Sei hilabetetan luzatu du TicketBAIren borondatezko epea Gipuzkoak

Gipuzkoako Foru Aldundia Foru Agindu berria prestatzen ari da, TicketBAI zerga betebehar berriaren harira. Araudi berriak bi berritasun nagusi dakartza:

• Alde batetik, sei hilabetetan luzatzen du TicketBAIren borondatezko epea kolektibo guztientzat. Ondorioz, derrigorrezko epea 2022ko uztailaren 1ean hasiko da. Egutegi berria laster argitaratuko da.
• Gainera, erretiroa hartzetik gertu dauden pertsonak TicketBAItik salbuetsita uzteko neurriak lantzen ari da Aldundia.

Foru Agindu berria ahalik eta azkarren aurkeztu eta onartuko da.