Mintegia

Iturrarango Lorategi Botanikoa Pagoetako Natura Parkearen erdian dago eta haren Interpretazio Zentroa kostaldeko Zarautz eta Oriko herrietatik hurbil lekutzen da, Aiako udalerrian. 25 hektareako hedadura du (horietako 14 lorategiz beteta daude eta gainerakoa baso hostoerorkor autoktonoa da). Bertan 4500 taxon inguruko bilduma bat dago, gehienak zuhaitz eta zuhaixkak.

IturraranIturrarango Lorategi Botanikoan dagoen klima pribilegiatuari esker, bertan mundu osoko, zonalde hotz nahiz epeletako, landareak landatu daitezke. Lorategiaren helburua ahalik eta anitzena den bilduma bat osatzea da, publikoari oro har, nahiz lorezain, haztegi-jabe edo ikasleei, landareen munduaren aniztasun aparta ezagutarazte aldera.

Dactylorhiza elataGainera, espezie askoren egokitzapen bikaina dela medio, horiek ugaldu eta eskuratutako materialak mundu osoko lorategi botanikoekin eta espezialistekin trukatzeko aukera dago.

Halaber, Germoplasma Bankuarekin lankidetzan, Gipuzkoan eta Euskadin mehatxupean dauden landareen “ex situ” mantenurako lana burutzen da. Bi erakunde horiek elkarrekin inskribatuta daude Lorategi Botanikoen Elkarte Iberiar Makaronesikoan eta Germoplasma Bankuen Sarean.

Urtean behin, apiril bakoitzeko azken asteburuan, Bildumako Landareen Azoka antolatzen da, sektorean erreferente dena eta jende ugari elkartzen duena. Bertan erakusgai ipintzen dituzte beren produktuak herrialde ezberdinetako haztegi-jabe eta bildumagileek, eta bisitariek oso ohikoak ez diren landareak eros ditzakete.

Haritz eta astigarren bilduma nabarmendu behar da, mundu mailan garrantzitsuenetakoa.