Albisteak

Azahara Dominguez Mugikortasuneko, Turismoko eta Lurralde Antolaketako diputatuak agerraldia egin du Gipuzkoako Batzar Nagusietan, berak hala eskatuta, legegintzaldi honi begira, buru den departamentuaren helburuak eta ildo estrategikoak azaltzeko. Mugikortasuneko, Iván Pedreira, Turismoko, Iñigo García eta Lurralde Antolaketako, Miguel Ángel Crespo, zuzendariek lagunduta, Azahara Domínguez batzarkide-taldeekin komunikazio arina eta iraunkorra izateko borondatea agertu du, zerbitzu publikoaren bokazioari datxezkion balioekin bat etorriz, gardentasunerako borondatea eta taldeen arteko akordioen irismena azpimarratuz.

Azahara Dominguez Mugikortasuneko, Turismoko eta Lurralde Antolaketako foru diputatuak Gipuzkoako Batzar Nagusietan eman du, EH Bildu batzar-taldearen interpelazio bati erantzunez, Lurraldebusi atxikitako Avanza flotaren mantentzearekin lotutako gaietan gaur egun egin diren aurrerapenen berri.

«Jarri prest zure bizikleta MUGIrekin» ekimena gaur iritsi da Mugikortasunaren Astearen inguruan programatutako 10 helmugetariko lehenera. Hartara, MUGI txartel pertsonalizatua eta bizikleta eramaten dituzten guztiek bizikleta berrikusteko eta doitzeko doako zerbitzua baliatu ahal izango dute. Ikastetxeetan bizikletaren erabilera sustatzeko tailerrak egingo dira DBHko ikasleen artean.

Datorren asteburutik aurrera egongo dira erabilgarri Lurraldebusen «ticketing»eko gailu berriak; izan ere, hiriarteko foru garraio zerbitzuak horiekin hasi du modernizazio prozesua, ordainketa sistema guztien elkarreragingarritasuna lortzeko asmoarekin.

Lurraldebusek gaueko zerbitzu bereziak jarriko ditu erabiltzaileen eskura Donostiako Aste Nagusian, abuztuaren 12tik 19ra bitartean. Zerbitzu berezi horiek Donostiako hiriburua metropoli-ingurunearekin eta Gipuzkoako eskualdeekin lotuko dute gaueko ordu txikietan. Funtsezko errefortzua dira zerbitzu-eskari handiko garai horietan. Neurri horri udan ordutegiak luzatzeko hartutako neurria gertu behar zaio.

Festetako zapia Aste Nagusiaren ikurretako bat da, eta, aurten, berriz izango dugu protagonista. San Sebastian Shopsek, Donostiako Udaleko Ekonomia Bultzatzeko zinegotzikoaren, Eusko Jaurlaritzako Turismo, Merkataritza eta Kontsumo Sailaren, Lurraldebusen eta Gipuzkoako Foru Aldundiko Mugikortasuneko, Turismoko eta Lurralde Antolaketako Departamentuaren bitartez, 20.000 zapi banatuko ditu. Hain zuzen ere, tokiko saltokiek eta Lurraldebus zerbitzuak banatuko dizkiete zapiak gure hirira datozenei, eta bertakoak zein kanpotarrak festez gozatzera animatuko dituzte.

Gaur goizean egin dute Eider Mendoza buru duen exekutiboaren karguhartze ekitaldia eta Diputatuen Kontseilu berria lehen aldiz elkartu da.

Frantziako Tourra dela eta, Gipuzkoako errepide sareko zenbait errepide itxi egingo dira ibilgailuentzat, eta horrek Lurraldebusen garraio publikoko ohiko zerbitzuari eragingo dio. Zehazki, igandean, uztailaren 2an, eta astelehenean, uztailaren 3an, itxiko dira, goizeko 9:00etatik arratsaldeko 17:00etara bitartean. Lurraldebusek informazio eguneratua eskainiko du bere webgunean (www.lurraldebus.com), sare sozialetan dituen kontuetan eta erabiltzaileei arreta emateko telefonoan (900 300 340).

Maiztasunak handitu egingo dira udan, Donostia eta Bizkaiko aireportua ordu erdiz behin lotuko dituzten autobusen bidez, ekainaren 23tik irailaren 3ra bitartean.

Mugikortasuneko eta Lurralde Antolaketako Departamentuak hogei bat espediente ireki dizkio Avanza emakidadunari 2022tik Lurraldebusera atxikitako autobusen mantentze-akatsengatik, 20.000 euro inguruko isunekin, eta iragarri du, Ikuskaritzak flota osoa berrikusteko egungo epea amaitu ondoren, behar diren neurriak hartuko dituela, egoerak eskatzen duen irmotasuna aplikatuz.

Hitzarmenaren helburua da Pasaialdean espazio publikoak berritzea eta haien gozamena hobetzea, eta Altzateko igerilekuen estalkia berritzea du helburu, Foru Aldundiaren eta Lezoko Udalaren arteko lankidetza instituzionalari esker herritarren bizimodua erraztuko duten ekipamenduak hobetzeko.

Urolako Bide Berdea trazadura amaitzetik askoz ere gertuago dago, beharrezko administrazio-izapide guztiak bete ondoren; besteak beste, Foru Kontseiluak duela bi aste onartu zuen, eta Gipuzkoako Batzar Nagusiek joan den astean baliozkotu zuten, Zumaia eta Zumarraga arteko ibilbide berde hori osatzen duten 38 kilometroetatik azken 4ei ekiteko. Izapide horiek egin ondoren, oniritzia eman zaio azken kilometro horiek egin eta egia bihurtuko dituen lizitazio eta kontrataziorako behin betiko baldintzak abian jartzeari.

Plangintza berrikustean 2013ko arauan jasotako egungo mapa aztertuko da, eta herritarrei tarte edo ibilbide berriak proposatzeko aukera emango zaie. Egungo araudia eguneratzeaz gain, gauza bera egingo da gauzatzen ari diren lanen kostuen aurreikuspenarekin, zeren eta sarea osatzeko datozen urteetan egingo den plangintza formalizatzen lagunduko baitu.

Mugikortasuneko diputatu Rafaela Romerok, Sevillan, Garraio Sistema Adimendunei (ITS) buruzko Espainiako XXIII. Kongresuan, aurten bertan MUGI Birtualak Gipuzkoan izango duen eraldaketa azaldu du. Herritar erabiltzaileentzat pentsatutako sistema da, eta hainbat identifikazio-euskarriren bidez bidaiatu ahal izango du, baita errekargak eta ordaintzeko metodoak modu erosoagoan kudeatu ere, betiere MUGI txartelari dagozkion deskontu eta eskubide sozialekin.

Mugikortasuneko eta Lurralde Antolaketako foru diputatu Rafaela Romerok eta Mugikortasuneko foru zuzendari Ander Iturrik gaur aurkeztu dute Lurraldebusen Bidasoa eta Oarsoalderako emakida berritzearekin batera ibilbide berriak eta ordutegi eta maiztasun hobeak zabalduko duen proiektua, eta horien artean laburpen taulan agertzen direnak nabarmendu dituzte.

Mugikortasuneko eta Lurralde Antolaketako diputatuak, Ander Iturri Mugikortasuneko foru-zuzendariarekin batera, Lurraldebus 2022 txosteneko datu garrantzitsuenak aurreratu ditu, eta laster ezarriko diren zerbitzuen hobekuntza nagusien berri eman du, Lurraldebusen erabiltzaile diren gipuzkoarrentzako onurak areagotuko baitituzte. Hobekuntzen artean, honako hauek nabarmentzen dira: lehenik eta behin, MUGI tarifaren deskontuak aplikatzea Bilboko aireportura egiten diren bidaietan, orain arte ezin baitzituzten MUGIren tarifa ekonomikoak baliatu; eta, bigarrenik, Lurraldebus lehenengoz iristea EHUren Leioako campusera, non, Romerok iragarri duenez, herritarrek MUGI tarifez baliatu ahal izango duten, bereziki Mugi Gaztea txartelaren titular diren ikasleek.

Rafaela Romero Mugikortasuneko eta Lurralde Antolaketako foru diputatuak Donostia eta Irun elkartuko dituen oinezkoentzako eta bizikletentzako bidearen informazio azterlana aurkeztu du gaur. Ia 10 kilometro luzeko azpiegitura horrek, Europako ardatza eta Atlantikoko korridorea konektatzeaz gainera, Donostialdea eta Bidasoa eskualdea ere lotuko ditu. Herritarrek luzaroan eskaturiko proiektu horrek mugikortasun erabilgarria eta segurtasuna lehenesten ditu. Lanak egiteko sei urte inguru beharko dira bidearen zortzi tarteetan, eta 22 milioi eurotik gora bideratuko dituzte.

Rafaela Romero Mugikortasun foru diputatua, saileko zuzendaria den Ander Iturrirekin batera, Errenteriako Don Bosco Lanbide Heziketako institutuan izan da gaur. Bertan, galdaragintza eta soldadurako gradu ertaineko ikasleek cargo social bizikleta elektrifikatuen hiru eredu berriak aurkeztu dituzte Gurpil Artea elkarteak bultzatutako proiektuaren barruan.

Mugikortasuneko eta Lurralde Antolaketako diputatuak, Rafaela Romerok, Oñatiko alkate Izaro Elorzak, Arrasateko alkate Maria Ubarretxenak eta Bergarako alkate Gorka Artolak hitzarmena sinatu dute gaur goizean, Gipuzkoako hiru herrien artean Lurraldebusen erabiltzaileentzako gune estrategikoa den San Prudentzioko nodo intermodala egokitzeko eta komuna jartzeko proiektuari ekiteko. Hitzarmenaren arabera, Mugikortasuneko eta Lurralde Antolaketako Foru Departamentuak exekuzio-aurrekontuaren % 60 jarriko du, 222.000 euro guztira. Foru Aldundietatik aterako diren 133.000 euroez gain, gainerako % 40 hiru udalek ordainduko dute.

José Ignacio Asensio Ingurumen diputatuak, Rafaela Romero Mugikortasuneko diputatuak eta Mikel Serrano Zumarragako alkateak gaur aurkeztu dute bizikletak elektrifikatzeko eta Zumarragan kargagailu elektrikoak jartzeko proiektu pilotua, udalerriko energia-komunitatearen (TEK) bidez energia berdea eta berriztagarria hornitzeko.

Gipuzkoako Foru Aldundiaren ordezkari den Rafaela Romero Mugikortasuneko diputatuak hartuko du Ortzibiako txandakako lehendakaritza, Iñaki Arriola Eusko Jaurlaritzako Lurralde Plangintza, Etxebizitza eta Garraioetako sailburuaren ordez. Ortzibiak (aireportua sustatzen duen sozietateak) enkargatutako IKEI aholkularitza-enpresaren azterlanaren arabera, Hondarribiko aireportuak urtean 3 eta 4 milioi euro artean eragiten ditu balio erantsi gordinean, eta lanaldi osoko 15 eta 22 lanpostu artean sortzen ditu. Datuak Ortzibiako Administrazio Kontseiluak egindako bilkuran azaldu dira gaur.

Mugikortasuneko diputatuak, Rafaela Romerok, MUGIren tarifak bateratzeko sistemaren azken aurrerapenak azaldu ditu Londresko Transport Ticketing Global biltzarrean, garraio publikoaren arloko mundu konbentzio garrantzitsuenean. Orobat azaldu du zer inpaktu sozial izango duten aurrerapen horiek, progresibitatearen ikuspegitik, gure garraio sistemako erabilera datuetan, bereziki nabarmendurik azken bi urteetan zehar ezarritako tarifa politiken hobekuntzak ekarritako abantaila sozialak.

Mugikortasuneko eta Lurralde Antolaketako diputatuak, Rafaela Romerok, «Gipuzkoa martxan» aurkeztu du gaur goizean Bidasoko hiriburuan, Irungo alkate José Antonio Santanorekin batera. Ekimena lurraldeko hainbat gunetan garatuko da bost astez, zertarako eta mugikortasun aktiboa sustatzeko, bereziki azpimarratuz Gipuzkoako bidegorrien eta ibilbideen oinezko erabilera.

Mugikortasuneko eta Lurralde Antolaketako Departamentuak aurreko urteko zuzkidura bikoiztu du, udaletako bizikleta eta oinezkoentzako bideak eraiki eta hobetzeko. Rafaela Romero: «Mugikortasun aktiboa, irisgarria, segurua eta berdintasunezkoa departamentuko politikaren funtsezko ardatzetako bat da legegintzaldi honetan, eta politika hori Gipuzkoako udalekin batera laguntzeko bultzada bat izango da».

Romerok MITeko adituen aurrean azaldu du Gipuzkoako garraio publikoaren arrakasta, MUGI sistemaren bidez. MITMAk antolatutako topaketan, foru diputatuak Gipuzkoako tarifen integrazio sistemari eta mugikortasunari buruz hitz egin du, genero ikuspegia integratzen duena eta zainketen mugikortasunari arreta ematen diona. Horrela, Gipuzkoako garraio publikoaren sistemaren arrakastaren funtsezko alderdiak zehaztu ditu, eta ADIFeko, Madrilgo Unibertsitate Politeknikoko eta Massachusettseko Instituto Teknologikoko (MIT) ordezkarien aurrean egin du. Azken horiek munduko erreferentzia dira mugikortasunari eta munduko unibertsitaterik onenari dagokienez, QS rankingaren arabera.

Pasaialdea berritzea eta berroneratzea da hitzarmenaren helburua, eta hiri-berrikuntzaren, jasangarritasunaren, mugikortasunaren eta hiri-ekipamenduen arloko jarduketak aurreikusten ditu, Foru Aldundiaren eta Pasaiako Udalaren arteko lankidetza instituzionalari esker herritarrentzako gune atseginak lortzeko.

Azken lauhilekoan, hileko 11.000 txartel berri egin dira batez beste. Urteko hazkundeari dagokionez, nabarmentzekoa da gazteen kolektiboa: 2022an 101.151 gazte ziren txartelaren titularrak, eta 2019an, berriz, 91.456.

Mugikortasuneko eta Lurralde Antolaketako Departamentuak 30.000 euro bideratuko ditu 2023an MUGI txartelak erosteko eta kargatzeko laguntzetara, zaurgarritasun egoeran dauden pertsonei estaldura eta laguntza emateko.

Rafaela Romero buru duen departamentuak ia milioi eta erdi euro inbertitu ditu foru bidegorrien irisgarritasuna hobetzeko, oinezkoentzako eta bizikletentzako mugikortasun-azpiegitura horien erabilera eta gozamena pertsona guztientzat zabaltzeko helburuarekin, genero-ikuspegiaren adierazlea barne, eta Gipuzkoako bizikleta-bideen sarearen segurtasun-baldintzak zabalduz. Hobekuntza-lan horiek Donostiako Añorga auzoaren parean Donostia-Lasarte bidegorria konpontzeko eta egonkortzeko erabiliko dira (863.199 euro), bai eta Eibar eta Maltzaga arteko bidegorriaren argiztapena indartzeko obretarako ere (567.916 euro).

1.500.000 euroko exekuzio-aurrekontuarekin, Lezo eta Donibane arteko bidegorriaren azken tarteko 270 metroek hiru udalerri eta 280.000 pertsona lotuko dituen azpiegitura sozial bat sortzea ekarriko dute, Pasaiako badiaren inguruko mugikortasun aktiboaren zirkuitua osatuz eta eremua eraldatzeko eta biziberritzeko prozesuan beste urrats bat emanez. Obrak apirilerako aurreikusita zeuden, eta 5 hilabeteko iraupena izango dute. Obrak uztailera arte atzeratu behar dira, Mugikortasun Departamentuarekin zerikusirik ez duten arrazoiengatik. Frantziako Tourraren etapa GI-3440 errepidetik igarotzeak administrazioak lankidetzan aritzera behartzen ditu, eta ezingo da obrarik izan kirol-ekitaldi horren ibilbidean. Nolanahi ere, herritarrek abenduan izango dute erabilgarri.

Errenteriako prestakuntza-zentroa bakarra da Gipuzkoan ezarri berri den ziklo hau emateko. Oraingoz, Espainiako zentro oso gutxitan dago eskuragarri. Nabarmentzekoak dira Mugikortasun Ekologikoko Eredu Berrirako prestakuntza berritzaile eta espezializatuagatik. Eredu honek energia ez-kutsatzailearen alde egiten du, hala nola hibridoa, elektrikoa edo hidrogenoa.

Aparkaleku berriak barrutiko egoiliarren premia nabarmenetako bati erantzuten dio, gaueko erabilera esklusiboa izango baitute. Obrak ia 800.000 euroko inbertsioa eragin du, eta aurreikusitako hiru hilabete eta erdiko epean egin da. Aparkalekuak 198 plaza ditu —horietatik sei mugikortasun urriko pertsonentzat dira—, eta beharrezko zerbitzu guztiak ditu, hala nola argiztapena, asfaltatzea, seinaleztapen egokia eta irisgarritasuna. Bi sarbide ditu, bat Euskadi etorbidetik eta bestea Aduana kaletik.

Rafaela Romero Mugikortasuneko eta Lurralde Antolaketako diputatuak Irizarren Ormaiztegiko egoitza bisitatu du gaur, datozen hilabeteetan lurraldeko errepideetan ibiliko diren autobus berriak ezagutzeko. 5 milioi eurotik gorako inbertsioarekin, Lurraldebusek 16 ibilgailu berri sartuko ditu bere flotan, Irizar i6s Efficient, Gipuzkoako konpainiaren puntako modelokoak.

Rafaela Romerok, Gipuzkoako Garraioaren Lurralde Agintaritzaren presidenteak, Espainiako Gobernuaren konpromiso eta koherentzia politikoa aitortu ditu, eguerdi honetan iragarritako garraio publikorako laguntzei eutsiko zaiela iragarri ondoren. Laguntza horien bidez, MUGI bezalako garraio-titulu multibiatuak %30era arte diruz lagunduko dira, 2023an tarifen %50erainoko beherapena manten dezaten

Andoaingo Udaleko Berdintasun Lansailak sustatzen du «Mapa morea», Mugikortasuneko Foru Departamentuaren babes ekonomikoarekin, eta eguneratu da herritarren partaidetzako prozesu aktibo baten bidez. Helburua zen hiriko espazio publikoetan ongizatea eta herritarren bizikidetza izatea nagusi, inklusioa, eta, bereziki, genero berdintasuneko irizpideak, kontziliaziorako eta zaintzetarako mugimendu beharretan jarrita arreta, argi izanda ezinbestekoa dela kaleak, plazak eta Andoaingo gainerako espazioak gizon eta emakumeek berdintasunez erabili eta gozatu ahal ziatea.

MUGI erabiltzen duten herritarrek 2023an jarraituko dute jada dauden deskontuen gaineko % 50eko beherapena jasotzen. GGLAren batzarrak berretsi egin du deskontu horiek azaroaren 29an egindako batzordean mantentzeko aho bateko erabakia

Elektrizitatez eta eguzki energiaz ibiliko den katamarana eraikitzeko aurreproiektua eta proiektua idazteko, 49.000 euroko dirulaguntza emango du

Abenduaren 19tik aurrera MUGI txartelaren bidezko bidaiak ordaindu ahal izango dira Tolosako hiri-autobusetan

Aldaketak datorren asteazkenean, abenduak 21, sartuko dira indarrean. Horien bitartez, erantzungo zaio herritarren aspaldiko eskaera bati, hain zuzen ere, E21 linea geldituko baita Jaizubian, bi noranzkoetan, horrela Bidasoa Ospitalearekin lotura izango duelarik. E04, E23, E24 eta E28 lineek beren ibilbideen denborak hobetuko dituzte, linea zirkularrak izango direlako hemendik aurrera eta ez direlako Donostia erdialdetik pasako, Antiguon hasiko dutela itzulerako ibilbidea. E20 eta E26 lineak Donostia lotzen dute Hondarribiarekin eta Irunekin N-I errepidetik, eta 18:00etatik aurrera bi lineek bat egingo dute, asteburuetan E27 linearekin gertatzen den moduan.

Guztira 702.870.83 euroko banatuko dira Ezkio-Itxaso, Orio, Zumarraga, Legazpi, Zumaia, Arrasate, Arama, Usurbil, Eskoriatza, Donostia, Urretxu, Irun eta Idiazabalgo udalen artean. «Gipuzkoako udalerriak kontzientziatuta daude mugikortasun aktibo, irisgarri eta anitzaren alde egitearen garrantziarekin; izan ere, aisialdi espazioetatik haratago joan behar dugu bidegorriak eta bide berdeak mugikortasun osasungarri eta seguru bihurtzeko».

Rafaela Romero Mugikortasuneko eta Lurralde Antolaketako diputatuak saria eman die GEHITU Euskal Herriko lesbiana, gay, transexual eta bisexualen elkarteko ordezkariei, elkarte horrek bere 25 urteko ibilbidean eskubideen alde egin duen lanagatik.

Abendu honetatik, erabiltzaileek MUGI txartela Renfeko geltoki guztietan kargatzeko aukera dute, bai txarteldegietan, bai bidaia-tituluak saltzeko makinetan. Rafaela Romero GGLAko lehendakaria: «Erabiltzaileen % 70ek baino gehiagok aldizka erabiltzen dute MUGI txartela Renfen, eta datuek erakusten dute ezen, Renferen abonuen doakotasun-aldi honetan, MUGI txartelaren erabileraren eskaria % 30en mantendu dela. Horrek erakusten digu zer beharrezkoa den zerbitzu hori garraiobide publikoak konbinatu behar dituzten pertsona horientzat guztientzat, hartara txartelarekin deskontuak eta doako transbordoak batzen jarraitzeko».

Abenduaren 14an Guztiok Mugituz ekimenaren bosgarren edizioa egingo da. Gipuzkoako Foru Aldundiko Mugikortasuneko eta Lurralde Antolaketako Departamentuak sari hori ematen du lurraldean mugikortasun jasangarria eta inklusiboa bultzatzen laguntzen duten ekimenak, programak edo proiektuak aitortzeko.

Azitain-Maltzaga oinezkoentzako eta bizikletentzako bidea eraikitzeko proiektuan, Europako funtsen kudeaketak Ogasuneko eta Funtzio Publikoko Ministerioak Eskualde Garapeneko Europako Funtsarekin batera finantzatutako jardueren Jardunbide Egokiak hautatzeko definitutako irizpide guztiak betetzen ditu.

Mugikortasuneko eta Lurralde Antolaketako diputatuak Genero Ikuspegiko Hirigintzaren Behatokiaren I. kongresuan parte hartu du Asturiasen, eta azpimarratu du emakumeen lidergoak Gipuzkoako mugikortasun politiketan duen garrantzia eta mugikortasun horrek zaintzarekin duen lotura.

Rafaela Romerok zuzentzen duen Mugikortasuneko eta Lurralde Antolaketako departamentuak proposatuta, Foru Gobernuak adostu du Pasaiako Udalari saltzea Aldundiak Luzuriaga eraikinaren jabetzan duen partaidetza. Eraikina Ricardo Olaran arkitektoarena da eta Gipuzkoako industria ondarearen parte da. Pasaiako Udalak berrituko du, eta egokituko du kulturako eta aisialdiko espazio publikoetarako, baita Pasaian herritarren parte-hartzearen inguruko foroak egiteko ere.

Gipuzkoako Garraioaren Lurralde Agintaritzak (GGLA) joan den irailetik martxan jarritako tarifen % 50eko beherakadak are gehiago bultzatu du pandemiaren hasieratik garraio publikoaren erabilera berreskuratzea, erabiltzaileek eta MUGI sistemaren erabilerak aurrezteko errekorrak lortuz. Beherapen horren ondorioz, tarifa merkeagoak eta bidezkoagoak ezarri zaizkie erabiltzaileei. Rafaela Romerok azpimarratu du “% 50eko beherapena dela eta, MUGIko tarifak merkeagoak eta bidezkoagoak direla”.

Miramar Jauregian egin da II. Bizikletaren Jardunaldia. «Mugikortasun aktibo iraunkorrago baterantz» izenburupean, mugikortasunaren arloko hainbat aditu bildu dira, eta banakako ponentzietan zein mahai-inguru baten inguruan sakondu dute, bizikleta bidezko mugikortasunarekin lotutako hainbat alderdi interesgarritan.

* Azaroaren 15etik aurrera MUGI txartelarekin bidaiatu ahal izango da Bilboko Metroaren linea guztietan. • Barik txartel arruntarekin ordaintzen den tarifa bera ordainduko da.

XXI. mendean aurrera egin ahala, klima aldaketaren ondorioek eragina izango dute itsasoaren batez besteko mailaren igoeran, eta uholdeak eragin ditzakete Pasaiako erdigunean, Gipuzkoako Foru Aldundiko Mugikortasuneko eta Lurralde Antolaketako Departamentuak Asmaturi eskatutako txostenaren arabera. Neurri zuzentzaileak oinarrituko dira Pasaiako badia berroneratzeko esparruan gauzatuko diren hainbat jardueratan.

MITMArekin lankidetza-hitzarmena sinatzeak agerian utziko du Zikloteka nazio-mailako zentro gisa, Espainiako Gobernuaren bizikletaren estrategiaren barruan kokatzen baitu, Aurrekontu Orokorretan berariazko zuzkidura batekin.

Gipuzkoako Foru Aldundiko Mugikortasun Departamentuak, ADIFek eta Euskal Trenbide Sareak lortutako akordioari esker, herritarrek trenez egin ahal izango dute Gipuzkoako lurraldea, proiektu estrategiko hau burutu ondoren.

Gipuzkoa Deep Demoren misioei lotutako lehen dirulaguntza deialdia martxan du Aldundiak, eta 890.000 euro bideratu ditu 18 proiektu finantzatzera.

Rafaela Romero diputatua Amsterdamen izan da Metrex sare europarraren udazkeneko konferentzian. Sare horrek biltzen ditu metropolialdeen ardura duten Europako tokiko eta eskualdeko agintariak eta bertako kide da Mugikortasuneko eta Lurralde Antolaketako departamentua.

Rafaela Romero, Mugikortasuneko eta Lurralde Antolaketako diputatua, eta José Antonio Santano, Irungo alkatea, kanpainako protagonistekin izan dira.

Edizio honetan, 14 dira Gipuzkoan ekimenari atxikitako bizikleta denden eta tailerren kopurua – aurreko edizioan baino bi gehiago –, Mugi txartelaren erabiltzaile guztiek beren bizikletaren doako azterketa egin dezaten.

Diputatuak Eibarren eta bere eskualdean gauzatuko diren Mugikortasun Asteko beste jarduera batzuk aipatu ditu, hala nola, epe ertainean, eskatutako “taxi proiektu pilotu bat” garatzea edo Ebk Eibarko Bizikletak establezimenduan Mugirekin “Jarri prest zure bizikleta” programaz gozatzeko aukera.

Cesar Mosuera, Pontevedrako Diputazioko lehendakariordea, Uxio Benitex Mugikortasun Alternatiboaren eta Espazio Publikoaren arduradunak ere parte hartzen duen ordezkaritza baten buru da.

Aurtengo ekimenen helburua garraio publikoa eta mugikortasun jasangarri eta justuko beste aukera batzuk sustatzea da, ibilgailu pribatuaren neurrigabeko erabileraren aurrean. MUGIrekin garraio publikoetan bidaiatzearen aldeko sentsibilizazio-kanpainekin – Tarifen %50eko beherapenarekin orain indarrean dauden deskontu handienekin – Lurraldebus eta Mugi balioa nabarmentzen da, gipuzkoarrak mugi daitezen eta konektatuta egon daitezen, lurraldea kohesionatuz.

MUGI txartelean % 50era arte murriztutako tarifak bihar, irailak 1, sartuko dira indarrean; eta automatikoki aplikatuko zaizkie Gipuzkoako garraio-zerbitzu publiko guztietan egindako bidaiei, erabiltzaileek aldez aurretik inolako izapiderik egin beharrik gabe.