Haur eta nerabeen adimen emozionala 

Helburuak:

• Haurren eta nerabeen ongizate emozionalean sakontzea; emozioak ulertu eta kudeatu helburu positiboak lortzeko, besteenganako enpatia sentitu eta adierazteko, harreman onuragarriak izateko eta erabaki arduratsuak hartzeko.
• Haurtxoko eta gaztelekuetako hezitzaileek haurrei eta nerabeei laguntza emozionala emateko gomendioak eta baliabideak lantzea.
• Pandemiaren testuinguruan eta etorkizunera begira, hezitzaileak haurren eta nerabeen bidelagun emozionalak izateko trebatzea.
• Nola kudeatu atzematen diren zailtasun emozionalak? Hezitzaileen esku-hartzea? Beste profesionalengana bideratzea?
• Aisialditik eta jolasaren eremutik heltzea.
• Haurren eta nerabeen behar espezifikoak ondo definitzea esku-hartze egokia egiteko.
• Teoria eta praktika ondo uztartzea, eta modu birtualean azaltzeko egokitzea. 

Programa:

Haur zein nerabeen hezitzaileek programa bera izango dute, ezberdintasuna haurrekin edo nerabeekin lan egiteko era izango delarik.

1. saioa

• Zer dira emozioak.
• Emozioen funtzioak.
• Nondik datoz emozioak? (emozioen zergatia)
• Beharrak: zertara bultzatzen gaituzten emozioek.
• Covid-arengatik gaur egun gailentzen diren beharrak.

2. saioa

• Kudeaketa emozionala.
• Haurren eta nerabeen emozioak: nola bizitzen dituzte haurrek eta nerabeek emozioak?
• Bidelaguntza emozionala: nola izan haurren eta nerabeen bidelagun emozionala?

3. saioa

• Esku-hartze emozionalerako estrategia sistemikoak eta zalantzak.

Metodologia:

Programa online egingo da; bertan lortu nahi diren helburuak teorian eta praktikan landuko dira. Teoria gure oinarria izango da eta praktikaren bitartez landutakoa bereganatuko dute parte-hartzaileek.

Era berean, hezitzaileen parte-hartze aktiboa bultzatuko da.:

* Saio hau Gaztematika sareko profesionalentzako izango da soilik.