Ongizatea ondo bizitzea da. Zu eta zure familia ondo bizitzea. Zure auzokoak. Komunitatean ondo bizitzea. Aberastasuna sortzea da. Eta hori zenbat eta banatuago, orduan eta hobeto. Aurrerabidea da, ingurune berde bat izatea. Zainduta sentitzea da, inor atzean utzi gabe. Lan egitea ez ezik, lana eta familia bateragarri egitea ere bada ongizatea. Berdintasunean bizitzea, baita aukera-berdintasunean ere. Ongizatea da lagunartean zahartzea. Bizi-kalitatea izatea eta kalitatezko etxebizitza izatea. Ongizatea da talentuari hemen eta orain esatea. Osasuna zaintzea, gorputz eta buru. Hori adierazteko modu asko dago: Gipuzkoan diren pertsonak beste. Ongizatea da gu ondo bizitzea. Eta, horretarako, etorkizuneko erronkei erantzun behar diegu, betiere pertsona guztien ongizate integral ahalik eta handiena bermatuko duen Gipuzkoa solidarioa, bizia eta orekatua izaten jarrai dezagun.