Berriak

Donostiako Udaleko Gazteria sailak abian jarri du "MartxUp! Ideia gazteak martxan" programaren zortzigarren edizioa, Donostiako gazteei ideiak, erronkak eta proiektuak garatzen laguntzeko programa.

Aurten, MIK Mondragon Ikerketa Kudeaketa kooperatiba-sozietatea arduratuko da ideiak garatzeko behar den laguntza teknikoarekin eskaintzeaz, proiektu bakoitzerako prestakuntza- eta laguntza-saioen bidez.

Aurreko urteetan bezala, parte-hartze oinarriak bete beharko dira:

• 18 eta 30 urte bitarteko 2-4 pertsonez osatutako talde batek aurkeztuko du proiektuaren ideia.
• Taldeko pertsona bat, gutxienez, Donostiakoa izango da.
• Aurkeztutako ideiek Donostia hobetzera eta herritarren ongizatera bideratuta egongo dira. Ideiaren/proiektuaren ekintza-eremuak hirian izango da.
• Parte hartzen dutenek programan planteatutako dinamiketan, saioetan eta prestakuntzetan parte hartzeko konpromisoa hartuko dute.
• Proiektuaren jardun-eremua librea da, betiere inolako diskriminaziorik sustatzen ez bada (generoa, arraza edo beste edozein).
• Positiboki baloratuko dira jarrera aktiboak, parte-hartzaileak, eraikitzaileak, parekideak eta euskararen aldekoak.

Programa honen helburua, gazteen eta administrazioaren arteko lankidetza eta baterako sorkuntza funtsezkoak diren, gazteen parte-hartzea bultzatzea da, haien sormen- eta berrikuntza-gaitasuna sustatuz, hiriko eragile aktibo eta sortzaile bihurtzeko.

Programaren faseak

1. Izena ematea eta ideia aurkeztea: uztailaren 12ra arte, webgunearen bidez.
2. Proiektuen hautaketa: irailean zehar iragarriko dira hautatutako proiektuak.
3. Prestakuntza-saioak eta proiektuen garapena: lau prestakuntza-saio, proiektua egitea errazteko garapen-prozesuak irauten duen lau hilabeteetan.
4. Jarraipeneko tutoretza: hilean behin, prestakuntzan ikasitakoa aurrera egiten eta praktikan jartzen laguntzeko.
5. Proiektuaren aurkezpena: 2025eko urtarrilean.

MARTXUP! WEBGUNEA

Jarraitu gure sareak