Aldundiak Gnat Zinema 2025 edizioari amaiera eman dio Territory dokumentalaren proiekzioarekin

José Ignacio Asensio: “Gnat Zinema erreferentzia gisa sendotu da zinemaren bidez ingurumena zabaltzeko. Publikoaren erantzun handiak erakusten du gero eta interes handiagoa dagoela gure natura ezagutzeko, hausnartzeko eta haren alde jarduteko”.

Gipuzkoako Foru Aldundiko Jasangarritasun Departamentuak antolatutako Gipuzkoako Natura eta Ingurumen Zinemaren V. Erakustaldia, Gnat Zinema 2025, gaur amaitu da Tolosako Topic-ean, Territory filmaren proiekzioarekin, Alex Galanek zuzendutako dokumentala. Amaierako saioan zuzendaria bera izan da, eta ikusleekin partekatu ditu filmari buruzko gogoetak, proiekzioaren ondorengo solasaldi batean.

Gnat Zinemaren edizio honek berretsi egin du zinea eta natura maite dituztenentzat ezinbesteko hitzordu gisa duen jarrera. Lau jardunalditan zehar, jaialdiak lau proiekzio hartu ditu hiru egoitzatan, bi herritan banatuta: Donostian eta Tolosan. Guztira, 1.225 ikuslek pertsonen eta haien ingurune naturalaren arteko harremana aztertu dute, Kantauriko itsas biodibertsitatetik hasi eta Asia Erdialdeko lurralde-gatazketaraino.

Territory dokumentalak Asia Erdialdeko estepara eramaten gaitu. Bertan, Kirgizko artzainak ehiztarien eta nomaden arteko oreka delikatuan bizi dira lurralde partekatu batean. Istorioak Darko Peric aktore serbiarrari jarraitzen dio. Aktore horrek, erredentzio-bidaia bati ekiten dio bere instintu primarioenetarantz, eta Kirguistango mendi ikaragarriek, berriz, haren eraldaketaren lekuko dira. Zuzendaria, Alex Galan, Asturiasen jaiotako zinemagile eta espedizio-gidari bat da, dokumentala eta fikzioa arteko estilo hibridoagatik ezaguna. Territoryrekin, lurraldeari buruzko trilogia ixten du, Salvajes eta Il Mulín obren ondoren.

Gipuzkoako Jasangarritasuneko diputatu José Ignacio Asensiok oso positiboki baloratu du bosgarren edizio honen harrera: “Gnat Zinema sendotu egin da zinemaren bidez ingurumena zabaltzeko erreferentziazko gune gisa. Publikoaren erantzun handiak erakusten du gero eta interes handiagoa dagoela gure ingurune naturala ezagutzeko, hausnartzeko eta haren alde jarduteko. Horrelako ekitaldiak funtsezkoak dira gure gizartean kontzientzia ekologikoa eta jasangarritasuna sustatzeko”.

Gnat Zinema 2025 askotariko programak izan ditu: inaugurazioa Kantauri dokumentalaren munduko estreinaldiarekin burutu zen, bigarrene gunean turismoaren eta naturaren arteko harremanari buruzko zineforuma gauzate zen Gringo Trails, hirugarren egunean Fauna Ibérica dokumentalaz gozatzeko aukera izan genuen, Alberto Redondo zuzendariaren parte-hartzearekin. Erakusketak balantze positiboarekin ixten du edizio hau, eta etorkizunean ingurumenari buruzko zinemarako eta hausnarketarako espazio bat eskaintzen jarraitzeari begiratzen dio.