Abuztura arteko zerga bilketa metatua % 4,8 igo da Gipuzkoan, aurreko urtearekin alderatuta

Zerga-bilketa metatua %4,8 hazi da Gipuzkoan abuztuaren 31ra arte, aurreko urteko denboraldi berdinarekin alderatuta. Guztira, 3.617 milioi euro bildu dira, hau da, 2022an baino 166,7 milioi gehiago. Sarrera gordinak % 3,1 igo dira eta itzulketak %1,8 jaitsi dira. Zuzeneko zergak %8,3 handitu dira, zeharkako zergak %1,0 eta Estatuarekiko doiketak %0,4.

Zergaz zerga, Pertsona Fisikoen Errentaren gaineko Zergarekin (PFEZ) hasita, lan-etekinen atalean 116,1 milioi euro gehiago bildu dira (+%8,8). PFEZ osoaren hazkundea %9,9 igo da, hau da, 134,4 milioi gehiago. Sozietateen gaineko Zergari dagokionez, enpresa-mozkinak zergapetzen dituen kuota diferentzial garbia 21,4 milioi hazi da abuztura arte, 2022ko aldi beraren aldean: diru-sarrera gordinak 33,2 milioi igo ziren, batez ere kanpainagatik, eta itzulketak 11,8 milioi.

Bestalde, Foru Aldundiak kudeatzen duen BEZari dagokionez, zerga bilketa metatua %3,0 igo da aurreko urtearekin alderatuta, hau da, 27,5 milioi gehiago: diru-sarrerak 113,7 milioi gehiago izan ziren (+%10,3), itzulketak 44,8 milioi gutxiago (-%7,0) eta lurralde arteko doikuntzak 130,9 milioi gutxiago (-%29,9). Zerga berezien atalean, tabako-laboreen gaineko zergaren bilketa 12,6 milioi eurotan gutxitu da (-%13,4), eta 5,4 milioi gutxiago bildu dira hidrokarburoetan (-%2,2) eta 3,2 milioi plastikozko ontzi ez-berrerabilgarrien gainean aurten ezarritako zergan. Azkenik, Estatuarekin egiten diren doikuntzetan bilketa metatua, joan den urteko epe beraren aldean, 29,6 milioi jaitsi da BEZean eta 30,5 milioi hobetu da zerga berezietan.