Ibarrako, Oñatiko eta Italiako 16-18 urte bitarteko gazteek elkarrekin garatuko dituzte kultura-aniztasunari buruzko hainbat ekintza. Proiektuak bi egonaldi izango ditu: Hondarribian, urriaren 10etik 15era, eta Italian, abenduaren 2tik 7ra.
Batez ere faktore politikoek, ekonomikoek eta sozialek baldintzatuta, historian zehar migrazio-mugimenduek askotariko errealitateetatik etorritako pertsonen fluxuak sortu dituzte, pertsonen eta kulturen arteko topaketa eta harremana erraztuz; baina sortutako elkarreragina ez da beti positiboa izaten. Horregatik, uste dugu behar-beharrezkoa dela bereziki biztanle gazteenak kultura-aniztasunari buruz lehenbailehen sentsibilizatzea, kontzientziatzea eta prestatzea, gizarte-kohesiorako faktore positibo gisa eta gizarte askeagoak eta bidezkoagoak eraikitzeko oinarri gisa.
Hausnarketa horretatik dator "Cultural shake: tomorrow begins today" proiektua. Hezkuntza ez-formalaren esparruan garatutako proiektu honen bidez, 16-18 urteko gazteei aukera eman nahi diegu pertsona desberdinen kultura, tradizio, esperientzia eta bizitza-historiak ezagutzeko aukera emango dien kultur ikaskuntza batean murgiltzeko, beren erosotasun-eremutik irtenaraziz eta beren aurreiritziei eta beldurrei aurre eginez.
Parte-hartzaileek analisi kritikoa egiteko gaitasuna garatzea, eguneroko gizarte-harremanak zehazten dituzten estereotipoak alde batera uzteko.
Gazteen kulturarteko interesa garatzea, aniztasunari buruzko begirada kritikoa sustatzea, gaur egun munduan gertatzen dena, eta beren tokiko errealitateetan modu positiboan jokatzeko ikuspegi berriak garatzea.
Tokikotik abiatuta, efektu biderkatzailea sortzen duten eta eguneroko errealitatetik haratago hedatzen diren ekintzak sustatzeko dinamikak sortzea.
Parte hartzen duten gazteek ezezagunaren aurrean jarrera enpatikoak bultzatzeko trebetasunak eta gaitasunak garatzea eta eskuratzea eta, era berean, egokitze-prozesu inklusiboak garatzeko konpromisoa erraztea, errealitate sozial berriak eraikitzeko, tolerantzian, elkarrekiko errespetuan eta baterako lanean oinarrituta, haien funtsezko balio gisa.
Guztira 42 pertsonek hartuko dute parte: Ibarrako 16 gazte + 2 hezitzaile, Oñatiko 11 gazte + 2 hezitzaile eta Bedizzoleko (Italia) 15 gazte + 2 hezitzaile.
Webgune honek cookie propio eta hirugarrenenak helburu teknikoarekin erabiltzen ditu nabigazioa baimentzeko, hurrengo sarbideak errazteko eta erabileren estatistikak egiteko. Ez ditu erabiltzaileen datu pertsonalak jasotzen ezta lagatzen.
