Lurraldebusek Donostiako Aste Nagusiko zerbitzuak indartu, eta abuztuko ordutegi-luzapena burutu du
Lurraldebusek Donostiako Aste Nagusiko zerbitzuak indartu, eta abuztuko ordutegi-luzapena burutu du
Lurraldebusek gaueko zerbitzu bereziak jarriko ditu erabiltzaileen eskura Donostiako Aste Nagusian, abuztuaren 12tik 19ra bitartean. Zerbitzu berezi horiek Donostiako hiriburua metropoli-ingurunearekin eta Gipuzkoako eskualdeekin lotuko dute gaueko ordu txikietan. Funtsezko errefortzua dira zerbitzu-eskari handiko garai horietan. Neurri horri udan ordutegiak luzatzeko hartutako neurria gertu behar zaio.
Azahara Domínguez, Mugikortasuneko diputatua: «Herritar guztiek jaiez gozatzeko aukera izan behar dute, festak noiz eta non egiten diren gorabehera, eta, premisa horretatik abiatuta, mugikortasun jasangarria segurtasunari ezinbestean lotzen zaion funtsezko eskubide bat da. Lurraldebusek zerbitzuak indartzen ditu abuztuan, gaueko ordutegiei arreta berezia eskainiz, herritarren beharrei eta ongizateari erantzuteko. Beti bezala, erabiltzaileei errespetua eskatzen diegu, bai gainerako bidaiariekiko, bai langile eta gidariekiko".
Mugikortasuneko, Turismoko eta Lurralde Antolaketako Departamentuak zerbitzu bereziak iragarri ditu Lurraldebus lineetan, larunbatean, abuztuak 12, hasiko den Donostiako Aste Nagusia dela eta. Jaiegun horietan, abuztuaren 19ra arte (larunbata), Lurraldebusek lan handiagoa egingo du oraindik ere. Izan ere, jada ordutegiak indartuta egonik, batez ere gauetan, oraindik baliabide gehiago jarriko ditu herritarren eskura.
Eguneko operatibo bereziaz gain, Lurraldebusek zerbitzu bereziak jarriko ditu su artifizialen ikuskizunetara joateko, bereziko 21:30etik gauerdia igaro arteko tartean. Dispositiboa osatzeko, gaueko zerbitzuak zabalduko dira aste osoan. Hala, Donostiako Aste Nagusian, Buruntzaldeko, Oarsoaldea-Bidasoako, Urola Erdiko, Urola Kostako, Goierriko, Tolosaldeko eta Debagoieneko Lurraldebusen lineetako erabiltzaileek zerbitzu gehiago izango dituzte eskura, Mugikortasun Departamentuak jarriko duen eskaintza bereziari esker.
Udan zehar zerbitzuak izango dituen hobekuntza guztiei buruzko informazio gehiago nahi izanez gero, Lurraldebusen web orrian (www.lurraldebus.eus) edo 900 300 340 doako telefonoaren bidez eskura daiteke.
Azahara Domínguez Mugikortasuneko, Turismoko eta Lurralde Antolaketako Departamentuko diputatuak azpimarratu duenez, «Herritar guztiek jaiez gozatzeko aukera izan behar dute, festak noiz eta non egiten diren gorabehera, eta, premisa horretatik abiatuta, mugikortasun jasangarria segurtasunari ezinbestean lotzen zaion funtsezko eskubide bat da. Lurraldebuseko langileek herritarren ongizateari erantzuten dion zerbitzu publiko bat eskaintzen dute, eta, horregatik, funtsezkoa da errespetua izatea mugikortasunerako eskubide unibertsala ahalik eta segurtasun-baldintza onenetan bermatzeko lan egiten duten pertsona horiekiko guztiekiko, eta, horretarako, erabiltzaile guztien laguntza behar da».
8445