Diputatuen Kontseiluak 2018ko ekainaren 5eko bileran onartutako gaiak

OGASUN ETA FINANTZA DEPARTAMENTUA

• 2019. urterako aurrekontuen proiektua prestatzeko jarraibideak eta egutegia onartzea.
• Sari honen oinarri arautzaileak eta 2018ko deialdia onartzea: "Fiskalitatea berritzeko ideiak" saria Gipuzkoako herritarrengana irekita.
• Konpromiso kreditua sortzea eta ordainketa kredituaren transferentzia egitea Bide Azpiegituretako Departamentuan.

BIDE AZPIEGITURETAKO  DEPARTAMENTUA

• Zarauzko udalarekin sinatu beharreko hitzarmena onartzea: "Errotaberri industri alorra hiritartzeko proiektuaren 2. separata, Iñurritza ibaia desbideratzeko bosgarren fasea" proektuaren lanak gauzatu eta finantzatzeko (2-CO-44/2018).
• Proiektu hau onartzea eta dagokion kontratazio espedientea: N-I errepidean 424,070 eta 435,130 KP-en arteko (Gasteiz-Irun noranzkoan) eta 422,450 eta 425,320 KP-en arteko (Irun-Gasteiz noranzkoan) bidezoruaren egitura birgaitze proiektua (1-RF-45/2018).

GIZARTE POLITIKAKO DEPARTAMENTUA

• Aldatzea hainbat entitate kolaboratzailekin sinatutako lankidetza hitzarmenak: babes gabezia egoeran dauden adingabeen, gizarte bazterketako arriskuan dauden pertsonen eta buru nahasmendu larria duten pertsonen arreta integrala eskaintzeko (II. eta III. eranskinak).
• Prezioen aldaketa onartzea kontratu hauetan: Gipuzkoako Lurralde Historikoko babesik gabeko adingabeei eta buru nahasmendu larria duten pertsonei arreta integrala eskaintzea xede duten kontratuei ezarriko zaizkienak.

INGURUMENEKO ETA OBRA HIDRAULIKOETAKO DEPARTAMENTUA

• Diru laguntza ematea zuzenean TECNUN ikerkuntza zentroari: Gipuzkoan ekonomia zirkularrari buruzko ikerketarako.