Gipuzkoako Foru Aldundiko Gazteria Zuzendaritzak bere prestakuntza-baliabideekin jarraitzen du nerabezaroan teknologia berrien erabilerari heltzeko
Gipuzkoako Foru Aldundiko Gazteria Zuzendaritzak bere prestakuntza-baliabideekin jarraitzen du nerabezaroan teknologia berrien erabilerari heltzeko
Gipuzkoako Foru Aldundiko Gazteria Zuzendaritzak bere prestakuntza-baliabideekin jarraitzen du nerabezaroan teknologia berrien erabilerari heltzeko
Gipuzkoako Foru Aldundiko Gazteria Zuzendaritzak bihar, urtarrilak 25, osteguna, eta datorren otsailaren 1ean, Rakel Gamito Hezkuntza Zientzietako doktoreak Anoetako Gaztegunean emango duen tailerra antolatu du, TREBA Gurasoak programaren barruan.
![Isaac Palencia Gazteriako zuzendaria director de juventud](/documents/20933/0/Isaac+Palencia+%281%29.jpeg/9da7254c-9e1b-1c3f-b16d-15ced2658362?t=1706101293098)
Isaac Palencia, Gazteriako Foru Zuzendaria
Gipuzkoako Foru Aldundiko Gazteriako zuzendari Isaac Palenciak iragarri duenez, bere departamentuak erabaki du nerabezaroan teknologia berriak erabiltzeko prestakuntza-baliabideak indartzea. Ildo horretan, beste bi tailer antolatu ditu, Rakel Gamito Hezkuntza Zientzietako doktoreak emango dituenak bihar, osteguna, urtarrilak 25, eta datorren ostegunean, otsailak 1, Anoetako Gaztegunean. Era berean, Gazteria Zuzendaritza ikastetxeekin datak ixten ari da, eta ikastetxeok zuzendaritza horrekin harremanetan jarri dira hainbat hitzaldi eta tailer antolatzeko.
Azaldu du ezen, Gipuzkoako mila nerabe baino gehiago erabiltzaile zituzten Whatsappp-en bi foro agertu zirela-eta eduki pornografikoa eta iruzkin iraingarriak partekatzeko, eta horrek sortutako alarmaren aurrean, 2023ko azaroan, Gazteria Zuzendaritza laguntza eskaini ziela eduki sexualeko txatak salatu zituzten ikastetxeei. "Ikastetxeetara banan-banan hurbiltzeko estrategia lantzen jarraitzen dugu, hitzaldiak eskatu zizkiguten ikastetxeekin egiten ari garen bezala", adierazi du.
Palentziak esan duenez, Gazteria Zuzendaritzan "aspalditik kezkatzen gaitu gai horrek, eta duela urte batzuetatik hona hainbat ekimen garatzen ditugu, hala nola Kultura Digitala programa, erronka horiei aurre egiteko". Zehazki, zehaztu du 2021az geroztik zuzendaritza horrek hitzaldiak eta tailerrak ere sustatu dituela Treba programaren barruan, ikastetxeentzat, gurasoentzat eta gazteentzat. Zehazki, Treba Gurasoak elkarteak gurasoei tresnak eta baliabideak eman nahi dizkie, seme-alaben hezkuntzaren erronkei aurre egiteko.
Era berean, "ausartzat" jo ditu Espainiak adingabeak pornografiara sartzea arautzeko bideratu dituen konpromisoak, Espainiako Gobernuko presidente Pedro Sánchezek iragarri baitu adingabeak Interneten babesteko lege integral bat onartzeko asmoa duela, pornoan goiz sartzea saihesteko. Palenciaren ustez, erakundeek har ditzaketen jarduera guztiak "ezinbestekoak" dira "oso larria" den arazo bati "integrala" izan behar duen irtenbide bat bilatzeko.
Eduki pornografikoa Interneten masiboenetako bat da eta, datu ofizialen arabera, 12 urtetik beherakoen % 25ek dagoeneko kontsumitzen du pornografia. Horrek eragina du gure nerabeen prestakuntzan eta haien harremanetan etorkizunean izango dituzten portaeretan. Horregatik, ziurtatu du gai hau jorratzeko erabiltzen den "estrategia diziplina aniztun" hori, hezkuntzaren eta gaitasun digitalen esparrutik, berdintasunaren esparrutik eta adingabeei eduki horietarako sarbidea eragotziko dieten gailuak sortzetik, "egokia" dela.
1079