“Gobernuan egindako aldaketarekin, departamentua indartzen dugu, baita lurralde estrategia eta udalerriekiko harremana ere”
“Gobernuan egindako aldaketarekin, departamentua indartzen dugu, baita lurralde estrategia eta udalerriekiko harremana ere”
“Gobernuan egindako aldaketarekin, departamentua indartzen dugu, baita lurralde estrategia eta udalerriekiko harremana ere”
“Maila guztietan lankidetza biderkatzera" dei egin du diputatu nagusiak, euskal politikagintzan eta erakundeetan ireki den “etapa berria” probestu
![Gipuzkoako Foru Aldundia](/documents/20933/0/Eider+Mendoza_Felix+Urkola.jpg/498c2b2a-564c-d260-f55c-890dd39977e5?t=1719491956371)
Gipuzkoako diputatu nagusiak foru gobernuan izandako azken aldaketen garrantzia azpimarratu du gaur goizean, hedabideen aurrean eskaini duen prentsaurrekoan. Azaldu duenez, Felix Urkola Bide Azpiegitura eta Lurralde Estrategiaren diputatu izendatzeak "departamendua bera indartzeko" balioko du, baita foru erakundearen lurralde-estrategia eta udalekin duen harremana indartzeko ere, hori baita foru gobernuaren "lehentasun nagusietako bat", "herritarren beharrei ahalik eta erantzun onena” ematen jarraitzeko.
Era berean, diputatu nagusiak okasioa probestu nahi izan du Imanol Pradales Gil Eusko Jaurlaritzako lehendakari berria zoriontzeko. Haren esanetan, gobernu "indartsua eta herritarren beharrekiko sentiberatasuna duena" osatu izana meritua da, "ilusioa sortzen duena eta gaitasun profesionala eta politikoa biltzen dituena". "Lehendakari berria erakusten ari den mezuak, ilusioa eta ausardia, zalantzarik gabe, albiste bikaina dira Euskadirentzat", adierazi du, eta gobernu berriari "erabateko lankidetza" eskaini dio, gure herriak pertsona guztien "ongizatean jauzi bat" egin dezan.
Zentzu horretan, azken urtea "oso bizia eta emankorra" izan dela adierazi du. Mendozaren iritziz, azken hilabeteetan izandako hauteskunde-aldi luzearen ondoren, Imanol Pradales lehendakariaren izendapenak "aro berri bat" ireki du euskal politikan. Horregatik, egoera aprobetxatzeko deia egin du, "maila guztietako lankidetza areagotzeko" eta pertsonen ongizate integralean eragina izango duten akordio berriak bilatzeko.
"Aro berri honi indar berrituekin ekingo diogu, lurraldeko eragile sozial eta ekonomikoekiko lankidetza indartzen jarraitzeko eta gainerako indar politikoekin akordioak lortzeko borondatearekin. Gure onena ematen jarraituko dugu", adierazi du.
Mendozak okasioa probestu nahi izan du zorterik onena opatzeko Maria Ubarretxena Eusko Jaurlaritzako sailburu eta bozeramaile berriari, "erabat prestatuta" baitago "gure erakundeak indarrez defendatzeko eta gure autogobernua hazi arazteko". "Ona da Gasteizko exekutiboan Maria bezalako pertsonak egotea, gure lurraldea ezagutzen dutenak eta tokiko politikan esperientzia dutenak, baita pertsonen ongizate integralarekiko konpromiso argia dutenak ere", gaineratu du.
Bide Azpiegituretako diputatu berriari buruz, Felix Urkolari buruz, alegia, adierazi du Errepideetako zuzendari gisa, Lazkaoko alkate gisa eta kabineteko arduradun gisa duen esperientziak pertsona bereziki egokia bihurtzen duela bide-azpiegiturak segurtasun, erosotasun eta iraunkortasun maila handiagoetara aldatzeko bidean etenik gabe aurrera egiten jarraitzeko, betiere lurraldeko udalekin lankidetzan. Gaineratu duenez, aldaketak aprobetxatuz, sailaren irismena zabaltzea erabaki da, Aldundiak udalekin duen harremana koordinatzeko eta tokiko eremuarekin "harreman hurbilagoa" izateko.
Azkenik, diputatu nagusiak nabarmendu du Maria Beloki kabineteburu berria izateak balio handia duela; izan ere, besteak beste, Plan Estrategikoaren hausnarketa eta diseinu taldean parte hartu du eta esperientzia handia du zainketen eta gizarte-politiken sailean, besteak beste. "Emakumea, gaztea, talde-lanerako gaitasun handikoa eta gizarte-sentsibilitate handikoa. Talentu handia dago Gipuzkoan eta talentu handia dago Foru Aldundian", balioa eman dio diputatu nagusiak.
Bide Azpiegituretako eta Lurralde Estrategiako diputatu berriak hitz labur batzuk eskaini ditu izendapena eskertzeko, eta adierazi du, Gipuzkoako biribilgunea delakoa osatu ondoren, lurraldeko errepideek digitalizaziorantz eta jasangarritasunerantz jauzi egin dezaten lan egingo duela, "etorkizuneko errepideak" diseinatuz eta gauzatuz. Azpimarratu duenez, azpiegituren "kontserbazioa eta mantentzea" izango da azpiegituren beste lehentasunetako bat, bideen erabiltzaile guztien segurtasuna eta erosotasuna bermatzeko.
3203