Rafaela Romerok aurten Gipuzkoara iritsiko den MUGI txartel birtualaren aurrerapenak eta onurak aurkeztu ditu Sevillako Garraio Sistema Adimendunen kongresuan

Rafaela Romero: “MUGI Birtuala sistema modernoa da, pixkanaka ezarriko dena, eta atzean uzten du txartela, elementu nagusi gisa, eta, modu errazean esanda, pertsonek bidaiatuko dute, ez txartelek. Sistema horrek esperientzia hobetzen du, eta gure kudeaketaren eraginkortasuna sinplifikatu eta hobetzen du.  Azken batean, pertsonentzat pentsatutako sistema bat, 2013tik garatzen ari garen sistematik edaten duena, ekitatearen eta justizia sozialaren ikuspegian oinarritua, eta jasangarritasun-irizpideei ere erantzuten diena. Izan ere, pertsonei laguntzea eta haien beharrei erantzutea garraio publikoaren erabilera bultzatzea da, eta, beraz, ibilgailu pribatuaren gehiegizko erabilera. Munduko administrazio guztiek partekatzen dugun erronka”.

Rafaela Romero Mugikortasuneko diputatua protagonista nagusietako bat izan da Garraio Sistema Adimendunei buruzko Espainiako XXIII. Kongresuan (ITS, ingelesezko siglen arabera).Urtero egiten da, eta administrazio publikoko, sektore pribatuko eta akademikoko eragile garrantzitsuenak biltzen ditu. Aurten, 2023an, Sevillan egiten da.

Bere hitzaldian, MUGI sistemak ematen dituen gizarte- eta berdintasun-eskubideen lau ardatz nagusiak – progresibitatea, hobaria, intermodalitatea eta zonifikazioa – entzuleen aurrean azaltzeaz gain, Romerok MUGI Birtualaren ildo nagusiak garatu ditu. Proiektu konplexu eta diferentziala da, hodeian digitalizatua eta hedatua, eta aurten bertan ezarriko da.
Diputatuak azaldu du “MUGI Birtuala sistema modernoa dela, pixkanaka ezarriko dela, atzean uzten duela txartela elementu nagusi gisa, eta, erraz esanda, pertsonek bidaiatuko dutela, ez txartelek. Sistema horrek esperientzia hobetzen du, eta gure kudeaketaren eraginkortasuna sinplifikatu eta hobetzen du. Azken batean, pertsonentzat pentsatutako sistema bat, 2013tik garatzen ari garen sistematik edaten duena, ekitatearen eta justizia sozialaren ikuspegian oinarritua, eta jasangarritasun-irizpideei ere erantzuten diena. Izan ere, pertsonei laguntzea eta haien beharrei erantzutea garraio publikoaren erabilera bultzatzea da, eta, beraz, ibilgailu pribatuarena murriztea. Munduko administrazio guztiek partekatzen dugun erronka”.

Karga automatikoak eta hainbat identifikazio-euskarri
MUGI Birtuala erabiltzaileen kontuetan oinarritutako ABT sistema bat da, Justride plataformaren gainean hedatzen dena (garraio publikorako bilketa elektronikorako plataforma), ahalik eta tarifarik onena kalkulatzeko eta automatikoki kargatzeko gaitasuna duena, betiere garraio publikoaren erabilera ahalik eta gehien errazteko helburuarekin.

Identifikazio-euskarri motak, tokens ere deituak, honako hauek izango dira: MUGI Birtuala txartela (gaur egungoaren antzeko txartel fisikoa da), kreditu-txartela, eta QR kodea gailu adimendunen bidez. Kargatzeko sistemei dagokienez, diputatuak bere hitzaldian adierazi du “erabiltzaileek jada ez dutela txartel fisikoaren gainean kargarik egin beharko, beren kontuari lotutako diru-zorro digitala dutelako. Web bidez eta app-arekin kargatu ahal izango dute, kreditu-txartel bat erabiliz, edo, orain arte bezala, Gipuzkoako Garraio Agintaritzak baimendutako zentroetan, eskudirutan edo txartel bidez ordainduta”.

Onura ugari erabiltzaileentzat eta operadoreentzatMUGI Birtual sistemak onura ugari dakarzkie Gipuzkoan garraio publikoa erabiltzen duten herritarrei. Diputatuak aipatutako kargatzeko aukerez gain, Auto top-up sistema programatzeko edo automatikoki kargatzeko aukera egongo da saldo jakin batera iritsitakoan, eta horrek erabiltzaileentzako erosotasuna ekarriko du.

Lehen aipatutako identifikazio-bitartekoen edo tokenen familia hazi egin daiteke etorkizunean., ondoko lurraldeetako garraio-sistemek erabiltzen dituzten txartelak onartuko dira, adibidez Bizkaiko Barik edo Arabako BAT txartelak –horrek onura ekarriko du elkarreragingarritasuna hobetzeari dagokionez –, edo enpresa handietako ikasleen edo langileen txartelak, adibide batzuk bakarrik aipatzearren. Hazkunde fisiko bertikala, Romerok nabarmendu duena hedapen fisiko horizontalarekin batera, APIen edo aplikazioak programatzeko interfazeen integrazio teknikoaren eskutik etorriko litzatekeena.

Hobekuntza horiek, gainera, erabiltzaileen pribatutasunarekin lotutako funtsezko beste gai batekin lotzen dira. Rafaela Romerok sutsuki azpimarratu duenez, gure sistemak ez zuen nahi banketxeek gure erabiltzaileen datuetara sarbidea izatea. Datu horiek (demografikoak, ekonomikoak, etab.), dakizuenez, gero merkatuak ezaugarritzeko erabiltzen dira. Praktika estandarizatua da gure herrialdean, sahiestea lortu duguna, erakunde nagusiak kanpoan uztean eta proiektuaren hasiera atzeratzean. Denbora hori ondo erabilitzat jotzen dugu, azkenean datuak ez baitira GGLAtik partekatuko, inola ere ez.

MUGI Birtualaren sistema berriak ez die soilik erabiltzaileei garraio publikoaren erabilera erraztuko, baita operadoreen kudeaketa ere tarifa-aldaketen aurrean. Ez da beharrezkoa izango eskuz aldatzea ezeztagailuak edo geltokietako ibilgailuetan edo txartelak saltzeko makinak.  

MUGI Birtuala proiektuaren faseakMUGI eskubideen txartel fisikoarekin, gaur egungo egoeratik abiatuta, helburua txartel hori erabat birtuala izatea da, beraz, bigarren fase bat sistema mistoarekin edo MUGI 1.5-rekin planteatzen da. Sistema berrira migratu diren erabiltzaileei aukera emango zaie, Romeroren hitzetan, egungo MUGI txartela tokenizatuz, txartelarekin lehen bezala balidatzen jarraitzeko, baina hodeian kontua izateko eta kudeatzeko aukerarekin. Enbarazu txikia, beraz.

Hirugarren fasea, MUGI 2.0, 1.5etik hasi eta operadore bakoitzak MUGI Birtualaren identifikazio-sistema osagarriak erabiltzea ahalbidetuko duten sistema teknologiko egokiak dituen unera igarotzea da.

Inola ere ez da prozesu traumatikoa izango, baizik eta modu eroso eta apurka-apurka egindakoa, erabiltzaileek inolako eragozpenik izan ez dezaten.  Gainera, Rafaela Romerok azpimarratu nahi izan du, “hutsune digitalari” aurre egiteko hainbat arrazoi direla medio aukerarik ez duten pertsonei dagokienez, txartel fisikoak identifikatzaile gisa funtzionatzen jarraituko duela, eta bulego presentzialak izango dituztela laguntza eta asistentzia emateko beharrezkoa denean.

Alderdi operatiboei dagokienez, diputatuak adierazi du enpresa integratzailea, Gertek, tokikoa dela. Eta “hori oso garrantzitsua zen guretzat talentuari dagokionez”