Fabrikazio-prozesua

Rikardo Mediavillak, metalezko sutegi bat dauka bere lantegian, edukiera handikoa da, harrikatzez pizten da eta sua haizegailu elektriko batekin bizitzen da. Ondoan, urez betetako ontzi bat dauka, baleztazko gabi mekaniko bat (lokaleko sabaitik zintzilik dauden txirrika eta larruzko uhalek eragindako motore elektriko batekin dabil), eta metalezko oinarri batean finkatuta dagoen ingude handi bat ere badauka.  Horrez gain, oindun tornuzil bat, hainbat marruskadurazko prentsa eta zizaila, fuel-olioz eragindako labea, eta eskuzko zutabedun zulatzeko makina bat ere baditu, azken hori Boadilla del Caminoko lantegitik ekarritakoa. Azkenik, disko-makina bat eta punta ezberdinetako kurrika ugari, mailuak, mazoak eta bestelako erremintak dauzka bere lantegian.

Errementarien kurrika batek, eguneroko lanean erabiltzen duenetakoak, 30x20 mm-ko hagun errektangularrak maneiatzeko erabiltzen dira. Kurrikak 820 mm-ko luze dira guztira, horietatik 120 mm puntari dagokie, eta beste 700 mm, kirtenari.

Kirtena egin ondoren, gainontzeko materiala berriz berotzen da, gero bertatik kurrikaren bihotza eta puntak ateratzeko. (Argazkia Javier Carballo 07/2001).

Kurrikaren beso edo zati bakoitzak, pieza bakarrekoak, oso antzekoak dira, baina puntan pixka bat ezberdinak dira. Beso bakoitza kirten luze batek, ardatz zonak eta puntak osatzen dute. Denak F-111 altzairuzko totxo biribil batekin egiten dira. Altzairuzko totxo hori oso karbono gutxikoa da, 40 mm-ko diametroa, eta 150 mm-ko luzera du, eta 870 gramo pisatzen ditu.

Kurriken erdi edo pieza guztiak Rikardo Mediavillak egiten ditu banan-banan. Lehenbizi totxoak gori-gori jarri arte berotzen ditu, eta gero, gabiaren kolpeen bidez, totxoak eskuekin behar bezala mugituz, materiala deformatu eta zapaldu egiten du.

Egiten ari den kirtena, gabiaren kolpe azkarren pean, forma hartzen doa. Errementariak totxoa kurrikekin helduta dauka, eta behin eta berriz azkar biratzen du, gabiak zapaldu eta luzatzeko. (Argazkia Javier Carballo 07/2001).