Ogasun eta finantzak
Departamentua
Ogasun eta Finantza Departamentuak aberastasuna banatu eta ekonomia sustatzeko erreminta izatea du xede. Foru Aldundiaren baliabideak ongi kudeatzea, sarreren jasangarritasuna bermatzea eta iruzur fiskalaren aurkako egitasmoak indartzea izango dira departamentuaren eguneroko jarduna zuzenduko duten lan lerroak. Arlo ekonomikoan, Ogasun eta Finantza alorrak lurraldearen lehiakortasunaren hobekuntzan eragile aktiboa izan nahi du eta, bere alorretik, ekonomia suspertzeko estrategiari ekarpena egin.
Aurrekontu partida
Ogasun eta Finantzak, 2024an , bere jardun estrategiko zein operatiborako, urteko aurrekontu hau izango du:
Aurrekontua
5.468.002.356,4 €
Exekutatua
% 49,27
Jokin Perona
Ogasun eta Finantza Diputatua
Orion jaio nintzen 1978 urtean, eta Enpresen Kudeaketan eta Administrazioan lizentziatu nintzen Deustuko Unibertsitatean. Euskaraz, gaztelaniaz eta ingelesez hitz egiten dut. Nire ibilbide profesionala finantza eta fiskalitate arloei lotuta egon izan da beti. Horrela, banku bateko bulego bateko kudeatzaile bezala hasi nintzen, eta 2004 urtean Errenta kanpainan egin nuen lan, Bizkaiko foru Ogasunean. 2005 urtean Kutxara iritsi nintzen eta, bertan, lehenengo, parte hartutako enpresen analista gisa egin nuen lan, enpresei laguntzeko zerbitzuaren arduradun bezala gero. Finantza entitatean hamarkada bat egin ostean Aldundira egin nuen salto. Hemen, Ogasuneko foru zuzendari izan nintzen 2015 eta 2020 urteen artean, eta bitarte honetan sakonean ezagutu ahal izan dut erakundearen funtzionamendua. Esperientzia hau ezinbestekoa izan zen gero Ogasun eta Finantzetako foru diputatu bezala aritzeko.
Zuzendaritzak
Irune Yarza
Ogasun zuzendaria
Ogasun Zuzendaritzaren zeregin nagusia da Foru Aldundiari dagozkion zergak kudeatzea, herritarren zergen bilketa modu eraginkorrean eginez.
José Corchón
Finantza eta Aurrekontu zuzendaria
Zuzendaritza honek Foru Aldundiaren finantza eta aurrekontuak modu egokian kudeatzea du helburu.
Zuzendaritzaren webguneak
Bittori Zabala
Zerga eta Finantza Politikako zuzendaria
Zuzendaritza hau Foru Aldundiaren zerga-sistema eta finantza arloko politiketan oinarritzen da, testuingurua sakonean aztertuz eta unean uneko beharretara egokituz.
Zuzendaritzaren webguneak
Departamentuko aktualitatea
2024/07/08
362,1 milioi euro itzuli ditu Gipuzkoako Ogasunak 2023ko Errenta kanpainan, eta 313,8 jaso
· Ondarearen gaineko Zergari dagokion bilketa 74,8 milioira iritsi da. · 2023ko Errenta kanpainan foru erakundeak 38 milioi euro itzuli dizkie Auzitegi Gorenak mutualisten inguruan emandako epaien eraginpeko pentsionistei
2024/07/03
Ignacio Rubio Peroniék aurkeztutako ideia izan da lehiaketaren irabazlea. Guztira, 16 ideia aurkeztu dira
2024/06/28
219 milioi euro zor dituzten 84 subjektuk osatzen dute Ogasunarekin zor handiak dituztenen zerrenda
Foru erakundeak Gipuzkoako Ogasunarekin 600.000 euro baino gehiagoko zorra dutenen bederatzigarren zerrenda kaleratu du