Diputatuen kontseiluak 2020ko martxoaren 3ko bileran onartutako gaiak

DIPUTATU NAGUSIA

• Onartzea Gipuzkoako Foru Aldundiaren 2020-2023 Dirulaguntzen Plan Estrategikoa.
• Dirulaguntza hauen oinarri arautzaileak aldatzea eta 2020ko deialdia onartzea: irabazi asmorik gabeko entitate pribatuei zuzendutakoak giza eskubideak eta aniztasunean bizikidetza defendatzeko eta hedatzeko proiektuak egiteko.
• Dirulaguntza hauen oinarri arautzaileak aldatzea eta 2020ko deialdia onartzea: Gipuzkoako udalei nahiz Gipuzkoako Lurralde Historikoan finkatuta dauden tokiko garapen agentziei zuzendutakoak aniztasunean bizikidetza alorrean udal proiektuak gauzatzeko.
• Dirulaguntza hauen oinarri arautzaileak aldatzea eta 2020ko deialdia onartzea: Oroimen historikoa berreskuratzea xede duten proiektuak gauzatzeko.

EKONOMIA SUSTAPENEKO, TURISMOKO ETA LANDA INGURUNEKO DEPARTAMENTUA

• Dirulaguntza hauen oinarri arautzaileak eta 2020ko deialdia onartzea: "Gipuzkoa Industria 4.0: Produktuen eta zerbitzuen garapena" izeneko programakoak.
• Dirulaguntza hauen 2020ko deialdia onartzea: "Gipuzkoako Zientzia, Teknologia eta Berrikuntza Sarea bultzatzeko programa"koak.

INGURUMENEKO ETA OBRA HIDRAULIKOETAKO DEPARTAMENTUA

• "Gipuzkoako Aldaketa Klimatikoaren Fundazioa/Fundación de Cambio Climático de Gipuzkoa" foru fundazioaren estatutuak aldatzea.

MUGIKORTASUNEKO ETA LURRALDE ANTOLAKETAKO DEPARTAMENTUA

• Onartzea San Martin egoitza eta eguneko zentroari (Martzelino Zelaia, 9) dagokien higiezinaren titulartasunaren doako lagapena, Oñatiko Udalak egindakoa.
• Besterengarritzat jotzea eta enkante irekiaren bidez besterentzea: Errenteriako Juan Crisostomo Arriaga kaleko 5. zenbakiko eraikineko "I" hizkiaz identifikatutako trastelekua.
• Besterengarritzat jotzea eta enkante irekiaren bidez besterentzea: Lezoko Iturrin Bailaran dagoen industria-erabilerako partzela.
• Gastua baimentzea eta xedatzea UTE Intermodal Donosti enpresaren alde: Donostiako autobus geltokiaren zerbitzuak emateari dagozkion tasak ordaintzeko 2020. urtean.

OGASUN ETA FINANTZA DEPARTAMENTUA

• 2020ko aurrekontuan kreditu gerakina txertatzea Bide Azpiegituretako Departamentuan. (Irungo Hegoaldeko Ingurabidearen 1. zatia).