Aralar Araitzen lehen hegaldien testigu izan da duela gutxi, mendilerroan bertan jaiotako ugatza. Gertaera hori “mugarri historikoa da Gipuzkoako fauna berreskuratzeko eta kontserbatzeko ikuspegitik, bibliografian ez baitago aurrekaririk. Eta hori ez da kasualitatea izan, urte askotako lan eskergaren emaitza da: Foru Aldundiko Basa Animali eta Landareen zerbitzuak eta basozainek beste erakunde batzuekin lankidetzan egindako lanarena, zorionez fruitua eman duena, eta ezagutaraztea merezi duena”, Xabier Arruti Lurralde Oreka Berdeko diputatuak azpimarratu duen moduan. Ugatza EAEn galtzear dagoen espeziea da.