Azken orduetan zazpi COVID-19 kasu positibo atzeman dira egoitzetan

Azken orduetan, Gipuzkoako egoitzetako adinekoen artean egindako PCR probek zazpi COVID-19 kasu positibo berri atzeman dituzte: bi Alai Etxen (Donostia) eta bost Lamourousen (Donostia). Bestalde, azken orduetan ere ez da heriotza gehiago izan, zortzigarren egunez jarraian, eta gaixotasuna gainditu duten pertsonak 74 dira gaur egun.

Gipuzkoan 65 egoitza-zentro eta adinekoentzako 5.425 plaza daude, eta, gaur egun, zortzi zentrotan daude COVID-19an positibo emandako erabiltzaileak: Hernaniko Santa Maria Magdalena (3), Bergarako Mizpirualde (6), Donostiako Alai-Etxe (31), La Paz (1), Berra (8), Lamourous (12) eta Hermano Garate-San Ignacio (1). Beraz, Gipuzkoako egoitzetako erabiltzaileen artean 70 COVID-19 kasu positibo daude.

Sei dira ospitale-arreta behar duten eta ospitaleratuta dauden pertsonak, eta beste 55 Gipuzkoako egoitzetatik eratorritako COVID-19 kasuak artatzeko erreferentziazko bi zentroetan daude, Eibarko Ospitaleko gizarte-solairuan eta Ordiziako San Jose zentroan. Abuztuaren 11n lehen positiboa atzeman zenetik, 74 adinekok gainditu dute gaixotasuna eta 33 pertsona hil dira.