Diputatuen kontseiluak 2023ko maiatzaren 9ko bileran onartutako gaiak

DIPUTATU NAGUSIA

• Dirulaguntza hauen oinarri arautzaileak eta 2023ko deialdia onestea: Etorkizuna Eraikiz Gipuzkoa Taldean proiektuen programakoak.

GOBERNANTZA DEPARTAMENTUA

• Kontratazio espediente hau onestea: Gipuzkoako Foru Aldundiko eraikinetako segurtasun sistemak eta suteen aurkako babes sistemak mantentzeko zerbitzua.
• Berraztertzeko errekurtso hau ebaztea: aldi baterako enplegua egonkortzeko enplegu publikoaren eskaintzako plazak eskuratzeko hautaketa prozesuen deialdiak, oinarri orokorrak eta oinarri espezifikoak onetsi zituen 2022ko abenduaren 20ko erabakiaren aurka jarritakoa.
• Administrazioarekiko auzi errekurtsoa jartzea Auzitegi Gorenean, Ekonomia Ituneko Arbitraje Batzordeak martxoaren 22an emandako 18/2023 Ebazpenaren aurka.
• Administrazioarekiko auzi errekurtsoa jartzea Auzitegi Gorenean, Ekonomia Ituneko Arbitraje Batzordeak martxoaren 22an emandako 17/2023 Ebazpenaren aurka.

EKONOMIA SUSTAPENEKO, TURISMOKO ETA LANDA INGURUNEKO DEPARTAMENTUA

• Dirulaguntza hauen oinarri arautzaile espezifikoak eta 2023ko deialdia onestea: "Gipuzkoa Digitala - Zibersegurtasuna balio katean" dirulaguntzen programakoak.

MUGIKORTASUNEKO ETA LURRALDE ANTOLAKETAKO DEPARTAMENTUA

• Itzultzea N-121-A errepidea Laskuain biribilgunetik Endarlatsaraino zabaltzeko eta hobetzeko eraikuntza proiektuko 78 zk. partzelaren A eta B lur zatiak.
• Onestea Goiburu auzoan dagoen 823,11 m2-ko azalera baten doako erabilera-lagapena Andoaingo Udalaren alde behin-behineko disuasio-aparkaleku bat egin dezan.

OGASUN ETA FINANTZA DEPARTAMENTUA

• 1/2023 Foru Dekretu Arauemailea, maiatzaren 9koa, plastikozko ontzi ez-berrerabilgarrien gaineko zerga bereziari buruzkoa.
• 2/2023 Foru Dekretu Arauemailea, maiatzaren 9koa, hondakinak zabortegietan uzteagatik eta haien errausketa edo koerrausketagatik ordaindu beharreko zergari buruzkoa.
• Zerga zehapenak barkatzeko eskaera ebaztea.
• Ordainketa kredituen transferentzia eta konpromiso kredituen transferentzia egitea Diputatu Nagusiaren Alorrean.
• Konpromiso kreditua sortzea Ingurumeneko eta Obra Hidraulikoetako Departamentuan, konpromiso kredituen transferentzia, eta ordainketa kredituaren transferentzia egitea Ingurumeneko eta Obra Hidraulikoetako Departamentuaren eta Ekonomia Sustapeneko, Turismoko eta Landa Inguruneko Departamentuaren artean.
• Ordainketa kredituen transferentzia eta konpromiso kredituen transferentzia egitea Gizarte Politiketako Departamentuan.

BIDE AZPIEGITURETAKO DEPARTAMENTUA

• Proiektu hau onestea: Itxiberrieta biribilgunea osatze aldera, Lasarte-Oriako hegoaldeko N-I-451 lotunean (Allerru) biribilgune goratua egiteko 1. Proiektu aldatua. Aurrekontu eguneratua.
• Obra hauek gauzatzeko kontratua aldatzea: Itxiberrieta biribilgunea osatze aldera, Lasarte-Oriako hegoaldeko N-I-451 lotunean (Allerru) biribilgune goratua egiteko 1. Proiektu aldatua. Aurrekontu eguneratua.

GIZARTE POLITIKETAKO DEPARTAMENTUA

• Onestea lan hauek egiteko Proiektua eta dagokion kontratazio espedientea: Eibarko Egogain egoitza zentroko estalkiak birgaitzeko obrak.
• Gestión de Servicios Residenciales S. Coop entitatearekin sinatutako kontratu-programa suntsiaraztea eta kontratu-programa berria onestea, mendekotasunaren ondoriozko beharrak prebenitzeko eta horiei erantzuteko zerbitzuak emateko.

KULTURA, LANKIDETZA, GAZTERIA ETA KIROL DEPARTAMENTUA

• Dirulaguntza hauen berariazko oinarriak eta 2023ko deialdia onestea: eszena arteak (antzerkia edota dantza) ekoizten eta zabaltzen diharduten entitateei zuzendutakoak.