Diputatuen kontseiluak 2025eko apirilaren 8ko bileran onartutako gaiak

DIPUTATU NAGUSIAREN ALORRA

• Kontratazio espediente hau onestea: Gipuzkoako Lurralde Historikoan gazte komunitate digital bat sortzeko eta dinamizatzeko zerbitzuak.

ZAINKETA ETA GIZARTE POLITIKETAKO DEPARTAMENTUA

• Dirulaguntza hauen 2025eko deialdia onestea: Gipuzkoako Lurralde Historikoan gizarte zerbitzuen zentroetan inbertsioak egiteko.
• Dirulaguntza hauen 2025eko deialdia onestea: Gipuzkoako Lurralde Historikoan gizarte zerbitzuen eremuan diharduten irabazi asmorik gabeko gizarte ekimeneko entitateei zuzendutakoak.
• Kontratazio espediente hau onestea: desgaitasun balorazioak egiteko eta mendetasun balorazioa eskatzen duten pertsonei buruzko informazioa lortzeko behar diren irizpen mediko eta psikologikoak egiteko laguntza teknikoko zerbitzua.
• IZFE SAk bete beharreko ondorengo mandatua onestea: "Zainketa eta Gizarte Politiketako departamentuaren Datuen Espazio Federatua definitzea eta garatzea".
• IZFE SAk bete beharreko ondorengo mandatua onestea: "Zainketa eta Gizarte Politiketako Departamentuaren Plangintza, Itun eta Prestazio Ekonomikoen Zerbitzuaren aplikazioetan funtzionaltasun berriak mantentzea eta garatzea".
• IZFE SAk bete beharreko ondorengo mandatua onestea: "Zainketa eta Gizarte Politiketako Departamentuko Mendekotasunaren eta Desgaitasunaren Arretarako Zerbitzuaren aplikazioen mantentzea eta funtzionaltasun berriak garatzea".
• IZFE SAk bete beharreko ondorengo mandatua onestea: "Zainketa eta Gizarte Politiketako Departamentuaren Agenda, Berrikuntza eta Ebaluazio Zerbitzuaren sistemen eta garapenen aplikazioen mantentze-lanak".
• Kontratazio espediente hau onestea: adineko pertsonen esku-hartze goiztiarrerako ekipamendu, software eta gailu berritzaileen hornidura, haien autonomia eta ongizatea sustatzeko, zainketen tokiko ekosistemen eta Gipuzkoako lurralde historikoko udalerrien esparruan eta STEPren esparruan.

GOBERNANTZA DEPARTAMENTUA

• Bi basozain karrerako funtzionario izendatzea.
• Lau zaintzaile karrerako funtzionario izendatzea.
• Garbikuntza-jantokiko langile bat karrerako funtzionario izendatzea.
• 2024ko ekainaren 25eko erabakiaren aurka jarritako berraztertze errekurtsoa ebaztea: balio anitzeko laguntzaile lanpostuaren balorazioa berrikusteko eskaera ebaztekoa.
• 2024ko ekainaren 25eko erabakiaren aurka jarritako berraztertze errekurtsoa ebaztea: idazkari teknikoa lanpostuaren balorazioa berrikusteko eskaera ebaztekoa.
• 2024ko ekainaren 25eko erabakiaren aurka jarritako berraztertze errekurtsoa ebaztea: erdi mailako teknikaria Zentroen Ikuskaritza lanpostuaren balorazioa berrikusteko eskaera ebaztekoa.
• Berrikusi diren lanpostuei dagokien balorazioa onestea.
• Hainbat lanposturen behin betiko balorazioaren esleipena onestea.
• Aldatzea funtzionarioei eta lan kontratupeko langileentzat gordetako lanpostu zerrendak.

MUGIKORTASUNEKO, TURISMOKO ETA LURRALDE ANTOLAKETAKO DEPARTAMENTUA

• Lasarte-Oriako Udalari eta Donostiako Udalari doan lagatzea Errekaldeko 3 zk.ko industria pabiloia hartzen duen finkaren 644 m2-ko azaleraren erabilera.

OGASUN ETA FINANTZA DEPARTAMENTUA

• Foru Dekretu Arauemailea, zeinaren bidez aldatzen baitira Balio Erantsiaren gaineko Zergari buruzko uztailaren 26ko 3/2023 Foru Dekretu Arauemailea, eta Zerga Bereziei buruzko uztailaren 26ko 4/2023 Foru Dekretu Arauemailea.
• Konpromiso kredituen sorrera eta ordainketa kredituen transferentzia egitea Diputatu Nagusiaren Alorrean.
• Konpromiso kredituaren sorrera Ogasun eta Finantza Departamentuan.
• Proiektu hau eta dagokion kontratazio espedientea onestea: Eibarko ogasun bulegoa eraberritzea.
• Zerga zehapenak barkatzeko eskaera ebaztea.

BIDE AZPIEGITURETAKO ETA LURRALDE ESTRATEGIAKO DEPARTAMENTUA

• Donostiako udalerriari eskualdatzea, GI-20-10 bide-adarraren azken zatiaren titulartasuna Infernuko biribilgune berriko eraztunaren hego-ekialdeko kanpoaldeko ertzetik gaur egungo amaierara arte, Errotaburuko biribilgunera igotzeko erreiaren sorburuan.
• Debako N-634 errepideko 42,250 eta 42,350 KPen artean dagoen mendi hegala egonkortzeko larrialdiko obrak finantzatzeko gastu gehigarri bat baimentzea, larrialdiko izapidearen xede direnak.