Asensio diputatuak doako karga elektrikoaren lehen sarea inauguratu du Gipuzkoan

Ingurumen diputatuak eta Larraulgo alkateak karga elektrikoko Larraulgo estazioa bisitatu dute. Lehenengo bi urteetan sarea doakoa izango da, eta Gipuzkoako 21 udalerritan auto elektrikoak kargatzeko 27 estazio ipiniko dira. Karga % 100 berriztagarria izango da eta 0 kilometrokoa, udalerriko tokiko energia komunitateak honituko baitu.

José Ignacio Asensio: “Energia garbia eta mugikortasuna energia-trantsizio bidezkorako funtsezko elementuak dira, eta garapen jasangarriko eredu berriak sustatzea da Gipuzkoaren lehentasuna. Gure lurraldean, berotegi-efektua eragiten duten gasen emisio-iturri nagusia garraioa da. Eragileen arteko lankidetza ezinbestekoa da trantsizio ekologikoan aurrera egiteko eta herritarrek onurarik handiena lortzeko”.

27 estazio ipiniko dira 21 udalerritan: Abaltzisketa, Alegia, Alkiza, Altzaga, Amezketa, Arama, Asteasu, Beizama, Berastegi, Berrobi, Elduain, Ibarra, Ikaztegieta, Irura, Itsasondo, Larraul, Leaburu, Lizartza, Ormaiztegi eta Zizurkil.

Larraul udalerria aitzindaria izan zen trantsizio energetikoaren arloan Gipuzkoan, tokiko lehen komunitate energetikoa (TEK) sortu baitzuen, udalen eta Foru Aldundiaren lankidetzari esker. Gaur, Ingurumeneko foru diputatu José Ignacio Asensiok eta Larraulgo alkate Maite Aranak autoak kargatzeko gune berria bisitatu dute. TEK Larrauletik gertu dago, udalerriko frontoian, eta Gipuzkoako 21 udalerritan birkargatzeko lehen sare publikoaren barruan dago, 27 karga-estazioren bidez. Karga-sare publiko hori doakoa izango da bi urtez.

Gipuzkoako Foru Aldundiko Ingurumen Departamentuak 580.000 euro bideratu ditu ibilgailuak argindarrez kargatzeko sare berri hori ezartzeko. Horietatik 191.000 Trantsizio Ekologikorako eta Erronka Demografikorako Espainiako Gobernuaren Ministerioaren Energia Dibertsifikatzeko eta Aurrezteko Institutuaren (IDAE) Next Generation Funtsetatik datoz.

Gipuzkoako Foru Aldundiko Ingurumen Departamentuak 580.000 euro bideratu ditu guztira ibilgailuen kargatze elektrikorako sare berri hori ezartzeko. Horietatik 191.000 Espainiako Gobernuaren Trantsizio Ekologikorako eta Erronka Demografikorako Ministerioaren Next Generation Funtsetatik datoz.

Beraz, karga-puntu bat jarri da Larraulgo frontoian, tokiko energia-komunitatetik gertu. Ekimen horren helburua da autoak kargatzeko energia % 100 berriztagarria izatea eta 0 kilometrokoa, udalerriko energia komunitateak hornitzen baitu.

27 estazio ipiniko dira 21 udalerritan: Abaltzisketa, Alegia, Alkiza, Altzaga, Amezketa, Arama, Asteasu, Beizama, Berastegi, Berrobi, Elduain, Ibarra, Ikaztegieta, Irura, Itsasondo, Larraul, Leaburu, Lizartza, Ormaiztegi eta Zizurkil.

Energia eta mugikortasuna funtsezko elementuak dira gure lurraldeko energia-trantsizio justurako, eta garrantzi handieneko bi helburuak dira, Gipuzkoako berotegi-efektuko gasen (BEG) emisioetan eragin handiena dutenak baitira. Gipuzkoako Foru Aldundiko Ingurumen Departamentuak argitaratutako Gipuzkoa 2020ko berotegi-efektua eragiten duten gasen emisioei buruzko txostenaren arabera, garraioa da gehien eragiten duen sektorea (% 43,3), eta energia-sektorea, berriz, emisioen % 26ren erantzulea da.

Hori dela eta, Gipuzkoako Foru Aldundiko Ingurumen Departamentuak eta Larraulgo Udalak kargagailu elektrikoen estazio bat jarri dute udalerrian, % 100 energia berriztagarria eta Km 0 energia Larraulgo energia-komunitatearen bidez erabiliko dela bermatzeko.

Jose Ignacio Asensio Ingurumen diputatuak adierazi duenez, “gure lurraldeak eta gure udalerriek klima-aldaketari aurre egin ahal izateko, garapen iraunkorreko eredu berriak bultzatu behar ditugu, energia eta mugikortasuna funtsezko elementuak izan daitezen trantsizio energetiko bidezko baterako bidean”. Era berean, Asensiok azpimarratu duenez, “Gipuzkoaren lehentasuna da, garraioa baita berotegi-efektuko gasen isurien iturri nagusia gure lurraldean. Proiektu honen bidez beste urrats bat eman nahi dugu, trantsizio energetikoaren eta mugikortasun jasangarriaren politikak bateratuz”, amaitu du foru arduradunak.

Bestalde, Larraulgo alkate Maite Aranak adierazi duenez, “hau da Larraulgo Udalak mugikortasun eta iraunkortasun gaietan hartutako konpromisoaren adibide garbia”. Era berean, Aranak nabarmendu duenez, “Larraulgo TEK proiektua herritarrei zabaltzen die, udalerriko autokontsumorako energia komunitatearen partaide eta onuradun bihurtuz”.