“Martina Dasnoy edo poetika garaikidea” erakusketa KM-ko Ganbaran

Martina Dasnoy

Martina Dasnoy-k Madrilgo Complutense Unibertsitatean Arte Ederrak ikasi zuen eta, harrezkero, pinturaren, eskulturaren, marrazketa naturalaren, obra grafikoa grabatu kalkografikoaren, litografiaren eta serigrafiaren praktika artistikoan ardaztu da.

Dasnoy beti egon da musikaz inguratuta. Bere amak pianoa jotzen zuen, aita biolina eta berak klarinete ikasketak egin zituen eta kontzertista izatera iritsi zen. Musikarekiko duen pasio hori beti egon da ikusgai bere lanetan, bere obra plastikoak erritmo leun, ondulatu eta melodikoez hornitzen baititu.

Martina Dasnoy-ren ibilbide luzean Artelekutik igarobidea nabarmendu behar da, bereziki Jose Maria Mezquitarekin batera egindako lantegiak eta Don Herbertekin egindako litografia tailerrak, Gipuzkoako Artisten Elkartean egindako lanaldiekin batera.

 

Erakusketa

Koldo Mitxelena-ko Ganbara aretoan dagoen erakusketa Txinarenganako duen erakarpen eta pasiotik jaiotzen da eta lurralde horretara egindako bidaietan oinarrituta dago.  Erakusketa Txinari ekarritako bilkari berezietan margotutako eta artistaren berezko hizkuntza erakusten duten hogei margolanek osatzen dute. Kreazio prozesuan artistak tinta txinatarra, akuarelak, arkatz beltzak eta ikatz-ziria, koloretako pastelak, eta zenbaitetan, intxaur-tinta finkatzaile modura erabili ditu.

Pintura hauetan, Dasnoy-k erabateko abstrakzioa lortu du, eta ikuslea ideia, musika eta sentipenen bidai batean barneratzen du sortutako poema piktoriko eta musika erritmoei esker. Honela, erakusketak Horacio filosofoari erreferentzia eginez, poesia hitz egiten duen pintura dela eta pintura mutua den poesia dela dikotomia filosofikoa erakusten du.