238 Plataforma  operadoreek informazioa emateko aurkeztu beharreko aitorpen informatiboa

Nork aurkeztu behar du?

Abenduaren 17ko 47/2013 Foru Dekretuaren bidez onetsitako Zerga betebehar formal jakin batzuk garatzen dituen Erregelamenduaren 72 ter artikuluko 2. apartatuaren bigarren paragrafoan eta artikulu horren 3. apartatuan aipatzen direnek aurkeztu behar dute eredu hau.

040 idatzia aurkeztu beharko dute “Plataforma Operadoreen Erregistroan” alta, aldaketa eta baja eskaera egiteko.

Zer aitortzen da?

113/2024 Foru Aginduaren Eranskinean jasotzen den informazioa aitortu beharko da, abenduaren 17ko 47/2013 Foru Dekretuaren bidez onetsitako Zerga betebehar formal jakin batzuk garatzen dituen Erregelamenduaren 72 ter artikuluaren 4. apartatuan aurreikusitakoarekin bat, betiere «informazioa ematera behartuta dauden plataforma operadoreei» eta jarduera egoki bat egin duten «informatu beharreko saltzaileei» dagokienez, Erregelamenduaren 72 ter artikuluaren 2. apartatuko bigarren paragrafoan aipatzen diren “platafoma operadore salbuetsiak”, 72 artikulu bereko ter 3 eta 72 ter 5ean ezartzen diren berezitasunak kontutan izanik.

Aurkezteko modalitatea

Igorpen zerbitzua

Igorpena SOAP web zerbitzu bati deituz egingo da, protokolo seguru baten bidez.
Zerbitzuaren helbidea hauxe da:

https://w390w.gipuzkoa.net/WAS/HACI/IIADac7WEB/services/Declare

SOAP eskaera, protokolo seguruarekin egingo da, honako baldintza hauek betetzen dituen ziurtagiri bat erabiliz:

  • Entitate homologatuetako batek egitea.
  • Indarrean eta ezeztatu gabe egotea.
  • Ziurtagiriaren titularra den entitatea hauetako bat izatea:
  1. Aurkeztutako aitorpenaren titularra.
  2. Aitorpenaren titularraren ordezkari bat, haren izenean aitorpenak aurkezteko baimena aurkezten duena.

Igorpen formatua

Aitorpenaren igorpenaren formatua artxibo honetan jasotako XML eta WSDL eskemetara egokitu behar da:

XSD-WSDL_Aurkezpena_DAC7v1.0_GIPUZKOA.zip

XML eskemak betetzeaz gain, informazioak koherentziazko hainbat arau bete behar ditu. Aurkezpen gida honetan, aitorpena onartu dadin informazioa betetzean kontuan hartu beharreko baldintza guztiak azaltzen dira. Balizko erantzun motak eta horiek interpretatzeko moduak ere azalduta daude.

DPI-DAC7-Aurkezkepa-238-SWeb-v1.1_DFG.pdf

Aurkezteko epea

Urtero. «Saltzailea» «informatu beharreko saltzaile» gisa identifikatu eta hurrengo urte naturaleko urtarrilaren 1etik 31ra bitarteko epean.

2023 ekitaldiari dagokionez, martxoaren 5eko 113/2024  Foru Agindua indarrean jarri eta bi hilabeteko epean aurkeztu beharko da, hau da, 2024ko martxoaren 28tik  2024ko maiatzaren 28ra.

Araudia

113/2024 Foru Agindua, martxoaren 5koa, zeinaren bidez onesten baitira 238 eredua, «Plataforma operadoreekinformazioa emateko aurkeztu beharreko aitorpen
informatiboa» izenekoa eta hura aurkezteko baldintzak eta prozedura, eta orobat, informazioa ematera behartuta dauden beste plataforma operadore batzuen erregistroan alta, aldaketa eta baja eskatzeko modua eta prozedura ezartzen baitira. (PDF)

2/2005 Foru Araua, martxoaren 8koa, Gipuzkoako Zergen Foru Arau Orokorra. Hogeigarren xedapen gehigarria. (PDF)

47/2013 Foru Dekretua, abenduaren 17koa, zerga betebehar formal jakin batzuk garatzen dituen Erregelamendua onartzen duena. (PDF)

Lotutako eredua

040. Plataforma Operadoreen Erregistroa