Berriak

Kulturako Gazte Bonua iaz martxan jarritako 18 urteko gazteentzako 400 €-ko laguntza da. Bonu honen bidez, Kultura eta Kirol Ministerioak, gazteen artean hainbat kultur produktu eta jardueren aurkikuntza eta gozamena bultzatu nahi du, kulturaz gozatzeko ohitura haien bizitzan integra dezaten.

Bonua hiru arlo jakinetan gastatu ahal izango dute; horrela kultura-eskaintza dibertsifikatzea eta hainbat eremu esploratzea sustatu nahi da:

• Euskarri fisikoko kultura-produktuetarako 100 €
  Liburuak, aldizkariak, prentsa, bideojokoak, partiturak, diskoak, CDak, DVDak edo Blu-rayak bezalako produktuak erosi ahal izango dira.
• Kontsumo digital edo onlinerako 100
  Irakurketa, audioirakurketa, musika edo ikus-entzunezko plataforma birtualetara harpidetu edo alokatu ahal izango dira. Era berean, online bideojokoetara harpidetu, prentsako harpidetza digitalak, aldizkariak edo aldizkako beste argitalpen batzuk erosi, podcast-plataformetan harpidetu edo ebook-ak erosi ahal izango dira.
• Ikus-entzunezko arteak, zuzeneko arteak eta kultura-ondareentzako 200 €      
  Zuzeneko musikako, arte eszenikoetako, zinemako, museoetako, liburutegietako, erakusketetako eta jaialdi eszenikoetako, literaturako, ikus-entzunezko edo musikaletako sarreretarako eta abonuetarako izango dira.

Bonua eskatu ondoren, 2005ean jaiotako gazteek aurre-ordainketarako txartel birtual bat jasoko dute beren mugikorrerako (eskatzen duenak formatu fisikoan ere jaso ahal izango du). 400 €ko kultura-txartela urte betean gastatzeko izango da Estatu osoan programari atxikitako 3.000 dendatan.

Gazteentzako oso aukera ona da kultur jarduerak funtsezkoak direlako haientzat, onura ugari eskaintzen baitizkiete. Jarduera horiek aukera ematen diete arte-modu desberdinak esploratzeko, sormen-trebetasunak garatzeko, pentsamendu kritikoa eta enpatia sustatzeko eta identitate pertsonala indartzeko. Laburbilduz, kultura-jarduerek gazteak aberasten dituzte maila pertsonalean, intelektualean eta sozialean.

INFORMAZIO GUZTIA

Jarraitu gure sareak