COVID-19a zuten bi pertsona hil dira azken orduetan egoitzetan
COVID-19a zuten bi pertsona hil dira azken orduetan egoitzetan
Ez da kasu positibo berririk atzeman, eta adineko pertsona batek gehiagok gainditu du gaixotasuna.
![](/documents/20933/2663997/covid+2.jpg/49e56dea-ea58-0545-1087-5f0d39ae87bf?t=1585411083000)
Azken orduetan, Bergarako Mizpirualde zentroko bi egoiliar hil dira COVID-19arekin. Bestalde, Santa Maria Magdalena zentroko egoiliar batek gaixotasuna gainditu du eta Gipuzkoako egoitza-sarean egiten ari diren PCR probek ez dute kasu positibo berririk atzeman.
Gipuzkoan 65 egoitza-zentro eta 5.425 plaza daude adinekoentzat eta, egun, COVID-19an positibo eman duten egoiliarrak bost zentrotan daude: Hernaniko Santa Maria Magdalena (8), Errenteriako Jesusen Bihotza (4), Donostiako Alai-Etxe (26), Bergarako Mizpirualde (16) eta Donostiako La Paz (1). Beraz, 55 COVID-19 kasu positibo daude Gipuzkoako egoitzetako erabiltzaileen artean.
Horietatik 10 pertsonak ospitale-arreta behar dute eta ospitaleratuta daude, eta beste 38 Eibarko Ospitaleko gizarte-solairuan ari dira artatuak izaten, Gipuzkoako egoitzetatik eratorritako COVID-19 kasuen arretarako erreferentzia-zentroan. Joan den abuztuaren 11n lehen positiboa atzeman zenetik, 50 adinekok gainditu dute gaixotasuna eta 29 pertsona hil dira.
1316