Diputatuen kontseiluak 2019ko otsailaren 12ko bileran onartutako gaiak

DIPUTATU NAGUSIA

• Diru laguntza hauen oinarri arautzaileak eta 2019ko deialdia onartzea: "Etorkizuna Eraikiz GipuzkoaLab" programako diru laguntza lerrokoak.

KULTURA, TURISMO, GAZTERIA ETA KIROL DEPARTAMENTUA

• Onespena ematea Gipuzkoako Foru Aldundiak garapenerako lankidetzan jarduteko esparru estrategikoari.
• Diru laguntza hauen oinarri arautzaileak eta 2019ko deialdia onartzea: garapenerako lankidetza sustatzeko.

EKONOMIA SUSTAPENEKO, LANDA INGURUNEKO ETA LURRALDE OREKAKO DEPARTAMENTUA

• Diru laguntza hauen oinarri arautzaileak eta 2019ko deialdia onartzea: Gipuzkoako Lurralde Historikoko landa bideei zuzendutakoak.

MUGIKORTASUNEKO ETA LURRALDE ANTOLAKETAKO DEPARTAMENTUA

• Diruzko ekarpena egitea Gipuzkoako Garraioaren Lurralde Agintaritzari: 2019ko funtzionamendu gastu arruntak finantzatzeko.
• 2019. urteari dagokion gastua baimentzea: diru-sarrera bermatuen sisteman sartuta dauden bidaiarien errepideko garraio publikoko linea erregularren enpresa emakidadunentzako konpentsazio gisa.
• Ibilgailu bat doan besterentzea Aspanogi Gipuzkoako Haur Minbizidunen Guraso Elkarteari.
• Gastua baimendu eta xedatzea Autobuses Garayar SA enpresaren alde: 2019an "Andoain-Donostia, adarrak barne" eta "Pikoaga-Hernani-Donostia" emakidetako bidaiarien garraio erregularreko zerbitzuak ustiatzeagatik adostutako konpentsazioari aurre egiteko.

OGASUN ETA FINANTZA DEPARTAMENTUA

• Kreditu gehigarria onartzea Ogasun eta Finantza Departamentuan (2018ko Informatika plana).
• Kreditu gehigarria onartzea Ingurumeneko eta Obra Hidraulikoetako Departamentuan (Hondartzen irisgarritasuna hobetzeko lanak).
• Kreditu gehigarriak onartu eta gastua baimentzea Ogasun eta Finantza Departamentuan konkurtso eta zerga-bilketako prozeduretan ondasun higiezinen eta eskubideen adjudikazioa finantzatzeko.

BIDE AZPIEGITURETAKO DEPARTAMENTUA

• Proiektu hau onestea eta proiektuari dagozkion obrak kontratatzeko espedientea eta obren zuzendaritzarako laguntza teknikoa kontratatzeko espedientea: "San Lorentzo-Larreko tuneleko Donostiako noranzkoko hodian (A-15 autobidea) estaldura sendotzea eta instalazioak egokitzea (2004/54/CE Direktiba) (2-IN-83/2018)".

GIZARTE POLITIKAKO DEPARTAMENTUA

• Tolosako Udalarekin eta Iurreamendi egoitza erakunde autonomoarekin sinatu beharreko hitzarmena onartzea: adineko pertsonentzako Iurreamendi egoitzaren kudeaketa eskualdatzeko.
• Arrasateko Udalarekin sinatu beharreko hitzarmena onartzea: adineko pertsonentzako Iturbide udal egoitzaren kudeaketa eskualdatzeko.
• Gastua baimendu eta xedatzea: mendeko adinekoei hainbat zerbitzu eskaintze aldera sinatutako kontratu-programek eta lankidetza hitzarmenek 2019an eragingo dituzten obligazio ekonomikoak betetzeko.
• Onestea udalekin sinatu beharreko kudeaketa mandatuaren hitzarmenaren eredua: mendekotasun prestazio ekonomikoak jasotzen dituzten herritarrek jasotako zaintzaren kalitatearen aldiko jarraipena egiteko.

INGURUMENEKO ETA OBRA HIDRAULIKOETAKO DEPARTAMENTUA

• Diru laguntza hauen oinarri arautzaileak eta 2019ko deialdia onartzea: Gipuzkoako Lurralde Historikoko iraunkortasuna eta ingurumeneko hobekuntza sustatzeko jarduerak egiten dituzten udalei, mankomunitateei, eskualdeko erakundeei, elkarteei eta enpresei zuzendutakoak.