Gipuzkoako Foru Aldundiko Kultura Departamentuak, Gordailuarekin batera, Sahatsa Jauregiren eta Joxe Ramón Jauregiren ‘Aizkora’ azken lana nola muntatzen den aurkeztuko du datorren ostegunean, maiatzak 9. Muntaia goizez egingo da, 08:00etatik 16:00etara bitartean. Goizeko 11:00etan, Kultura, Kirol, Gazteria eta Kooperazio diputatuak, Goizane Álvarezek, Sahatsa Jauregi artistak eta Irene Cardaba Gordailuko Kontserbazio eta Zaharberritze teknikariak egingo diete harrera Gordailura joaten diren komunikabideei.