Aldundiak funtsak jasoko ditu Oñatiko Unibertsitatea birgaitzeko eta turismo-bulego berria egokitzeko

Mugikortasuna, Turismoa eta Lurralde Antolaketa Departamentuaren proiektua Europar Batasunak finantzatutako Berreskurapen, Eraldaketa eta Erresilientzia Planaren barruan dago

Europatik jasoko den laguntza 2.996.285 eurokoa da, eta Berreskuratze, Eraldaketa eta Erresilientzia Planaren (PRTR) 14. osagaiaren 4. inbertsioaren barruan dago. Inbertsio-lerro honetan lortu nahi den helburua da erabilera turistikoa duten titulartasun publikoko kultura-intereseko ondasunen birgaitzea finantzatzea.
Mugikortasuna, Turismoa eta Lurralde Antolaketa Departamentuak planteatutako esku-hartzearen helburua da Oñatiko Sancti Spiritus Unibertsitatearen birgaitze-premiei erantzutea eta Turismo Bulego berria egokitzea, Oñatiko Udalak kudea dezan, turismo-helmugen lehiakortasuna hobetzea sustatzeko eta kultura-turismoa sustatzeko, tokiko erakundeek kultura-intereseko ondasun deklaratutako ondare historikoko ondasun higiezinetan sustatutako proiektuak babestuz, mantenduz eta birgaitzuz.

Jarduera garrantzitsuenak fatxadaren zaharberritze zientifikoan, irisgarritasunean eta jasangarritasun energetikoan, turismo-bulegorako espazioen egokitzapenean eta eraikineko beste erabilera batzuetan oinarritzen dira.
Oñatiko Unibertsitatea Euskal Herriko Errenazimentu garaiko artearen aztarnarik adierazgarrienetarikoa da. Ez arkitekturarengatik bakarrik, baita Errenazimentu garaiko izaeraren erakunderik nagusienetarikoa izateagatik ere. Fundatzailea, Rodrigo Mercado de Zuazola, Oñatin jaio zen XV. mendearen bukaeran. Erlijio eta politika arloetan ospetsu izan zen. Ávilan eta Mallorcan gotzain funtzioak bete zituen eta Granadan Chancillería-ko presidente ere izan zen. Zuazola bera izan zen Unibertsitatearen fundatzaile, 1548. urtean. Bertan, hiru mendeetan zehar, Zuzenbide, Medikuntza, Filosofia, Teologia eta Letrak ikasketak irakatsi ziren.
Gaur egun, Herri Ardularitzaren Euskal Erakundea eta Soziologia Juridikoaren Nazioarteko Institutua daude bertan kokaturik.

Informazio gehiago: Emakida-ebazpena (gaztelaniaz)
Sancti Spiritus Unibertsitatea