ikuspegi positibo, eraikitzaile era sortzailetik, sexu-aniztasunarekiko tolerantzia-ezari aurre egiteko. Tailerraren bidez lortu nahi da, besteak beste, parte-hartzaileek sexualitatearen dimentsio zabala eta sexu-aniztasunak barnebiltzen duena ulertzea, gizarte parekidearen balioak aztertu eta barneratzea, sexu-aniztasunarekiko tolerantzia-ezarekin lotutako jarrera eta jokabideak identifikatzen ikastea eta horri aurre egiteko berdinen arteko pedagogia eta jarrera eraikitzaileen beharra lantzea.

Helburuak:

• Sexualitatearen dimentsio zabala eta sexu-aniztasunak barnebiltzen duena ulertzea.
• Gizarte parekidearen balioak aztertzea eta barneratzea.
• Sexu-aniztasunarekiko tolerantzia ezarekin loturiko jarrera eta jokabideak identifikatzen ikastea.
• Sexu-aniztasunarekiko tolerantzia ezari aurre egiteko, berdinen arteko pedagogia eta jarrera eraikitzaileen beharra lantzea.

Landuko diren eduki eta gaitasunak:

• Sexu-aniztasuna: denok barnebiltzen gaituen kontzeptua.
• Sexualitateari loturiko eguneroko indarkeria motak eta hauen adierazpenak.
• Ciberbullying sexualari aurre eginez: sareetatik saretuz.
• Sexu-aniztasunarekiko tolerantzia-eza: ezjakintasuna eta desberdintasunarekiko beldurra.
• Egunerokoan jarrera desegokiak desaktibatzeko estrategiak.

Metodologia:

• Metodologia aktiboak. Irakasleak gaiarekin erlazionatutako eduki ezberdinak aurkeztuko ditu eta dinamika ezberdinak ere egingo dira.