Aldundiak kanpaina ibiltari bat jarri du abian Deban, Gipuzkoako hondartzen erabilera eta zaintza arduratsua sustatzeko

Gipuzkoako Foru Aldundiko Jasangarritasun Departamentua sentsibilizazio-kanpaina egiten ari da “Zu zeu zara poesia hondartzan birziklatzen duzunean” lemapean Emaús Gizarte Fundazioarekin, Mater Museoarekin eta Indigo Produkzioekin lankidetzan. Kostaldeko zortzi udalerrietan hainbat jardueraren bidez, gure hondartzetan hondakinen gaikako bilketa sustatuko dute.

Informazio-puntu bat instalatu da, hondartzetako aldagailu zaharrak imitatzen dituzten marradun etxola batzuez osatua. Etxola horietan hondartzak modu arduratsuan eta jasangarrian erabiltzeko gomendioak emango dira, herritarrak hondakinen gaikako bilketaz sentsibilizatuko dira eta plastikoak ozeanoetan duen inpaktuaz kontzientziatuko dira.

José Ignacio Asensio: “Gure helburua da Gipuzkoako hareatzen erabilera bikaina optimizatzen jarraitzea. Horregatik, aurten gure hondartzen garbitasuna eta segurtasuna are gehiago hobetuko ditugu, Gipuzkoako hareatzak arduraz erabiltzeko eta ingurumenaren gozamena eta babesa bateragarri egiteko”.

Aste honetan sentsibilizazio-kanpaina bat jarri da abian Debako Santiago hondartzan, “Zu zeu zara poesia hondartzan birziklatzen duzunean”. Kanpaina hau Gipuzkoako Foru Aldundiko Jasangarritasun Departamentuak antolatu du, Emaús Gizarte Fundazioarekin, Mater Museoarekin eta Indigo Produkzioekin lankidetzan. Aurkezpenean izan dira José Ignacio Asensio Jasangarritasuneko diputatua, Alazne Txurruka Debako alkatea, eta Begoña Cabaleiro Emaús Gizarte Fundazioko komunikazio-arduraduna. Kanpaina honek gure hareatzetan hondakinen gaikako bilketa sustatuko du, kostaldeko zortzi udalerrietan hainbat jardueraren bidez, eta abuztuaren 20ra arte egingo da, astebeteko iraupenarekin puntu bakoitzean.

Kanpaina honen helburu nagusia da paperontzien erabilera egokia sustatzea eta sentsibilizazioa bultzatzea, herritarrek hondakinak bereizi eta gaika bil ditzaten, haur-jolasen, tailerren, antzerki-emanaldien, emanaldi erraldoien eta informazio-gune finko baten bidez.

José Ignacio Asensio Jasangarritasuneko diputatuak adierazi du bere Departamentuaren helburua Gipuzkoako hareatzen erabilera bikaina optimizatzen jarraitzea dela: “Horregatik, aurten gure hondartzen garbitasuna eta segurtasuna are gehiago hobetuko ditugu, Gipuzkoako hareatzak arduraz erabiltzeko eta ingurumenaren gozamena eta babesa bateragarri egiteko”.

Horretarako, Emáus Gizarte Fundazioaren eskutik informazio-puntu bat instalatu da, hondartzetako lehengo aldagailuak imitatzen dituzten marradun etxola batzuez osatua, eta marren koloreak dauden edukiontzien koloreei egiten die erreferentzia. Etxola horietan hondartzak modu arduratsuan eta jasangarrian erabiltzeko gomendioak emango dira, herritarrak hondakinen gaikako bilketaz sentsibilizatuko dira eta plastikoak ozeanoetan duen inpaktuaz kontzientziatuko dira.

Informazio mugikorreko gune horrek Mutrikuko Portua hondartza zeharkatu du dagoeneko, eta, orain, Debako Santiago hondartzan dago, igandera arte. Era berean, datozen asteetan zehar ibiliko da Gipuzkoako kostaldeko gainerako udalerrietan: Zumaia, Zarautz, Orio, Getaria, Donostia eta Hondarribia. Egunero artatzen da, astelehenetik ostiralera, 11: 00etatik 14: 00etara.

Informazio-puntuaz gain, Emausen hezkuntza eraldatzaileko talde batek hainbat jarduera egingo ditu herritar guztiei zuzenduta, ekonomia zirkularrera, berrerabilpenera eta klima-aldaketara bideratuta: arrain-bankua, hondakinetatik abiatuta txotxongiloak, pentsamenduen liburua, birziklatzearen ginkana eta hondakinen tribiala.

Herritar-zientzia eta erraldoiak Materren eskutik

Materrek sustatzen dituen proiektuen eta programen helburua pertsonak itsasoaren zaintzaren protagonista bihurtzea da. Lehenengo jarduera Gipuzkoako hondartzetan mikroplastikoak garbitzea izango da. Metodologia horren bidez, eremu mugatu bateko mikroplastikoen kontzentrazioa neurtu ahal izango dute parte-hartzaileek. Partaidetza-jarduera horretan, harea aztertuko da, mikroplastikoak materia organikotik bereiziz, eta, ondoren, mikroplastikoak aztertuko dira, sailkatu eta datuak bilduko dira haien kontzentrazioa kalkulatzeko eta gure kostaldeak herritarren zientziaren bidez duen egoera ezagutzeko.

Materrekin egingo den bigarren jardueraren helburua da itsasoko zaborren problematika ezagutaraztea eta biodibertsitatearen garrantziari balioa ematea, itsasoaren bi erraldoiren bidez: Zabor, itsasoko hondakinetatik abiatuta egindako hondakinen munstruoa, eta Bio, biodibertsitatearen dama, komunitatean kakorratzez ehunka koral eta itsas algez osatua. Izaki hauek erraldoi bihurtu dira, musika, umore eta kalejiraren ikuskizun baten bidez itsasoa nola dagoen zabaltzeko. Ikuskizun horrek funtsezko garrantzia eta ingurumen-sentsibilizazioa ditu, itsasoko zaborren problematika ezagutarazteko eta biodibertsitatearen inportazioari balioa emateko. Bi jarduera horiek igandeetan egingo dira, 17:00etatik 20: 00etara.

Kale-antzerkia Indigo Produkzioak elkartearekin

Indigo Produkzioak gidoi bat eraiki du kaleko antzerki-pieza bat egiteko eta lau aktore profesionalek interpretatutako dute larunbatean 17:00etatik aurrera. Botticelliko Venusaren sorreran oinarrituta, hondartzen kutsaduraren eta itsas ekosistemaren ondorioei buruzko perfomance bat egingo dute. Umoreari dagokionez, kritika egingo zaio giza ohituren bilakaerari, gure eguneroko ekintzen aurrean kontzientzia sortzeko.