Azken orduetan bi COVID-19 positibo atzeman dira egoitzetan
Azken orduetan bi COVID-19 positibo atzeman dira egoitzetan
Ez da heriotza gehiagorik izan eta 30 dira gaixotasuna gainditu duten adinekoak.
![](/documents/20933/12565553/COVID19-1-WEB.png/a99b5c69-a64c-ae34-d565-17de0c0ab247?t=1588610322000)
Azken orduetan bi COVID-19 kasu positibo atzeman dira Gipuzkoako adinekoen egoitzetako erabiltzaileen artean, Bergarako Mizpirualde zentroan. Egun, COVID-19an positibo eman duten erabiltzaileak Gipuzkoako lau egoitzatan daude: Hernaniko Santa Maria Magdalena (15), Errenteriako Jesusen Bihotza (12), Donostiako Alai-Etxe (7) eta Bergarako Mizpirualde (14). Beraz, 48 COVID-19 kasu aktibo daude Gipuzkoako egoitzetako erabiltzaileen artean, 65 zentrok eta 5.425 plazak osatzen dutena.
11 pertsonak ospitale-arreta behar dute eta ospitaleratuta daude, eta beste 26 Eibarko Ospitaleko gizarte-solairuan ari dira artatuak izaten, Gipuzkoako egoitzetatik eratorritako COVID-19 kasuen arretarako erreferentzia-zentroan. Abuztuaren 11n lehen positiboa eman zenetik, 30 adinekok gainditu dute gaixotasuna eta 24 pertsona hil dira.
1328