Ez da beharrezkoa, baina zuk hala nahiago baduzu, eskubidea oso duzu. Halako egoeratan dauden gehienak abokaturik gabe joaten dira, baina zu lasaiago edo babestuago sentitzen bazara, abokatuak lagunduta joan zaitezke zalantzarik gabe.
Bai, desjabetzea erabiltzen du Administrazioak onura publikoko obrak egiteko behar diren lur sailak eskuratzeko. Tramitea hasten denean, gutun ziurtatu bat jasoko duzu etxean, egun jakin batean udaletxera joan zaitezen; gutunean esango dizute zein dokumentu eraman behar duzun bilerara. Egun horretan azalduko dizute nola egingo den desjabetze prozesua.
Alegazio guztiak aztertu eta erantzuten ditugu. Batzuetan, baztertu egiten ditugu, baina beste askotan onartu egiten ditugu. Alegazioak aurkeztuta, ez duzu ezer galtzen, gehienez ere proiektua hobetu egin daiteke, informazio zabalagoa jasota.
Bai. Aurkeztutako alegazioen erantzuna jasoko duzu, zure idatzian ipini zenuen helbidean. Epea laburragoa edo luzeagoa izan daiteke, baina erantzuna jasoko duzu.
Jendaurreko erakustaldia den bitartean, nahi dituzun alegazioak aurkez ditzakezu. Nahi dituzun alderdi guztiak aipatu ditzakezu, informazio eman, proposamenak egin edo nahi duzun adina gai azaldu.
Gutun bidez Gipuzkoako Foru Aldundiko Bide Azpiegituretako eta Lurralde Estrategiako Departamentuari (Miramon pasealekua nº 166 20014 Donostia-San Sebastián), Foru Aldundiko erregistro zentralean edo edozein udaletxean.
Gipuzkoako Foru Aldundiko Errepide Zuzendaritza Nagusian Miramon pasealekua nº 166 Donostia-San Sebastián), webgune honetako atalean edo lanek ukituko dituzten herrietako udaletxean.
Jakinarazpenean argituko dizute zure alegazioak aurkezteko epea. Urraketa eta isuna bidegabeak direla uste baduzu, aurkeztu zure arrazoiak.
Gauzak lehengora ipintzeko argibideak ikusten badituzu jakinarazpenean (hau da, zer egin behar duzun urraketa kentzeko), egin ezazu (adibidez, baimena eskatu, itxitura kendu edo dena delakoa), eta gero bidali ezazu horren berri idatziz.. Batzuetan, isunak gutxitu edo kendu ere egin daitezke.
Bai, baina ez duzu kezkatu beharrik. Hirugarrenentzako auto asegurua baldin baduzu, aseguru etxeak ordainduko ditu konpondu beharrekoak. Aldundiak espediente bana zabalduko du, zure izenean eta aseguru etxearen izenean, baina ordaindu, aseguru etxeak ordaindu beharko du. Halako jakinarazpen bat jasotzen baduzu, jar zaitez harremanetan zure aseguru etxearekin.
Foru Aldundiko Errepideen Ustiapenaren Atalean (Miramon pasealekua 166, 20014 Donostia-San Sebastián) eskabide-idazki bat aurkeztu behar da, sinatuta, gutxienez honako hauek jasoko dituena:
Beste agiri batzuk (kokapen planoa, egin beharreko lanak deskribatzeko planoa, hirigintza plangintzako antolaketa planoa, Udalaren obra lizentzia, argazkiak, etab.)
Bai, lan horiek foru errepideen sarearen babesgunearen barruan egin nahi badituzu. Babesgune hori noraino iristen den jakiteko, jo ezazu beherago diren galderen artean gai hori argitzen duen taulara.
Lehenik, ziur jakin behar duzu kalte horiek jaso dituzun errepidea Gipuzkoako Foru Aldundiarena ote den. Horretarako, jo webgune honetako errepideen katalogora foru errepideen sareari buruzko informazio jasotzeko. Ondoren, kaltearen arrazoia errepidearen egoera okerra izan baldin bada, edo mantentze lanetan egindako akatsen bat, edota administrazioaren ardurapeko beste arrazoiren bat, erreklamazioa aurkez dezakezu. Ahal den argibide gehienak aurkeztu behar dituzu (kalteen zenbatekoa, argazkiak, ertzainen argiketa eta abar), gertatukoaren arrazoiak ongi zehazteko ezinbestekoak baitira.
Gipuzkoako Foru Aldundiko Lurraldeari buruzko informazio zerbitzuan, herri bateko udaletxearen eta beste edozein herriren arteko distantziak ematen dituen atal bat dago. Herrien arteko distantziak.
Eraikinetik zabalgunearen kanpoaldeko marrarainoko distantzia desberdina da errepide motaren eta eraikin motaren arabera. Ondoko koadro honetan zehazten dira bai distantziak eta baita errepidearen herri jabarigune eta babesguneak ere:
| DISTANTZIAK | AUTOBIDEAK AUTOBIAK BIDE AZKAR. |
LEHENTASUNEKO SAREA (gorria) |
OINARRIZKO SAREA (laranja) |
ESKUALDEKO SAREA (berdea) |
SARE LOKALA (horia) |
SARE LOKALA (grisa) |
|---|---|---|---|---|---|---|
| HERRI JABARIGUNEA | 8 | 8 | 3 | 3 | 3 | 3 |
| BABESGUNEA | 100 | 50 | 50 | 30 | 30 | 30 |
| ERAIKINAK | 50 | 25 | 25 | 18 | 18 | 12 |
Baimena eskuratu ahal izateko honako agiri hauek aurkeztu behar dira:
Beste agiri batzuk (kokapen planoa, egin beharreko lanak deskribatzeko planoa, hirigintza plangintzako antolaketa planoa, Udalaren obra lizentzia, argazkiak, etab.)
Erreklamazio idatzia Aldundiaren Erregistro Orokorrean edo Garraio eta Errepideetako Erregistro Orokorrean aurkeztu behar da. Idatzian datu hauek jarri behar dira:
Aurkezteko epea urtebetekoa da, kaltea gertatu denetik edo kaltearen ondorioa agertzen hasten denetik kontatuta.