Gipuzkoako 9 herri txikitan nerabeen sustapena lantzeko egitasmoa

 

1.000 biztanletik beherako Gipuzkoako 9 udalerritan nerabeen sustapena indartu eta iraunkor egiteko egitasmoa da Gure Plaza Txo!, Gipuzkoako Foru Aldundiak udalerriekin batera martxan jarritako proiektu pilotua.

Aisiaren bidez, harreman hezigarria oinarri, nerabeen herritartasuna indartu eta hainbat zehar-lerro landuko dira: bizikidetza eta parekidetasuna, aniztasuna eta inklusioa, eta euskararen erabilera. Aurten, egitasmoan parte hartuko duten herriak honakoak dira: Aizarnazabal, Albiztur, Alkiza, Berrobi, Bidania-Goiatz, Elduain, Ikaztegieta, Larraul eta Lizartza.

Helburu nagusiak dira nerabeen norbanakoaren autonomia bultzatzea, talde-dinamikan konpromisoa garatzea, jarrera kritikoan trebatzea eta herriko aldaketa-prozesuetan inplikatzeko gaitasunean bidelagun izatea.

Hurrengo pausoak: 

Honi buruz: