Berriak
Parte hartzen duten ikasleek Bruselara bidaia bat irabaz dezakete 2024ko udaberrian, Europako erakundeen funtzionamendua ezagutzeko
2023/11/24
Europar Batasunak martxan jarri du ImagineEU bideo-lehiaketa, bigarren hezkuntzako 3. eta 4. mailako ikasleak EB hobetzeko ideiak proposatzera bultzatzen dituen ekimena. Parte-hartzaileek gehienez zazpi pertsonako taldeak osatu behar dituzte, eta hiru minutuko bideo bat aurkeztu, Europar Batasunak bere lan-eremuetan dituen erronkei irtenbide zehatzak emateko.
Lehiaketa Europako Herritarren Ekimenean oinarritzen da: EBko politiken prestaketan parte hartzeko eta legegintza-proposamenak aurkezteko aukera ematen duen partaidetzazko mekanismoan, hain zuzen. Ikasleek hezkuntza-tresnak erabil ditzakete EBko partaidetzazko demokraziari buruz ikasteko eta komunikazio- eta pertsuasio-trebetasunak garatzeko.
Bideoak 2023ko abenduaren 13a baino lehen bidali behar dira, eta, ondoren, bozketa publikoa egingo da lehiaketaren webgunean 2023ko abenduaren 20ra arte. Taldeek kanpaina egin dezakete beren bideoa hautatua izan dadin. Adituen epaimahai batek bideoak ebaluatuko ditu, ideien garrantzia, argitasuna eta sormena baloratuz. Egindako kanpaina ere kontuan hartuko da.
Hiru talde izango dira irabazle. Bruselarako ikasketa-bidaia jasoko dute sari gisa, 2024ko martxoaren 21etik 23ra. Bertan, Europako erakundeetako ordezkariekin bildu eta EBko erabakiak hartzeko prozesua ezagutu ahal izango dute.
ImagineEU lehiaketa aukera paregabea da gazteek beren ikuspegia zein den, EBren etorkizuna nolakoa izatea nahi duten eta Europa demokratikoagoa, solidarioagoa eta iraunkorragoa eraikitzen aktiboki parte har dezaten.
Jarraitu gure sareak
 |
 |
 |
 |