Berriak
Gazteria Zuzendaritzak Kultura Digitalaren aldeko apustua egin du aurten ere, beharrezkoa baita Interneten erabilera segurua eta arduratsua bultzatzea, batez ere haur eta nerabeen artean
2023/02/07
Interneteko Segurtasunaren Nazioarteko Eguna otsailean ospatzen da urtero, eta horren helburua da pertsonak kontzientziatzea, batez ere haurrak eta nerabeak, online seguru mantentzearen garrantziaz ohartarazteko.
Teknologia tresna garrantzitsua da; Internetek harremanak izateko, ikasteko, komunikatzeko eta abarreko moduak aldatu ditu, baina segurtasunari buruzko hainbat erronka ere ekarri ditu: ziberjazarpena, nortasun-lapurretak, eraso zibernetikoak eta lineako beste delitu batzuk jasateko arriskua handitu da.
Gazteria Zuzendaritzak, egoera horretaz ohartuta, Kultura Digitala proiektua bultzatu zuen duela zenbait urte, besteak beste, erabilera ona eta alfabetatze digitala sustatzeko. Interneten Segurtasunaren Nazioarteko Egunaren helburua da online babesteko moduari buruzko hezkuntza eta kontzientzia bultzatzea. Garrantzitsua da pertsonek, bereziki gazteenek, beren gailuak seguru mantentzen jakitea, haien pasahitzak babesten ikastea eta sareko tranpetan ez erortzea.
Horrez gain Aldundiak, Haurrak, nerabeak eta Internet, pantailak, bideojokoak, sare sozialak… onurak eta gatazkak. Nola kudeatu? ikastaroa ere eskaintzen du TREBA gurasoak programak hitzaldi eta tailerren bidez. Horren helburua da gurasoek haur eta nerabeen egungo errealitate digitala ulertzea eta estrategiak barneratzea, ingurune horretan bizi daitezkeen egoera gatazkatsuen edota arriskutsuen bitartekari izateko.
Laburbilduz, Interneteko Segurtasunaren Nazioarteko Eguna aukera bat da online seguru mantentzearen garrantzia gogorarazteko eta gure informazioa eta gailuak babesteko neurriak hartzeko.
TREBAgurasoak programaren webgunea
Jarraitu gure sareak
 |
 |
 |
 |