“Emergentzia zerbitzuen kalitatearekin konpromiso osoa dugu, Bidasoaldean zein lurralde osoan”
Eider Mendoza diputatu nagusia Irungo suhiltzaile-etxean izan da, joan den urteko balantzea egin eta energia aurrezteko aurrerapenak ezagutzeko
Prentsa bulegoa
Prentsa oharrak
Azahara Dominguez Mugikortasuneko, Turismoko eta Lurralde Antolaketako diputatua Espainiako Gobernuarekin, Eusko Jaurlaritzarekin eta Nafarroako Gobernuarekin bildu da, AHTren obrek eragindako garraio-arazoak konpontzeko
Mugikortasuneko, Turismoko eta Lurralde Antolaketako diputatu Azahara Domínguez Estatuko idazkari José Antonio Santanorekin bildu da, eta herritarrei informazio hobea emateko eta AHTren obrek irauten duten bitartean plan alternatibo bat egiteko eskatu dio.
Foru Aldundiak mugaz gaindiko aurrekontu parte-hartzaileen deialdi berri bat aktibatu du
Eragileek eta partikularrek ekainaren 3ra arte aurkeztu ahal izango dituzte beren ekimenak www.gipuzkoa64.eu webgunean.
TEK Altza-Intxaurrondo: autokontsumo energetikoranzko eta herritarren aurrezpeneranzko mugarria
Energia berriztagarriak sustatzeko ahaleginean, Altzako eta Intxaurrondoko 114 bizilagun beren energia-komunitatea ekainean inauguratzeko prestatzen ari dira.
Larunbatean ongizate emozionalari buruzko tailerrak izango dira Donostian, jolas inklusiboak eta bazkari solidario bat barne direla
Kutxa Fundazioak eta Arantzazulabek, Gipuzkoako Kirol Egokituaren Federazioarekin, Etiopia Utopia Fundazioarekin eta Pausoka Behar bereziak dituzten haurren gurasoen elkartearekin batera, Gipuzkoako Foru Aldundiko Kultura, Lankidetza, Gazteria eta Kirol Departamentuarekin eta Donostiako Udaleko Kirol Zinegotzigoarekin elkarlanean, ongizate emozionalari buruzko tailerren jardunaldi bat antolatuko dute, jolas inklusiboa bitarteko hartuta, datorren larunbatean, ekainak 1, Donostian, Anoetan (Kiroletxea), Ernest Lluc Kultur Etxearen kanpoaldean, 10:30etik 13:30era bitartean. Jardunaldia amaitzeko, Etiopia-Utopia Fundazioak antolatutako bazkari solidarioa izango da.
Aldundiak 26 milioi euro baino gehiago inbertituko ditu legealdi honetan lurralde osoko zubi eta bidezubien eguneratze lanetan
Ubarretxena: "Gure errepideetako segurtasun- eta kalitate-estandarrak betetzen jarraitzeko, sare osoan mantentze eta birgaitze inbertsio handiak egin beharko dira"
Gipuzkoak hegaldi zuzena izango du gaurtik uztailaren 30era arte Edinburgorekin
Hondarribiko aireportuaren konexio berri hori British Airways City Flyer-en filialak egiten du, eta, Mugikortasuneko, Turismoko eta Lurralde Antolaketako diputatu Azahara Domínguezek azaldu duenez, harrera ezin hobea izan du Gipuzkoan eta, bereziki, Eskozian, hamar txarteletik zortzi eskuratzen baitira bertan.
Azahara Domínguezek Bidasoa bisitatu du eskualdeekin bilera turistikoen errondarekin jarraituz
Mugikortasuneko, Turismoko eta Lurralde Antolaketako foru diputatua Bidasoan izan da, eskualdeko erakargarritasun turistikoak bisitatu eta haien inguruan zer behar eta dauden ezagutzeko. Gainera, eskualdeko alkateekin eta turismo-ordezkarirekin bildu da. Eskualdeko industria turistikoa, bere beharrak, jasangarritasunaren zeharkako ardatza eta tokiko kultura eta tradizioa izan dira jardunaldi osoan zehar
Emakumezkoen Futbolari buruzko Nazioarteko Lehen Biltzarra, Gipuzkoan: berdintasuna sustatzeko eta kirola garatzeko mugarri historikoa
Goizane Álvarez: "Biltzarrak jarduera sorta zabala eskainiko du, besteak beste, hitzaldiak, mahai inguruak eta tailerrak. Horietan, funtsezko gaiak jorratuko dira, hots, emakumeek futbolean duten parte hartzea, futbol jarduera uztea prebenitzeko estrategiak, soldata berdintasuna, aukera berdintasuna, eta emakumeen futbolak komunikabideetan duen ikusgarritasuna".
Gipuzkoako enpresetan trantsizio ekologikoa bultzatzeko 1,6 milioi euroko laguntzak onartu ditu Foru Aldundiak
Diputatuen Kontseiluak atzo eman zion oniritzia deialdiari, hiru lerro barne hartzen dituena, arlo honetan pertsonak trebatzeko eta ezagutza sortzeko helburuarekin.
Zumalakarregi Museoak umorearen bidez historiara hurbiltzeko aukera eskaintzen du
Zumalakarregi Museoak, Lizarrako Karlismoaren Museoarekin lankidetzan, César Oroz marrazkilari eta umorista grafikoaren "Karliskaturak: umorea lubaki gisa" aldi baterako erakusketa inauguratu du gaur, maiatzak 22, asteazkena, eta abenduaren 30 arte izango da irekita.
Zestoako mugikortasuna hobetzeko, herriko GI-631 zeharbidea hobetuko dute Udalak eta Aldundiak elkarlanean
Diputatuen Kontseilu ibiltaria Lili jauregian elkartu da gaur goizean; Eider Mendoza diputatu nagusia Mikel Arregi alkatearekin elkartu da, herriko proiektu eta desafio nagusien berri izan eta partekatzeko
Gipuzkoan Gazte Tour 2024 ekainean itzuliko da Andoainen eta Ordizian programazioekin
Gipuzkoan Gazte Tour musikaren eta arte eszenikoen inguruko jarduerak biltzen dituen programa bat da. Gipuzkoako Foru Aldundiko Kultura eta Gazteria Departamentuak garatu du, lurraldeko beste eragile eta udal batzuekin lankidetzan.
Mugikortasuneko, Turismoko eta Lurralde Antolaketako departamentuak diruz lagundu du Gipuzkoako unibertsitateko ikasleak Donostiatik eta Zarautzetik leioako campusera egunero eramaten dituen unibertsitate-elkartea, eta Mugiko tarifekin parekatzen du
Azahara Domínguez diputatuak jakinarazi du neurriak hilean 400 eta 450 euro arteko aurrezpena ekarriko diela ikasleei, eta zerbitzu hori Mugiri atxikita balego izango lukeen kostuaren antzekoa izango dutela. Gainera, dirulaguntza horrek atzeraeragina du elkarteak duela aste batzuk zerbitzua abian jarri zuenean.
Etorkizuna Eraikizek ibilbide berria hasi du Gipuzkoan "demokrazia sendotzeko" bidean jauzi bat emateko
Berrikuntza politikoa eta gobernantza kolaboratiboa indartzeko legealdi honetako estrategia aurkeztu du Eider Mendoza diputatu nagusiak "Erakundeen eta gizartearen arteko lankidetza indartuko dugu, proiektu berritzaile berriak sortzeko", adierazi du diputatu nagusiak
Foru Aldundiak desadostasun irmoa adierazi du, Auzitegi Gorenak Uliazpik aurkeztutako errekurtsoa ez izapidetzea erabaki duela eta
Irune Berasaluze foru bozeramaileak adierazi duenez, zalantzan jartzen dira beste behin “bai hizkuntza eskubideak, bai Foru Aldundiak bere enplegu eskaintzak diseinatzeko eskumena”.
Aldundiak ekain amaierarako irekiko du Hondarribian luiziak kaltetutako GI-3361 errepidearen errei bat
Bide Azpiegituretako departamenduak milioi bat euro gaitu ditu lerradura konpondu, ezponda egonkortu eta bidea egokitzeko. Errepidea bere osotasunean uztail bukaeran ireki ahal izatea aurreikusten da.
Ia 1.000 kirolari izango dira maiatzaren 26an Zegaman, Zegama-Aizkorri lasterketan lehiatzeko
Guztira, 543 kirolarik (horietatik 87 emakumeak) egingo dute mendi maratoia; 143 lasterketari (horietatik 38 emakumeak), junior kategorian arituko dira; eta 272 (52 emakume), KB kategorian
Gipuzkoa ingurumen teknologietan eta jasangarritasunean lehiatzen ari da IFATen, sektoreko munduko azoka nagusian
Jose Ignacio Asensio diputatu nagusiordea ingurumen-ekonomiaren sektoreko Gipuzkoako enpresen aurkezpenaren buru izan da Municheko IFAT azokan. Azoka hau munduko liderra da ingurumen-teknologietan eta jasangarritasunean.
Datorren larunbatean Museoen Nazioarteko Eguna ospatuko da Gipuzkoan, "Museoak hezkuntzaren eta ikerketaren alde" lelopean
Gipuzkoako Foru Aldundiko Kultura Departamentuak Museoen Nazioarteko Egunaren egitaraua aurkeztu du asteazken honetan. Museoen eguna datorren larunbatean, maiatzaren 18an, izango da, eta `Museoak hezkuntzaren eta ikerketaren alde' leloa izango du aurten.
BBNNetan aurkeztu dute GFAren Euskararen Erabilera Plana (2023-2027)
Alderdi politikoetako ordezkari guztiek adierazi dute, neurri batean edo bestean, bat egiten dutela planean jasotako helburuekin. Halaber, departamentu mailako kudeaketa planen lehenengo urratsak maiatzean egingo direla adierazi dute GFAko ordezkariek.
Maiatzaren 18tik ekainaren 15era bitartean, zesta-puntako Grand Slama izango da Donostian, eta, lehen aldiz, emakumezkoen Master Serie bat egingo da ekainaren 1ean, 8an eta 15ean
Partidak 18:00etan izango dira Donostiako Carmelo Balda frontoian, eta sarrerak www.jaialive.eus webgunean edo leihatilan bertan eskura daitezke
Gatz Eguna 2024 Leintz Gatzagan
Azahara Domínguez, diputada de Movilidad, Turismo y Ordenación del Territorio: “Gatz Eguna gorriz markatuta daukagun ekitaldi bat da. Ezin dugu ahaztu festa hau ezin hobeki egokitzen zaiola Departamentutik bultzatzen ari garen estrategiari: lehenik, goi-denboralditik kanpo egiten delako, eta horrek aukera ematen digulako Gipuzkoak eskaintzen dituen turismo-jardueren egutegia aberasteko; eta bigarrenik, balioa ematen diolako lurraldearen barrualdeko –kasu honetan, Debagoieneko eskualdeko– turismo-erakargarritasunari”
Gipuzkoako enpresa txiki eta ertainei kanpo-merkatuetara irekitzen laguntzeko laguntzak onartu dira
Diputatuen Kontseiluak gaur eman dio oniritzia deialdiari, eta aurten 915.010 euro bideratuko dira.
“Parke naturalak ongizatearen eta oreka berdearen iturri dira Gipuzkoan”
Gipuzkoako Parke Naturalen ingurumen-, gizarte- eta ekonomia-potentzialaren inguruan herritarrak sentsibilizatzea helburu dituen egunak aurkeztu ditu Foru Aldundiak
Gipuzkoan egingo da egunotan Europako kongresurik garrantzitsuena biozientzien enpresa-arloan
BioEquity Europek, Ane Insausti diputatuaren arabera, lurraldea eta Euskadi indartzen ditu nazioartean sektore horretako “erreferente” gisa
Mugikortasuneko, Turismoko eta Lurralde Antolaketako departamentuak Gipuzkoan MICE turismo jarduera sustatzeko laguntzen deialdi bat jarri du abian
Azahara Domínguez diputatuak jakinarazi duenez, 155.000 euro bideratuko dira interes turistiko nabarmena duten eta kanpoan proiekzio mediatiko garrantzitsua duten azokak, erakusketak eta merkataritza-erakusketak antolatzen laguntzeko; interes turistiko garrantzitsua duten enpresentzako kongresu profesionaletan edo negozio-kongresuetan, konbentzio eta ekitaldietan Gipuzkoan jarduera turistikoak egiteko; eta gastronomiarekin zerikusia duten eta kanpoan proiekzio mediatiko garrantzitsua duten interes turistikoko ekitaldiak antolatzeko.
Gipuzkoan miru gorria babesteko protokoloa nazioartean aipamenak jasotzen ari da kudeaketa onaren eredu gisa
"Raptor Research Foundation" zientzia aldizkariak Aldundiak basoaren kudeaketa eta espeziearen kontserbazioa bateratzeko burututako jarduerei buruzko artikulu bat jasotzen du
Jasangarritasuna eta inklusioa, Gipuzkoako Hondartzen Lurralde Mahaiaren lehentasunak 2024 denboraldirako
Gipuzkoako Foru Aldundiak Hondartzen Kudeaketa Integralerako Plan berri bat egitea bultzatuko du, Gipuzkoako kostaldeko udalekin lankidetzan, erakunde bakoitzaren eskumen-esparrua errespetatuz. Plan hori Gipuzkoako Foru Aldundiko Jasangarritasun Departamentuak finantzatuko du.
Gipuzkoako KZGuneak laguntza-gune berri gisa gaituko dira Mugi txartelarekin lotutako izapideak egiteko
Azahara Domínguez Mugikortasuneko, Turismoko eta Lurralde Antolaketako diputatuak Legazpiko KZGunea bisitatu du, Eluska Renedo-Illarregi Gipuzkoako Garraioaren Lurralde Agintaritzako zuzendariarekin eta Óscar Valbuna Legazpiko Garraio Publikoko zinegotziarekin batera
Sahatsa Jauregik bere ‘Aizkora’ obraren muntaketa prozesua zuzenean erakutsi du Gordailuan
Gipuzkoako Foru Aldundiko Kultura Departamentuak, Gordailuarekin batera, Sahatsa Jauregiren eta Joxe Ramón Jauregiren ‘Aizkora’ azken lana nola muntatzen den aurkeztu dute gaur, osteguna, maiatzak 9. Goizane Álvarez Kultura diputatuak, Sahatsa Jauregi artistak eta Irene Cárdaba Gordailua Kontserbatzeko eta Zaharberritzeko teknikariak prentsaurrekoa eman dute gaur goizean Gordailuan.
Batzar Nagusiek erregimen berezia onartu dute PFEZn enpresa berritzaileen sortzaileentzat
Erregimen berriari esker, Pertsona Fisikoen Errentaren gaineko Zergan laneko etekin osoen % 30eko salbuespena aplikatuko zaie.
Aldundiak enpresa txiki eta ertainen lehiakortasuna hobetzeko laguntza-lerroa aktibatu du, 1,8 milioirekin
Besteak beste, belaunaldi-erreleboko, dibertsifikazioko eta enpresen arteko lankidetzako prozesuak babesten dira.
Aita Mari ontziari babesa erakutsi dio Gipuzkoako Foru Aldundiak
“Gure lurraldeko baliorik onenak” islatzen dituela adierazi du Eider Mendoza diputatu nagusiak, dagoenetako ehundaka bizitza salbatu dituen ontziak, eta boluntario guztien lana txalotu du.
Mugikortasuneko, Turismoko eta Lurralde Antolaketako departamentuak eta Euskal Herriko Arkitektoen Elkargo Ofizialak Gipuzkoari buruzko hausnarketa bat sustatuko dute
Urte honetan zehar lau jardunaldi egingo dira. Bertan, zenbait gai izango dituzte aztergai, hala nola hiriaren irudia fatxaden bitarteaz, kasu historikoak, San Bartolomeko kasua eta baserria espazio-unitate gisa.
“Emakumeen kirola gaurko eta biharko gizarte justu eta berdinzale baten aldeko hazia da”
Datozen asteotako hitzordu garrantzitsuei erreparatuz, Eider Mendoza diputatu nagusiak dei egin die gipuzkoarrei emakumezkoen talde eta kirolariak indar guztiz babestera eta haien jardunarekin gozatzera
Zahartze osasungarria, mugikortasun jasangarria eta kuantikoa, Teknikerrek Gipuzkoarako dituen esparru estrategikoak
● Zentro teknologikoak Eider Mendoza Gipuzkoako diputatu nagusiaren bisita jaso du gaur, maiatzak 3, ostirala, eta Foru Aldundiaren babesa duten hainbat ekimenetan egindako aurrerapenak aurkeztu ditu. ● Bi eragileen arteko lankidetza estuari esker, azken urteetan irtenbide berritzaileak garatu dira osasunaren, mugikortasunaren edo energiaren sektoreetan.
Foru Aldundiak ekintzaileak babesteko 1,87 milioi emango ditu laguntzetan
Diputatuen Kontseiluak gaur onartu duen deialdiari berari esker iaz 237 enpresa proiektu sortu ziren.
Gipuzkoak finkatu egin du desgaitasun fisikoa duten pertsonentzako Bizitza Independenterako Programa
Bi hamarkadaren ondoren, Gipuzkoako Foru Aldundiak eta elkartuk, UPV/EHUren laguntzarekin, Bizitza Independenterako Programa ebaluatu dute, “oso positiboa” izan dela baloratu dute eta zabaltzen jarraitzearen aldeko apustua egin dute.
Leintz-Gatzagan elkartu da gaur Diputatuen Kontseilua eta aurrerantzean aldizkako bilkurak egingo ditu Gipuzkoako udalerrietan
Eider Mendoza diputatu nagusia Dorleta Elkorobarrutia alkatearekin batzartu da, herriko proiektu eta desafio nagusien berri izan eta partekatzeko
Kultura eta Kirol departamentuak eta Mugikortasuneko eta Turismoko Departamentuek eskubaloiko erreginaren koparekin ahalegin guztiak egingo dituzte
Kirol hitzordua Donostiako Illunbe Arenan izango da, maiatzaren 10etik 12ra. Fan zone musika eta inklusiorako gunea izango da, Gipuzkoako Foru Aldundiko Kirol zuzendaritzak antolatuta. Mugikortasuneko, Turismoko eta Antolaketako Departamentuak sustapen-bideo bat jarri du abian, Donostiara lehiaketaz gozatzera datozen pertsona guztiak lurraldeko beste toki batzuk ezagutzera anima daitezen.
Foru Aldundiak eta Enirio Aralar Mankomunitateak akordio bat sinatu dute Aralarren jardueren zaintza eta kudeaketa hobetzeko
Sinatutako akordioa bi erakundeek 2019tik blokeatutako harremanei berriro ekiteko duten borondatearen erakusgarri irmoaren lehen urratsa da
Mugikortasuneko, Turismoko eta Lurralde Antolaketako departamentuak eta Gipuzkoako Garraioaren Lurralde Agintaritzak (GGLA) garraio publikoaren zerbitzua indartuko dute Pasaia Itsas Festibala dela-eta
Maiatzaren 9, 10, 11 eta 12an, Donostia, Oarsoaldea eta Bidasoa Pasaiarekin lotzen dituzten Lurraldebuseko lineek zerbitzu bereziak eta autobus gehiago izango dituzte, egun horietan espero den erabiltzaile kopuru handiari erantzuteko. Gainera, Pasaiako motora joan-etorrian ibiliko da etengabe bi minutuan behin Pasai San Pedro eta Donibane artean.
Gladys Sarira hautagaitzak aurkezteko epea ireki da
40 urte arteko emakumeen ibilbidea saritu eta proiekzioa sustatzea du helburu Gladys Sariak.
AP-1eko Lesarriko tunela bihar irekiko dute berriro Gasteizerako noranzkoan osorik berrituta
Maria Ubarretxena: “Eguneratze honi esker, tunelak aise gaindituko ditu Europan eskatzen diren segurtasun, eraginkortasun eta hornidura teknologikoko estandar gorenak”
Gipuzkoan harrera integral komunitarioa lantzeko gida aurkeztu die Aldundiak lurraldeko udalei
Gipuzkoako Foru Aldundiak, Aniztasuneko II Foru Planaren testuinguruan landutako gidak helburu du kulturarteko esku-hartze eta harrera komunitarioak gauzatzeko irizpideak jaso eta zabaltzea.
Gipuzkoako Foru Aldundiko Lankidetzako Departamentuak ia 4 milioi euro bideratuko ditu aurten lankidetzarako laguntzetara
Goizane Álvarez: “Euro bakoitzaren atzean erantzukizuna, konpromisoa, gure inguruan gertatzen denarekiko sentsibilitatea dago, eta, azken batean, itxaropena eta aukerak sustatzen ditugu”.
Mundu guztiko landare bildumak erakusgarri datorren asteburuan Iturrarango Landare Berezien 20. Azokan
Apirilaren 27 eta 28an Frantzia, Espainia eta Euskal Herriko 50 mintegik beren aleak ikusgai eta salgai jarriko dituzte
Mugikortasuneko, Turismoko eta Lurralde Antolaketako departamentuak diruz lagunduko du Gipuzkoako unibertsitate ikasle eta langileak Bizkaiko unibertsitate zentroetara egunero eramaten dituen autobusa, eta Mugi sistemaren tarifekin parekatuko du
Azahara Domínguez diputatuak jakinarazi du neurri horri esker hilean 300 euro baino gehiago aurreztuko dutela elkarteko kideek; izan ere, 25 urtetik beherako ikasleek 72 euro inguru ordainduko dute zerbitzu horrengatik, eta 25 urtetik gorakoek, berriz, 90 euro inguru.
Aldundiak I+G+b sarearekin duen konpromisoa finkatu du, 4,59 milioi onartuta laguntzetan
Ikerketa zentro eta erakundeak babesteko programak Adimen Artifizialaren teknologia hizkuntzaren teknologietan aplikatzeko lerro bat izango du
Aldundiak argi berdea eman dio Irungo Arbes egoitza berriaren eraikuntzari
Egoitza 2026an egongo da martxan, eta adinekoentzako 130 egoitza-plaza eta desgaitasuna duten pertsonentzako 26 egoitza-plaza izango ditu.
Foru Aldundiak zuhaitz landareen mozketa indiskriminatuen aurkako gaitzespen irmoa berretsi du
Xabier Arruti Lurralde Oreka Berdeko diputatuak “erabateko elkartasuna” adierazi die ekintza bandaliko horien ondorioak jasan dituzten baso-jabeei
Mugikortasun jasangarriari lotutako industriaren etorkizuna ikusgai izango da gaurtik aurrera Ficoban
Sektore honetan Europa Hegoaldean egiten den azoka profesional nagusia ireki dute Eider Mendoza diputatu nagusiak eta Arantxa Tapia Ekonomiaren Garapena, Jasangarritasuna eta Ingurumeneko sailburuak; mugikortasun berriaren balio kate osoa elkartu da bertan
Foru Aldundiak “ahalik eta gehien bizkortuko ditu epeak” Igeldoko Toki Erakunde Txikia sortzeko
“Espero dugu formula honek igeldoarren beharrei erantzun arinagoa eta eraginkorragoa emateko balio izatea”, adierazi du Irune Berasaluze foru bozeramaileak.
Ogasunak gaurtik aurrera ireki ditu ateak 2023ko Errenta aitorpena modu presentzialean egin ahal izateko
19.000 zergadunek baino gehiagok hitzordua hartu dute Foru Ogasunak lurraldean zehar prestatu dituen 11 bulegoetan aitorpena egiteko
Mendekotasuna duten pertsonen laguntzaileek doan bidaiatu ahal izango dute Gipuzkoako garraio publikoan
Gaurtik aurrera, mendekotasuna, ikusmen-urritasun larria eta gurpil-aulkiak erabiltzen dituzten 30.000 pertsonak, Mugiren titularrak badira, Gipuzkoako Foru Aldundiak emandako txartel berri bat eska dezakete. Txartel horri esker, laguntzaileek doan bidaiatu ahal izango du lurraldeko garraio publikoan.
Kultura Sailak ‘Crossover. Cultura de Series’ zazpigarren edizioa aurkeztu du: Estreinaldi esklusiboek eta elkarrizketa nabarmenek markatuko dute ekitaldia
‘Crossover. Cultura de Series’ Gipuzkoako Foru Aldundiko Kultura Departamentuak sustatutako jaialdia da, Kultur Factory kultur agentziarekin elkarlanean antolatua
Gipuzkoako bilketa metatua % 12,2 igo da martxora arte, aurreko urtearen aldean
Foru erakundeak 113 milioi euro gehiago bildu ditu martxoan, 2023ko aldi berarekin alderatuta
Mugikortasuneko, Turismoko eta Lurralde Antolaketako diputatuak, Azahara Domínguezek, Club de Creativos-en 25. edizioari hasiera eman dio Kursaalean
Gaur eta bihar bitartean Donostian izango den kongresuak publizitatearen eta komunikazioaren sektoreko milaka profesional bilduko ditu.
Europa hegoaldeko mugikortasun jasangarriak hitzordua du MUBIL Mobility Expon
· 105 enpresa erakusketarik Ficobako hiru pabiloiak beteko dituzte · Conference Arean mahai-inguruak eta hitzaldiak antolatuko dira, mugikortasunaren munduan puri-purian dauden gaiei buruzkoak · Azokarekin batera, bilera logistikoak egingo dituzte AEDIVEk, Direbús-ek, Euskadiko Mugikortasun eta Logistika Klusterrak eta Hidrogenoaren Euskal Korridoreak · Azokaren laugarren edizioa apirilaren 17an eta 18an izango da