KIROLGALA 2023: Irene Paredes, Donostia Arraun Lagunak eta Ion izango dira aurtengo protagonistak

Goizane Álvarez Kultura eta Kiroletako diputatuak azpimarratu duenez, «kirolak Gipuzkoan ez du jarduera fisikoa soilik izan behar, berdintasuna, elkartasuna eta ahalegin indibidual nahiz kolektiboa bezalako balioak transmititzen ditu».

Ostiralean Ficoban egingo den Kirol Galan Gipuzkoako kirolaren izenik entzutetsuenak bilduko dira. Gipuzkoako Foru Aldundiko Kultura Departamentuak antolatutako sari hauen asmoa da kirolaren merituak maila guztietan aitortzea eta, horrela, Gipuzkoako kirol errealitate osoa jasotzea. Gala Aunitz Alberdi kazetariak aurkeztuko du.

Kiroleko diputatu Goizane Álvarez Irijoak adierazi duenez, "kirola ez da jarduera fisikoaren adierazpena bakarrik, gure lurraldea lotzen duen bizi-sarea ere bada. Gipuzkoan, kirola funtsezkoa da berdintasuna, elkartasuna eta ahalegina bezalako oinarrizko balioak eraikitzeko, bai maila indibidualean, bai kolektiboan. Ezberdintasunak gainditzen dituen indar bateratzailea da, eta pertsonak lotzen ditu helburu komunak lortzeko. Kirol-diziplinen aniztasunak eta gure atletek erdietsitako lorpenek Gipuzkoako kirol-egoeraren aberastasuna eta bizitasuna nabarmentzen dituzte. Kirol Galaren bidez, ospatzen ditugu ez soilik arrakasta indibidualak, baita kirolak Gipuzkoan sustatzen duen izpiritu komunitarioa ere».

GIPUZKOA KIROLA SARIA Donostia Arraun Lagunak taldearentzat izango da, Kontxako Banderan eta Euskotren ligan eskuratutako garaipenengatik.  Gizonezkoen atalean, GIPUZKOA KIROLA SARIA Ion Izagirre txirrindulariarentzat izango da. Ozmaiztegiko txirrindulariak denboraldi bikaina egin du Cofidis taldean; Frantziako Tourreko etapa garaipen bat ere eskuratu du.

GIPUZKOARREN KIROLAK SARIA herritarren bozka bidez aukeratutakoa, ostiralean nertan ezagutaraziko da. Eta aurten, berritasun gisa, DISTIRA SARIA emango zaio Barcelona FCko eta Espainiako selekzioko Irene Paredes futbol-jokalariari, bere ibilbide arrakastatsua aitortzeko. Paredes munduko txapelduna izan da selekzioarekin eta Ligako eta Championseko txapelduna bere taldearekin.

Gipuzkoako Foru Aldundiko Kultura eta Kirol Departamentuak, halaber, Europako eta Munduko txapelketetan Gipuzkoako kirolak lortu dituen arrakastak aitortu nahi izan ditu aurten ere. Horrela, txapelketa horietan podium bat lortu duten kirolari guztiei txapel bat oparitu die. 

Nazioarteko arrakasta nabarmenak:

1. Iñigo Llopis - Igeriketa egokitua:Munduko txapelduna bizkar-estiloko 100 metroko kategorian, eta hirugarren postua 4x100 metroko errelebo-proban. Iñigo Llopisek harrotasunez eraman du Gipuzkoaren izena igeriketa egokituaren munduko podiora.
2. Irene Paredes - Futbola: Irene Paredes futbolaria Munduko Txapeldun izan zen futbol-diziplinan, mundu mailan erakutsita bere trebetasuna eta dedikazioa.
3. Iñigo Peña - Piraguismoa:Piraguismoko Munduko Txapelketan nabarmendu da; K2 kategorian 1.000 metroko proba irabazi zuen, eta hirugarren postua lortu zuen K2 Mistoko 500 metroko proban. Jardun bikain hori harro egoteko modukoa da Gipuzkoarentzat.
4. Irati Idiakez - Snow egokitua:snow egokituko Dual Banked Slalom proban garaile izan zen, bere kirol ibilbide oparoan beste lorpen bat gehituta.
5. Aitor "Gallo" Francesena - Surf egokitua:garaile izan zen surf egokituko munduko bi zirkuituetan eta Europako txapeldun ere izan zen, Gipuzkoa arrakastaz ordezkatuta nazioarteko olatuetan.
6. Nahia Zudaire - Igeriketa egokitua: igeriketa egokituan aparta dela erakutsi zuen estilo libreko 100 m-ko bigarren postua eta bular-estiloko 100 m-ko proban hirugarren postua eskuratuta.
7. Mikel Unanue-Oihan e Otaegi-Leire Otaegi-Sergio Vez - Curling mistoa: Curling Mistoko taldea munduko txapeldunorde izan zen Curling diziplinan, Gipuzkoaren izena maila gorenera eramanez.
8. Maialen Chorraut-Olatz Arregi - K1 slalom piraguismoa taldeka: Maialen Chorraut eta Olatz Arregi munduko txapeldunorde izan ziren K1 slalomeko piraguismo taldeen kategorian, eta mugarri berri bat gehitu zuten Gipuzkoako arrakasta-historialean.

Urteurrena ospatzen duten klubei omenaldia:

1. Touring – 100 urte
2. Real Automóvil Club Vasco Navarro – 100 urte
3. Andoaingo SD Euskalduna – 100 urte
4. Antiguoko Pilotazaleok – 75 urte
5. Ordizia Rugby Taldea – 50 urte
6. Ordiziako Igeriketa Elkartea – 50 urte

Gipuzkoa Kirolak Galak omenaldi berezia egingo die etapak konkistatuz eta karreraren prestigioa bultzatuz Frantziako Tourraren historian arrastoa utzi duten Gipuzkoako 10 txirrindulari gailenei. Irabazle horiek Gipuzkoako txirrindularitzaren benetako aitzindariak dira, eta Tourreko palmaresean betirako jasota geratu dira beren lorpenak. Hona hemen omenduko ditugunak:

1. Luis Otaño (Errenteria), 89 urte, etapa 1966an.
2. José Mari Errandonea (Irun), 83 urte, etapa 1967an eta bi egun lidertzan.
3. Miguel Mari Lasa (Oiartzun), 76 urte, etapak 1976an eta 1978an.
4. José Nazabal (Zaldibia), 72 urte, etapa 1977an.
5. Pello Ruiz Cabestany (Donostia), 61 urte, etapa 1986an.
6. Abraham Olano (Anoeta), 53 urte, etapa 1997an.
7. Juanma Garate (Irun), 47 urte, etapa 2009an.
8. Ion Izagirre (Ormaiztegi), 34 urte, etapak 2016an eta 2023an.
9. Joseba Beloki, (Lazkao), podiumean 2000n, 2001ean ea 2022an.
10. Haimar Zubeldia (Usurbil), 15 Tour amaituta, 16 aldiz parte hartu du.

Aintzatespen berezi honekin nabarmendu nahi dira beren dedikazioa, ausardia eta txirrindularitzan izan dituzten lorpenak, arrasto ahaztezina utzi baitute Gipuzkoako kirolaren historian. Gipuzkoa Kirolak Gala harro dago Frantziako Tourreko txapeldun hauei omenaldia egiteaz.

Aurten, berrikuntza nabarmen bat izango da Gipuzkoa Kirolak sarietan: digitalizazioa. Gipuzkoako Foru Aldundiak gure kirol esparruan berrikuntza sustatzeko konpromisoa du eta ildo horretan, azken teknologiak eta digitalizazioa egokitzen ari da hainbat sektoretan, eta erabaki du Kirolgala ikuspegi abangoardista horren erakusgarri izango dela. Garikoitz Cuitlahuac Bakarts artista gipuzkoarrarenak egin ditu diseinuak eta, digitalizatu ondoren, Gipuzkoako enpresa batekin bat egin du ekimen hau gauzatzeko. Hortik abiatuta, sarituek beren lorpenen ziurtagiri digital bat izango dute blockchain teknologiaren bidez. Distira, Gipuzkoa Kirolak eta Urrezko sariak gure webgunean betirako jasota geratu dira, Hall of Famen. Artearen, teknologiaren eta kirolaren arteko fusio honek azpimarratzen du Gipuzkoa Kirolak galak modernizazioarekin eta bikaintasunarekin duen konpromiso iraunkorra.