Berriak

Euskadiko Gazteriaren Kontseilua (EGK) eta Euskadiko hezkuntza-astialdiko hainbat eskola zenbait fakultatetan izango dira datozen egunetan, UPV-EHUrekin lankidetzan, gazteei astialdiko begirale eta zuzendaritzako ikastaroen berri emateko.

Saio hauen helburua da astialdi eskolek gazteei zuzenean azaltzea formakuntzetan eskura daitezkeen gaitasunak, trebetasunak, ezagutza-eremuak… eta baita prestakuntza-prozesu teoriko zein praktikoan ematen diren bizipenek garapen pertsonalean (eta profesionalean) duten eragina ere.

Astialdiko eskolak Euskadiko aisialdi hezigarriaren mugimenduaren funtsezko zati bat dira, eta horregatik EGK-k bere ekintza EHUra hurbildu nahi izan du. Horrela, astialdi-eskolen lana eta garrantzia ezagutarazi nahi da, aisialdiko prestakuntza sustatzeko.

EHUko hiru campusetan

Saio horiek EHUko hiru campusetan egingo dira, egun eta leku hauetan:

• Gipuzkoa: irailak 25, astelehena, 13: 00etan, Hezkuntza, Filosofia eta Antropologia Fakultateko 1.7 gelan, I. Eraikinean.

• Araba: irailaren 26an, asteartea, 13: 30ean, Lan Harremanen eta Gizarte Lanaren Fakultateko Concepción Arenal gelan.

• Bizkaia: irailaren 27an, asteazkena, 10:30ean Bilboko Hezkuntza Fakultateko Juliana Aguirrezabala aretoan.

Informazio gehiago

Jarraitu gure sareak