Aparkalekua ireki da Trintxerpen aparkatzeko zerbitzua emateko, Hospitalillon aldaketaren hasieran

Rafaela Romero: «Pasaiako eraldaketa, berroneratzea eta biziberritzea Mugikortasuneko eta Lurralde Antolaketako Foru Departamentuaren apustua da, ekintza, jarduketa eta baliabide ekonomikoekin frogatzen ari dena eta pasaitarren bizi-kalitatearen hobekuntzan eragin zuzena duena. Herritarrek merezi dute hiri-eredu berriei erantzungo dien ingurune bat, ekologikoagoak eta iraunkorragoak, eta, batez ere, ingurune horiek berdintasunaren ikuspegitik garatzea, pertsona guztien beharrak kontuan hartuta. Aparkaleku honek 198 plaza ditu, 6 mugikortasun urriko pertsonentzat. Guztira, ia 800.000 euroko inbertsioa suposatu du».

Gainera, diputatuak Pasaian egindako 9 milioi euro baino gehiagoko inbertsioari egin dio erreferentzia: «Aparkaleku hori dagoeneko errealitate bat da, eta Departamentuak 4 urte hauetan Pasaiako ekonomia, gizartea eta kalitatea berroneratzeko, biziberritzeko eta eraldatzeko egin duen 9 milioi euro inguruko inbertsioaren barruan kokatzen da. Batetik, urtero egindako hitzarmenak, non hainbat eraldaketa egin diren, espazio degradatuak berreskuratuz Pasaiako herritarren bizitza hobetzeko, eta, bestetik, lonja berrurbanizatzeko, Ondartxoko oinezkoen pasealekua berreskuratzeko eta pabiloiak estaltzeko egindako jarduketak. Aparkalekua proiektu handi baten hasiera baino ez da».

Izaskun Gómez: «Parking berriak nabarmen hobetzen du aparkalekua Trintxerpen bizi direnentzat, eta hasiera ematen dio Hospitalillo eremuaren berroneratze prozesuari. Beste behin ere, erakundeekin batera egindako lanaren ondorioz –kasu honetan, Mugikortasuneko eta Lurralde Antolaketako Departamentuarekin–, inbertsioak eta hobekuntzak egin dira pasaitarren bizi kalitatea hobetzeko, eta Pasaiak aurrera egiten jarraitzeko behar dituen proiektuak gauzatu dira».

Mugikortasuneko eta Lurralde Antolaketako diputatuak, Rafaela Romerok, Hospitalilloko behin-behineko aparkalekua inauguratu du gaur goizean Trintxerpen, Pasaiako alkate Izaskun Gómez, Pasaiako Portuko zuzendari David Candelario eta Lurralde Antolaketako zuzendari Miguel Angel Crespo bertan zirela.

198 plaza ditu, horietatik 6 mugikortasun urriko pertsonentzat, eta Mugikortasuneko eta Lurralde Antolaketako Departamentuak finantzatu duen 773.463 euroko inbertsioa behar izan du. Behin-behineko aparkaleku berria Ciriza eraikinaren ondoan dago, Gernika plazaren atzealdean, eta mota horretako azpiegitura batek behar dituen zerbitzu guztiak ditu, hala nola argiztapena, asfaltatzea, seinaleztapen egokia eta irisgarritasun ona, Euskadi etorbidetik zein Aduana kaletik sarbide alternatiboa duelako.

Aparkalekuko obrak hiru hilabete eta erdiz luzatu dira, aurreikusitako epeak betez, eta horri esker, Adinberriko behin betiko aparkalekuaren obrak egiten diren bitartean, aparkatzeko dauden arazoei erantzuten zaie. 

Aparkalekuak, zeinaren kudeaketa eta mantentze-lanak Pasaiako Udalari laga zaizkion, udalak egindako eskaerari erantzuten dio; izan ere, haren ustez, bertan bizi direnek erabili behar dute lehentasunez aparkalekua. Hala, gauez, Trintxerpeko egoiliarrek bakarrik erabiliko dute. 

Inaugurazio ekitaldian, Rafaela Romero diputatuak nabarmendu du obrak egiteko epeak bete direla «irailean, obrei hasiera eman zitzaienean, hiru hilabete eta erdi iraungo zutela iragarri genuen, eta hori da, hain zuzen ere, behar izan dugun denbora aparkalekua prest jartzeko, herritarrek erabili ahal izan dezaten Adinberri zentroa eraikitzeko lanek irauten duten bitartean».

Aparkalekua inauguratzea beste mugarri bat da Pasaian gertatzen ari den eraldaketan, eta Mugikortasuneko eta Lurralde Antolaketako Departamentuak Pasaialdearekin duen konpromisoa berresten du, portu-hiriko espazioak hobetzeko finantzatu diren eta dagoeneko errealitate diren jarduketetan agerian geratu den bezala.  Romero diputatuak bere departamentuak udalerrian egin dituen inbertsioetako batzuk errepasatu ditu, besteak beste, Herrera Mendebaldeko pabiloien estalkia edo Lonja ingurua. 

«Pasaiako eraldaketa, berroneratzea eta biziberritzea Mugikortasuneko eta Lurralde Antolaketako Foru Departamentuaren apustua da, ekintza, jarduketa eta baliabide ekonomikoekin frogatzen ari dena eta pasaitarren bizi-kalitatearen hobekuntzan eragin zuzena duena. Herritarrek merezi dute hiri-eredu berriei erantzungo dien ingurune bat, ekologikoagoak eta iraunkorragoak, eta, batez ere, ingurune horiek berdintasunaren ikuspegitik garatzea, pertsona guztien beharrak kontuan hartuta. Aparkaleku honek 198 plaza ditu, 6 mugikortasun urriko pertsonentzat eta ia 800.000 euro inbertsioa suposatu du. Trintxerpen bizi diren pertsonek bakarrik izango dute aparkaleku hori gauez erabiltzeko aukera, eta, horrela, aparkalekuaren erabilera hobetuko da Hospitalilloko eremu osoa leheneratzen hasten den bitartean», adierazi du Rafaela Romerok.

Gainera, diputatuak esan du: “Gaur errealitate bat aurkezten dugu. Errealitate hori aparkaleku berri bat da Pasaiako herritarrentzat, Trintxerpeko obrek irauten duten bitartean, baina hori ordezkatzen dudan departamentuaren, hau da, Mugikortasuneko eta Lurralde Antolaketako departamentuaren, apustu askoz garrantzitsuago baten barruan dago, 9 milioi eurotik gorakoa, herritarren bizi-kalitatea hobetzeko eta portuaren eta hiriaren ingurunean zeuden eta degradatuta zeuden eta foru-laguntzei esker berreskuratu diren beste eremu batzuetan zeuden espazio horiek berreskuratzeko. Eta helburuak lortzeko, jarduera politikoak eta baliabideak behar dira. Hor daude baliabideak, Mugikortasuneko eta Lurralde Antolaketako Departamentuaren 9 milioi euro baino gehiago, espazio degradatu horiek Pasaiako herritarrek erabiltzeko berreskuratu ahal izateko, Udalak sinatutako hitzarmenetatik hasi eta Ondartxoko pasealekua birgaitu arte, Herrerako pabiloiak estali arte edo Lonjaren inguru osoa, estalkia barne, birgaitu eta urbanizatu arte”.

Bestalde, Izaskun Gomez alkateak azpimarratu duenez, «parking berriak nabarmen hobetzen du aparkalekua Trintxerpen bizi direnentzat, eta hasiera ematen dio Hospitalillo eremuaren berroneratze prozesuari. Beste behin ere, erakundeekin batera egindako lanaren ondorioz –kasu honetan, Mugikortasuneko eta Lurralde Antolaketako Departamentuarekin–, inbertsioak eta hobekuntzak egin dira pasaitarren bizi kalitatea hobetzeko, eta Pasaiak aurrera egiten jarraitzeko behar dituen proiektuak gauzatu dira».