Luisa Villa idazle kolonbiarrak VI. Gabriel Celaya Saria jaso du

Luisa Villa idazle kolonbiarrak Gabriel Celaya Nazioarteko VI. Poesia Saria jaso du gaur arratsaldean, Santa Teresa Komentuan egindako ekitaldian. Goizane Álvarez Kultura, Lankidetza, Gazteria eta Kirol diputatuak Villari eman dio saria, "Hijas de las perras negras" poema-liburuagatik. Sari hau bi urtean behin ematen da, eta gaztelaniaz idatzitako 12.000 €-rekin saritzen da, originalak eta argitaratu gabeak. Seigarren edizio honetan 500 lan baino gehiago aurkeztu dira eta Gabriel Celaya Nazioarteko Poesia Sariaren VI. edizioko epaimahaia Amalia Iglesiasek, Carlos Aurtenetxek, Jon Obesok, Esther Ramonek eta Jose Luis Padronek osatu dute.

Ekitaldian, Álvarezek esan du, sari honi esker, "Gabriel Celayaren ildo poetikoa osatzen duten" egile bat eta obra bat aurkitu dituela. Sari hau, beraz, Celaya poeta hernaniarrari egindako aitorpena ere bada. Villa idazleak "justizia eta erreparazioa aurkitu nahi izatea" aipatzen du bere liburuetan, eta saritutako poema-liburua "salaketa sozial eta arrazako liburu urratzaile bat da, erraietasunaren eta irudien eta bertsoaren domeinu miragarriaren artean idatzia".

"Hijas de las perras negras" Gabriel Celaya Nazioarteko Poesia Sariaren deialdi honetara aurkeztutako 529 poemategien artean hautatua izan da, gaztelaniaz argitaratu gabeko eta jatorrizko lanetara zuzendua. Gipuzkoako Foru Aldundiko Kultura Departamentua arduratzen da saritutako lana argitaletxe ospetsu batek argitara dezan poesia-edizioan, eta 12.000 euroko diru-zuzkidura ematen dio irabazleari.