Gipuzkoak etorkizun energetiko jasangarriaren aldeko apustua egin du, herritarren eta industriaren energia-komunitateak bere estrategiaren erdigunean jarriz
Gipuzkoak etorkizun energetiko jasangarriaren aldeko apustua egin du, herritarren eta industriaren energia-komunitateak bere estrategiaren erdigunean jarriz
Gipuzkoak etorkizun energetiko jasangarriaren aldeko apustua egin du, herritarren eta industriaren energia-komunitateak bere estrategiaren erdigunean jarriz
Aurten, Jasangarritasun Departamentuak 3,5 milioi euro baino gehiago inbertitu ditu udalerrietan kultura energetiko sozial eta berde berri bat sortzeko.
![Energia Jardunaldiak 2023](/documents/20933/0/WhatsApp+Image+2023-11-30+at+10.12.46.jpeg/fff4fd78-7ebd-7808-524d-ca19f543fbf0?t=1701342979719)
"Kontsumitzaileak eta tokiko eragileak merkatu elektrikoan integratzea" leloarekin, Jasangarritasun Departamentuak antolatutako Energia Jardunaldien 13. Edizioa, Naturklima Gipuzkoako Klima Aldaketa Fundazioan egin da lehen aldiz.
Aurten, Jasangarritasun Departamentuak 3,5 milioi euro baino gehiago inbertitu ditu udalerrietan kultura energetiko sozial eta berde berri bat sortzeko, instalazio fotovoltaikoak bultzatuz eta herritarren eta industriaren energia-komunitateak sortuz, gaur egun lurraldeko 51 udalerri eta 7.000 etxebizitzari (Gipuzkoako lurraldearen erdia baino gehiago) estaldura ematen dietenak.
Gipuzkoan Trantsizio Energetikoaren Bulegoa ere sortuko da, Naturklima eraikin berrian. Bulego horrek 560.000 euro mobilizatu ditu Europatik, herritarren energia-komunitateak sustatzen jarraitzeko.
José Ignacio Asensio: "Jasangarritasun Departamentuak apustu argia egin du pertsonen zerbitzura egongo den energia jasangarri baten alde, hau da, gizartearen aldetik bidezkoa eta bideragarria den aukera bakarraren alde, etorkizun jasangarria lortzeko. Helburua da guztiontzat jasangarriagoa eta bidezkoagoa izango den energia-eredu bateranzko trantsizioa bizkortzen laguntzea".
Gipuzkoako Foru Aldundiko Jasangarritasun Departamentuak Gipuzkoako Energiari buruzko Jardunaldien XIII. edizioa egin du Naturkliman, lurraldeko Klima Aldaketaren Fundazioan. "Kontsumitzaileak eta tokiko eragileak merkatu elektrikoan integratzea" lelopean, topaketa honetan laurogei eragile eta aditu baino gehiago bildu dira, energia-krisiaren egungo testuinguruan esperientziak partekatzeko helburuarekin. Horri dagokionez, José Ignacio Asensio Jasangarritasun diputatuak adierazi duenez, "gaur egun bizi dugun krisi energetikoaren aurrean, erantzun argia da eredu jasangarri, eraginkor eta justu bateranzko trantsizioa bizkortzea, kanpoko mendetasuna murriztuz eta energia berriztagarriak sustatuz". Foru-arduradunak azaldu duenez, "eredu-aldaketa hori bultzatzeko gakoa herritarren eta industriaren energia-komunitateak dira, jardunaldiaren protagonistak. Autokontsumoaren eta sorkuntza banatuaren aldeko eta herritarrak ahalduntzearen aldeko apustua, zeregin aktiboa emanez".
Era berean, Asensiok azpimarratu duenez, "bi urte eskasean, Gipuzkoak 51 proiektu jarri ditu abian, lurraldeko 41 udalerritan, udalekin izandako lankidetzari eta 3,5 milioi euroko inbertsioko finantza-babesari esker, gaur egun 7.000 familia baino gehiagori ematen baitie estaldura. Energia berriztagarria, garbia eta 0 kilometrokoa, pertsonak erdigunean jartzen dituen energia soziala".
Energia Komunitate horiek aukera ematen diete herritarrei trantsizio energetikoarekin bat egiteko, energia berriztagarrien alde eginez, eta, horrez gain, aurrezki esanguratsuak sortzen dituzte, fakturetan % 20 eta % 30 artean mugitzen baitira. Era berean, eredu hori industria-eremura ere hedatzen ari da, lau proiekturekin (Eibar, Donostia, Usurbil eta Zumarraga), eta legegintzaldi honetan lurraldeko enpresa guztiak estaltzeko helburuarekin.
Efizientzia hobetzeko eta aurrezkiak areagotzeko, Jasangarritasun Departamentuak Trantsizio Energetikoaren Bulegoa ere aurkeztu du, Naturklimaren instalazioetan kokatua hain zuzen ere. Bulego horrek energia-komunitateen eredua lurralde osora hedatzea bultzatuko du, eta komunitateetako energiaren ekoizpenari eta kontsumoari buruzko datuak monitorizatzeko baliabideak izango ditu. Horrela, sistemak gainbegiratze publikoaren pean eta gardentasuna kontuan hartuta funtziona dezan beharrezko informazioa dugu. Horretaz guztiaz gain, Bulegoak ekimen berriak bultzatzeko eta sentsibilizatzeko ekintzak garatuko ditu, eta aholkularitza emango die herritarrei eta energiaren tokiko erakundeei.
Jardunaldi honek aukera ematen du energia-komunitateekin konprometitutako beste udalerri eta herritar batzuen esperientziak partekatzeko eta ekimenak ezagutzeko, bai eta energiaren kudeaketan teknologia berriak aplikatzearen abantailak aztertzeko ere.
Jasangarritasun diputatu José Ignacio Asensiok azaldu duenez, "azken finean, Energia Jardunaldiaren helburua da pertsonen zerbitzura egongo den energia jasangarriaren aldeko apustua indartzea, hori baita gizartearen aldetik bidezkoa eta bideragarria den aukera bakarra etorkizun jasangarria lortzeko. Espero dugu jardunaldi honek lagunduko duela guztiontzako eredu energetiko jasangarriago eta bidezkoago bateranzko trantsizioa bizkortzen".
Energiaren jardunaldiko blokeak
Jardunaldiaren lehen blokea elektrizitate-merkatuari buruzkoa izan da. Bloke honetan, energian aditua den Jorge Morales de Labrak parte hartu du. Elektrizitatearen prezioan sakondu du, baita energia berriztagarrien autokontsumitzaileari nola eragiten dion ere. Era berean, gakoak eman ditu herritarrak elektrizitate-merkatuan inplikatzen jarraitzeko.
Bigarren blokea, hain zuzen ere, jardunaldi honen ardatz nagusiari buruzkoa izan da, energia-komunitateei buruzkoa. Bertan, honako hauek parte hartu dute: Eibarko Azitain industrialdeko tokiko energia-komunitatearen esperientziaren berri eman duen Eneko Astigarraga CodeSyntaxeko gerenteak; Reuseko Udaleko Ingurumen Zerbitzuko buru Ramón Castellví Andreuk, Agro-Reus Poligonoko energia-komunitateari buruzko hitzaldia eman duenak; Anna Domenjó Electra Caldenseko merkataritza-zuzendari teknikoak, bere hitzaldia autokontsumo kolektiboan oinarritu duenak; eta Mónica Pedreira Gipuzkoako Foru Aldundiko Trantsizio Ekologikoko zuzendariak, Gipuzkoako Energia Eraldaketarako Bulegoari buruz hitz egin digunak.
Azkenik, jardunaldiaren azken multzoan, etorkizuneko energia-komunitateei buruzko informazioa eman da. Honako hauek hartu dute hitza: Sapiens Energiako presidente Juan Sacri jaunak, Valentziako Erkidegoko energia-komunitateen bilakaerari buruzko txosten bat aurkeztu duena; Zertifier-eko zuzendari exekutibo Joan Jou i Nuch jaunak, energia-sistemari buruz hitz egin diguna; eta Sevillako Los Pajaritos auzoko energia-komunitateari buruzko datuak eman dituen Miguel Prados jaunak.
1813