Diputatuen kontseiluak 2024ko uztailaren 30eko bileran onartutako gaiak

DIPUTATU NAGUSIAREN ALORRA

• Onestea Gipuzkoako Foru Aldundiko departamentuen eta haren foru organismo autonomoen hizkuntza irizpideei eta kudeaketa planei buruzko jarraibideak.

JASANGARRITASUN DEPARTAMENTUA

• Onestea Uraren Euskal Agentziarekin eta Gipuzkoako Ur kontsorzioarekin sinatu beharreko lankidetza hitzarmena "Antzuola-Bergara bizikleta eta oinezkoentzako bidearen Proiektuaren III. fasea" gauzatzeko eta finantzatzeko.
• Onestea Uliazpi Fundazioarekin sinatu beharreko lankidetza-hitzarmena, Zubieta zentroko etxe batean aerotermia instalatzeko eta barruko banaketa-sistema aldatzeko obrak finantzatzeko eta gauzatzeko.

ZAINKETA ETA GIZARTE POLITIKETAKO DEPARTAMENTUA

• Aldatzea Loiolaetxea para la Integracion Social elkartearekin sinatutako programa-kontratua: I. eranskina (zentroak, zerbitzuak eta kokalekua); II. eranskina (zuzeneko arretako gutxieneko langileak), III. eranskina (araubide ekonomikoa).
• Aldatzea Asociación Intercultural Kolore Guztiak erakundearekin sinatutako programa-kontratua: II. eranskina (zuzeneko arretako gutxieneko langileak), III. eranskina (araubide ekonomikoa).
• Aldatzea Peñascal Sociedad Cooperativa entitatearekin sinatutako programa-kontratua: II. eranskina (zuzeneko arretako gutxieneko langileak), III. eranskina (araubide ekonomikoa).
• Aldatzea Emaús Fundación Social erakundearekin sinatutako programa-kontratua: II. eranskina (zuzeneko arretako gutxieneko langileak), III. eranskina (araubide ekonomikoa).
• Proiektu hau aldatzeko espedienteari baimena ematea: Azkoitiko San Jose egoitza-zentroa berritu eta handitzeko obrak.
• Proiektu hau aldatzeko espedienteari baimena ematea: Pasaian, zahartzearen eta mendekotasunaren arloko erreferentziazko zentroa eta lur azpiko aparkamendua egiteko.

GOBERNANTZA DEPARTAMENTUA

• "Partekatuz" programaren bidez Gipuzkoako Foru Aldundiko langileen plantilla gaztetzeko giza baliabideen antolaketa plana onestea.
• Aldatzea Gipuzkoako Foru Aldundiko funtzionarioentzat gordetako lanpostu zerrenda.
• Zuzentzea 2024ko ekainaren 18ko erabakia: funtzionarioentzat gordetako lanpostu zerrendan sartu beharreko dedikazio-baldintzen taula aldatzekoa.
• Zuzentzea 2024ko ekainaren 18ko erabakia: funtzionarioei gordetako lanpostu zerrendaren aldaketa.
• Berraztertzeko errekurtso hau ebaztea: Gipuzkoako Foru Aldundiaren lan eskaintza publikoa, aldi baterako enplegua egonkortzeko plazei dagokiona, onetsi zuen 2023ko abenduaren 12ko erabakiaren aurka jarritakoa.
• Berraztertzeko errekursto hau ebaztea: lanpostu zerrenda aldatzeko 2024ko maiatzaren 14an hartutako erabakiaren aurka jarritakoa.
• Gipuzkoako Foru Aldundiaren zerbitzura dauden langileen ordainsarien igoera.
• Gipuzkoako Batzar Nagusiekin eta Informatika Zerbitzuen Foru Elkartea SArekin sinatu beharreko hitzarmenaren onestea, Batzar Nagusiek Gipuzkoako Foru Aldundiaren azpiegitura informatikoa erabil dezaten.

MUGIKORTASUNEKO, TURISMOKO ETA LURRALDE ANTOLAKETAKO DEPARTAMENTUA

• Errentan hartzea Legorretako familia bakarreko etxebitza, babesgabetasun-egoeran dauden adingabeak hartzeko zerbitzua emateko.
• Itsasondoko N-I errepideari atxikitako bide-jabari publikoko lurzati bat doan lagatzea ADIF Trenbide Azpiegituren Administratzailea enpresa-erakunde publikoari, "Itsasondoko geltokian (Euskal Autonomia Erkidegoko aldirien gunea) nasak egokitzeko obrak" egiteko.

OGASUN ETA FINANTZA DEPARTAMENTUA

• 21/2024 Foru Dekretua, uztailaren 30ekoa, Finantza eta Aurrekontu zuzendari nagusiaren kargu-uztea xedatzekoa.
• Berri ematea: Aldundiko departamentuek eta foru sektore publikoko entitateek aurkeztutako aurrekontu proposamenak 2025eko ekitaldiko emaitzetara bideratutako aurrekontua prestatzeko.
• Zerga zehapenak barkatzeko eskaera ebaztea.
• Zerga zehapenak barkatzeko eskaera ebaztea.
• Zerga zehapenak barkatzeko eskaera ebaztea.
• Konpromiso kredituak sortzea eta ordainketa kredituen transferentzia egitea Diputatu Nagusiaren Alorrean.
• Kredituen transferentzia egitea eta konpromiso kredituen transferentzia egitea Jasangarritasun Departamentuan.
• Konpromiso kredituaren sorrera Jasangarritasun Departamentuan.
• Konpromiso kredituen sorrera Zainketa eta Gizarte Politiketako Departamentuan eta Mugikortasuneko, Turismoko eta Lurralde Antolaketako Departamentuan.

BIDE AZPIEGITURETAKO ETA LURRALDE ESTRATEGIAKO DEPARTAMENTUA

• Kalte-ordaina ematea obra kontratu honen 3. sortako (Oindolar hodiko instalazioak egokitzea, Donostiarako noranzkoan, eta Gorosmendiko hodikoak, Iruñerako noranzkoan) obren kontratista adjudikaziodunari: Oindolar eta Gorosmendi (A-15 autobidea) tuneletako estaldura sendotzeko eta instalazioak egokitzeko (2004/54/CE Zuzentaraua) proiektuaren 1. separata. Aurrekontu eguneratua (3. sorta).
• Proiektu hau onestea: Zestoan GI-631 errepidean trafikoa baretzeko eta sarbideak antolatzeko.
• Proiektu hau onestea: N-I errepideko zoruaren gainazala birgaitzea 447,865 eta 451,800 KPen artean, Irun-Gasteiz noranzkoan, eta N-I-451-1-S-1 irteera adarra Gasteiz-Irun noranzkoan, eta N-I-451-2-S dezelerazio erreia luzatzea N-I-451 Lasarte-Oria hegoaldeko lotunean, Irun-Gasteiz noranzkoan.
• Onestea obra hauek kontratatzeko espedientea: N-I errepideko zoruaren gainazala birgaitzea 447,865 eta 451,800 KPen artean, Irun-Gasteiz noranzkoan, eta N-I-451-1-S-1 irteera adarra Gasteiz-Irun noranzkoan, eta N-I-451-2-S dezelerazio erreia luzatzea N-I-451 Lasarte-Oria hegoaldeko lotunean, Irun-Gasteiz noranzkoan.
• Bide Azpiegituretako eta Lurralde Estrategiako foru diputatuari ahalmena ematea, Gipuzkoako Lurralde Historikoaren Erakunde Antolaketa, Gobernu eta Administrazioari buruzko uztailaren 12ko 6/2005 Foru Arauaren 40.5.b) artikuluaren arabera.
• Bide Azpiegituretako eta Lurralde Estrategiako Departamentuko foru diputatuari ahalmena ematea Garraio eta Mugikortasun Iraunkorreko Ministerioak eman beharreko zuzeneko dirulaguntza eskatzeko.