Diputatuen kontseiluak 2020ko martxoaren 24ko bileran onartutako gaiak

​MUGIKORTASUNEKO ETA LURRALDE ANTOLAKETAKO DEPARTAMENTUA<

• Behin betiko onestea Astigarragako Hiri Antolamenduko Plan Orokorraren Aldaketa Puntuala, "Ergobia Ibilbidea" 09 HIEri buruzkoa.
• Gastua baimendu eta xedatzea Autobuses Garayar SA enpresaren alde: 2020ko lehenengo seihilekoan "Andoain-Donostia, adarrekin" eta "Pikoaga- Hernani-Donostia" emakidetako bidaiarien garraio erregularreko zerbitzuak ustiatzeagatik adostutako konpentsazioari aurre egiteko.
• 2020ko lehen seihilekoari dagokion gastua baimentzea: bidaiarien errepideko garraio kolektiboaren foru emakidetan Txartel Bakarra ezartzeagatik eman beharreko kalte-ordaina.
• Ontzat ematea merkataritza konpainia honen estatutu sozialak aldatzeko egindako proposamena: ZAISA Irungo Aduana-Guneko Elkarte Sustatzailea sozietatearenak.

OGASUN ETA FINANTZA DEPARTAMENTUA

• Foru Dekretu-Araua, COVID-19 gaitzaren osasun krisiaren ondorioz zerga arloko neurri jakin batzuk onartzen dituena.
• Ordainketa kredituaren transferentzia egitea eta konpromiso kredituen transferentzia egitea Kultura, Lankidetza, Gazteria eta Kirol Departamentuan.

BIDE AZPIEGITURETAKO DEPARTAMENTUA

• Proiektu hau onestea eta dagokion kontratazio espedientea: N-I errepideko zoruaren egitura 440,280 eta 441,950 kp-en artean, Gasteiz-Irun noranzkoan, berreraikitzeko eta birgaitzeko proiektua (1-RF-7/2020).
• Obra hauek kontratatzeko espedientea onestea: Meaga gainean (Getaria) biribilgunea egiteko proiektua (1-I-17/2017).
• Kontratazio espediente hau onestea: Gipuzkoako Foru Aldundiaren sare lokaletako errepideetan zorua birgaitzeko zerbitzuak (4-RF-96/2019).

GIZARTE POLITIKETAKO DEPARTAMENTUA

• Onartzea Txoke Plana, gizarte zerbitzuen arloan Covid-19ak eragindako osasun krisialdiari aurre egiteko.