Berriak

Aurten ere, Donostiako Udaleko Gazteria Sailak, gazteen eta administrazioaren arteko elkarlana eta elkar sorkuntza funtsezkoak dituen programaren edizio berri bat abian jarri du. Martx Up! programaren helburua gazteen parte-hartzea bultzatzea da, beren ahalmen sortzaile eta berritzailea sustatuz, hiriko eragile aktibo izan daitezen. Horretarako, hautatutako ekimenek beharrezko laguntza teknikoa izango dute prestakuntza-saioen eta jarraipen-tutoretzen bitartez.

Aurreko urteetan bezala, hauek izango dira parte hartzeko baldintzak:

• 18 eta 30 urte bitarteko 2-4 pertsonako talde batek proiektua prestatu eta garatzea.
• Gutxienez kideetako bat donostiarra izatea.
• Aurkezten diren ideiak Donostia hobetzera eta herritarren ongizatera bideratuta egotea eta ideia/proiektuaren ekintza-arloak hirian garatzea.
• Parte hartzen dutenek programan planteatutako dinamika, saio eta prestakuntzetan parte hartzeko konpromisoa izatea.
• Proiektuaren jardun-eremua librea da, baldin eta inolako diskriminaziorik sustatzen ez bada (generoa, arraza edo beste edozein).
• Jarrera aktibodunak, parte-hartzaileak, eraikitzaileak, parekideak eta euskaldunak izatea ezaugarri garrantzitsuak izango dira.

Programaren faseak

1. Izen-ematea eta ideia aurkeztea: uztailaren 23ra arte, webgunearen bidez.
2. Proiektuen hautaketa: irailean zehar
3. Proiektuak prestatzeko eta garatzeko saioak: lau prestakuntza-saio, garapen prozesuak irauten duen lau hilabeteetan, proiektua egiten laguntzeko.
4. Jarraipenaren tutoretza: hilean behin, prestakuntzan ikasitakoa aurrera egiten eta praktikan jartzen laguntzeko.
5. Proiektuaren aurkezpena: 2024ko urtarrilean

OINARRIAK ETA DEIALDIA

WEBGUNEA

Jarraitu gure sareak