Gipuzkoaren oraina eta etorkizuna lurralde gisa, EHUren Udako Ikastaroetan eztabaidagai

Azahara Domínguez, Mugikortasuneko, Turismoko eta Lurralde Antolaketako foru diputatua: "Etorkizunari aurre egiteko prest eta irekita egongo den Gipuzkoa kohesionatu baten alde lan egin behar dugu. Ildo horretan, lurralde-antolamenduak eta plangintzak gizartearen interesen zerbitzura egon behar du, eta arreta jarri behar du pertsonen bizi-kalitatearen hobekuntzan, baliabide naturalen kudeaketa arduratsuan eta ingurumenaren babesean, baliabideak zentzuz erabiliz ". 

José Antonio Santano, Garraioen eta Mugikortasun Iraunkorraren Estatu idazkaria: "Gipuzkoan trenbidea funtsezkoa izango da garraioaren deskarbonizaziorako, bai eta hirien integrazioan eta berrikuntzan funtsezko elementua ere. Abiadura handiaren etorrerak, hirigune nagusietan dauden bi geltoki berrik (Donostia eta Irun) eta aldirietan etortzeke dauden hobekuntzek etorkizunari baikor eta ilusioz begiratzeko aukera ematen diote lurraldeari. Ministerioak konpromisoa hartu du Gipuzkoa biharko mugikortasun horren protagonista izan dadin, gure hiriak integratzeko eta berritzeko, oso denbora laburrean errealitate izango diren jarduerekin ".

EHUren Udako Ikastaroek Mugikortasuneko, Turismoko eta Lurralde Antolaketako Departamentuak Gipuzkoaren orainari eta etorkizunari buruz antolatu dituen jardunaldietako lehena izan dute hizpide astelehen honetan. "Gipuzkoako metropoliaren ikuspegia" izenburupean, eraiki nahi dugun lurralde-ereduaren inguruan eztabaidatu eta hausnartu dute hainbat adituk.

Azahara Dominguez Mugikortasuneko, Turismoko eta Lurralde Antolaketako diputatuak eman dio hasiera ikastaroari. “Etorkizunari aurre egiteko prest eta irekita egongo den Gipuzkoa kohesionatu baten alde lan egin behar dugu. Ildo horretan, lurralde-antolamenduak eta plangintzak gizartearen interesen zerbitzura egon behar du, eta arreta jarri behar du pertsonen bizi-kalitatearen hobekuntzan, baliabide naturalen kudeaketa arduratsuan eta ingurumenaren babesean, baliabideak zentzuz erabiliz”, adierazi du diputatuak. 

Azahara Domínguezek azaldu duenez, beharrezkoa da lurralde antolamendua gizon eta emakumeen arteko berdintasunean aurrera egitea ahalbidetuko duen ikuspegi batetik lantzea. "Emakumeak indarkeriaren biktima nagusia izaten jarraitzen du gure hirietan, eta, horregatik, beharrezkoa da botere publikoek gure emakumeentzat seguruagoak diren hiriak bultzatzeko jardutea. Eta horri dagokionez, esan dezakegu emakumeentzat pentsatutako hirigintza ez dela gizonak diskriminatzen dituen hirigintza, emakumeari eta gizonari balio dien hirigintza baizik", azpimarratu du.

Halaber, lurraldea egituratzea ahalbidetuko duten mugikortasun-politika publikoak garatzeko beharra defendatu du. "Hiri-espazioetako mugikortasun-eskaerek justizia espazialaren eta iraunkortasunaren irizpideei jarraitu behar diete. Hau da, mugikortasun iraunkorra herritarren eskubide gisa. Garraio publikoak erabakitako jarduketa publikoa funtsezkoa da Gipuzkoa lurraldez eta sozialki kohesionatzeko. Garraio publikoa bidezkoa eta inklusiboa da. Batez ere emakumeak eta gazteak dira garraio publikoaren erabiltzaile nagusiak. Garraio publiko erakargarria, lehiakorra, segurua eta irisgarria mantendu eta garatzeko lan egin behar dugu ", azaldu du.

Bestalde, Garraioen eta Mugikortasun Iraunkorraren Estatu idazkari José Antonio Santanok adierazi duenez, "Gipuzkoan trenbidea funtsezkoa izango da garraioaren deskarbonizazioa egiteko, bai eta hiriak integratzeko eta berritzeko funtsezko elementua ere. Abiadura handiaren etorrerak, hirigune nagusietan dauden bi geltoki berrik (Donostia eta Irun) eta aldirietan etortzeke dauden hobekuntzek etorkizunari baikor eta ilusioz begiratzeko aukera ematen diote lurraldeari ". "Ministerioak konpromisoa hartu du Gipuzkoa biharko mugikortasun horren protagonista izan dadin, gure hiriak integratzeko eta berritzeko, oso denbora laburrean errealitate izango diren jarduketekin", gaineratu du.

Bi jaurdunaldi
Antonio Balmon Cornellá de Llobregateko alkate eta Bartzelonako Metropoli Eremuko presidenteorde exekutiboak eta Olga de Cos Kantabriako Unibertsitateko Geografia, Hirigintza eta Lurralde Antolamendu saileko irakasle titularrak hitz egin dute gaurko jaurdunaldian.

Bihar, hilak 10, Mariona Tomàs Bartzelonako Unibertsitateko ordezkariak eta Henk Bouwman Metrexeko idazkari nagusiak hartuko dute parte ikastaroan. Ondoren, mahai-inguru bat izango da, eta bertan parte hartuko dute Miguel Ángel Páez Lurralde Plangintza eta Hiri Agendako sailburuordeak, Jose María Ezquiaga Madrilgo Unibertsitate Politeknikoko kideak eta Santiago Peñalba EMESEME-Donostiako ordezkariak. Itxiera ekitaldia Denis Itxaso Etxebizitza eta Hiri Agendako sailburuak egingo du.