«Olatu solidarioak» Zumaiara iritsi dira

Mónica Pedreira: «Uda honetan normaltasunera itzuli gara, eta herritarrei zuzendutako hondartzetako sentsibilizazio kanpainak berreskuratuko ditugu. Aurten, kanpaina honen bitartez,  elkartasunerako deia egingo dugu, momentu honetan bizitzen ari gare errealitate konplexua, egoera sozioekonomikoaren eta prezioen igoeraren ondorioz egoera zaurgarrietan dauden pertsonei laguntzeko. Gainera, hondakin gutxiago sor daitezen eta sortutakoak gaika bereizi daitezen ere sentsibilizatzeko bideratuko dugu kanpaina”.

Mónica Pedreirak, Ingurumen zuzendaria, Zumaiako alkateordeak Iñaki Ostolazarekin batera, Itzurungo hondartzan uztailaren 18ra arte egongo den sentsibilizazio kanpaina bisitatu du gaur goizean. Olatu solidarioak sentsibilizazio kanpaina Emaus Gizarte Fundazioarekin eta Elikagaien Bankuarekin lankidetzan burutzen da, eta Gipuzkoako 9 hondartzatan barrena ibiliko da Volkswagen furgoneta batean. Bi helburu izango ditu: batetik, sustatzea herritarrek zakarrontziak ondo erabil ditzaten eta hondakinak bereizi eta gaika sailka ditzaten, haur jokoen, tailerren eta pegatinen bidez. Eta, bestetik, elikagaiak biltzea Elikagaien Bankurako, geroz eta pertsona gehiago baitira egungo egoera sozioekonomikoan laguntza behar dutenak. Elikagaien Bankuak azpimarratzen du bereziki elikagai hauek beharko liratekeela: olioa, arrain kontserbak (atun latak, sardinak, etab.), arroza, pasta,  dilista lehorrak eta haurrentzako pardelak.

Mónica Pedreira, Ingurumeneko zuzendariak, hau azpimarratzen du: «Uda honetan normaltasunera itzuli gara, eta herritarrei zuzendutako hondartzetako sentsibilizazio kanpainak berreskuratuko ditugu, hondakin gutxiago sor daitezen eta sortutakoak gaika bereizi daitezen». Bestalde, zuzendariak hau gaineratzen du: «Kanpaina osatzeko elkartasunerako deia egingo dugu, momentu honetan gizartean egoera ahulenetan daude pertsonak errealitate konplexua bizitzen ari dira eta,  egoera sozioekonomikoaren eta prezioen gorakadaren ondorioz». Sentsibilizazio kanpaina Zarautzen hasi zen orain duela bost aste, eta Pedreirak eskerrak ematen dizkie herritarrei «oraingoan ere elkartasuna adierazi dietelako zaurgarrienei», eta gogorarazi du «desberdintasun-tasa txikiena duen Europako lurraldeetako bat gara, baina hala ere, beharrezkoa da pertsona ahulenekiko berdintasun-politikak sendotzen jarraitzea, bai ekintza instituzionalaren bidez, bai gizarte-ekimenen eta herritarren parte-hartzearen bidez. Europan desberdintasun tasarik txikienetakoa duen lurraldea garela eta egunez egun eraikitzen dela errealitate hori, ekimen instituzionalari, esparru pribatuko ekimenei eta, batez ere, herritarren jarrera onari esker».

Alex Oliden, Zumaiako Udaleko alkateordeak, adierazi du Udalak bat egiten duela sentsibilizazio kanpaina honen helburu bikoitzarekin, eta azpimarratu du, kanpainaren garrantzia: “Batetik, hondakinen gaian, ezinbestekoa da biztanlegoak ohitura jasangarriak barneratzea, ahalik eta gutxien sortu eta ahalik eta gehien sailkatzeko eta bestetik, gure artean oinarrizko beharrak asetu gabe dituen jendea dago eta, eta Elikagai Bankua bezalako ekimenak oso garrantzitsuak dira sektore honen sufrimendua leuntzeko. Hemendik eskerrak eman nahi dizkiet zerbitzu hori ematen laguntzen duten guztiei eta, batez ere, Zumaiako Nagusilan elkarteko bolondresei” esan du.

Bestalde, José Mari Beitia eta Felipe Uriarte, Elikagaien Bankuko arduradunek egiaztatu du beharrak areagotu egin direla onuradunen kopurua handitu delako. «Gure ustez, bi arrazoirengatik handitu da onuradunen kopurua: Ukrainako gerrak desplazatutako pertsonak ugaritu direlako eta oinarrizko produktuen prezioa igo delako; horrek eragin bikoitza du Bankuan, merkatuan erosten dituen produktuen prezioaren balioa ere handitu egin baita».

Begoña Cabaleiro Emaus Gizarte Fundazioko komunikazioko arduradunak adierazi du: «kontsumo arduratsua, berrerabiltzea, birziklatzea eta ekonomia zirkularra udan ere gogoan izan behar dira. Gozatu daiteke, eta jasangarria izaten jarraitu. Hondartzara bizikletan joan gaitezke, tokiko eta sasoiko produktuen piknik bat eraman, iturriko ura kantinploran, eta erabili eta botatzeko produkturik gabe.

Ingurumen Departamentuak ekitaldi honetan milioi eta erdi euro bideratuko ditu hondartzen kudeaketa orokorrerako: sentsibilizazio kanpainaz gain, hondartzen garbiketa, bideometria sarea, Nik Hondartzak aplikazioaren eguneraketa eta salbamendu zerbitzua, Aldundia hondartzak garbitzeko zerbitzua zuzenean ematen duen udalerrietan; kasu hauetan, banaketa orekatua izan dadin, zuzenketa txiki bat ezarriko da udalerri txikienen alde.

Zumaia, 2022ko uztailaren 12a