Berriak

Reina Sofia Zentroak “Millenials” ante la adversidad txostena argitaratu berri du, krisialdiaren efektuak gazteen osasunean, ohituretan eta arriskuen pertzepzioan zer-nolako ondorioak izan dituen jakiteko.

Txostena gazteek bizi izandako krisialdi ekonomikoaren testuinguruan kokatzen da, beren bizi-ibilbidearen etapa desberdinetan zer-nolako ondorioak pairatu izan dituzten jakiteko. Batzuentzat goi mailako ikasketak bertan behera uztea izan da, beste batzuentzat lehen lana alferrik bilatzea, besteentzat enplegua galtzea, edo familia baten emantzipazioa eta prestakuntza atzeratzea. Egoera horiek ondorio garrantzitsuak izan dituzte gazteen osasun mentalean eta ohituretan.

Hori dela-eta, funtsezkoa da krisiak eta austeritateak 18 eta 34 urte bitarteko gazteen osasunean (fisikoa, mentala, ohiturak eta arriskuak) dituen ondorioak ezagutzea, eta hori da txosten honen helburua.

Kolektibo horretan osasuna baldintzatzen duten faktoreek eta inguruneak, kapital sozialak, familiak, eskolak, lanak, aisialdiak eta komunikabideek duten pisuak nola eragiten duten hobeto ulertuta soilik diseina daitezke politika zuzentzaileak, unibertsalak zein espezifikoak, helburu bikoitza dutenak: batetik, gazteen osasuna eta ohitura osasungarriak hobetzea, eta bestetik, osasunaren aurreko desberdintasun sozialak zuzentzea.

Txosten osoa irakurri hemen.