2021: Andoain

PARKOUR-ari buruzko MASTERCLASS-A LOTZEN ADD-en eskutik:

Lotzen ADD-ek, Parkour-a zabaltzen eta irakasten erreferentziazkoa den elkarteak, tailerra emango du jarduera hori lehenengoz probatu nahi duten gazteak edo jada esperientzia izan eta beraiekin entrenatu nahi dutenak gonbidatuz. Erronka desberdinak izango dira, oztopoak gaindituz, salto eginez eta mugituz, espaziora egokitu eta erabilera berri bat emateko.

• Eguna: Azaroak 13

• Lekua: Goiko Plaza

• Ordutegia: 11:30

• Sarrera: Doan.

• Izen-ematea: Irekia. Gazte Lokalean (whatsapp bidez 682025485 edo gaztelokala@andoain.eus emailera idatziz). Izena emateko epea ostegunean amiatuko da, 19:00etan. Gehienez 24 pertsona.

KONTZERTUAK

• Eguna: Azaroak 13

• Lekua: Bastero Kulturgunea

• Sarrera: Irekia aforoa bete arte. 4 € Bastero Kulturguneko lehiatilan salgai edo Tickets Kutxabank-en

• Ordua: 18:00etatik aurrera

​

HASIERAKO TALDEAK: 

EDU + CRUTZERO + DJ ANDER:

Andoaingo 19 eta 25 urte arteko hiru gazte hauek urteak daramatzate Gipuzkoako hiri-panoraman. Beren abestiak jo eta ekoizteaz gain, inprobisazioak egiten dituzte freestyle estiloan.

ARTISTA NAGUSIAK:

MIREN

Miren Donostiako abeslaria da (1999), baina Bartzelonan bizi da. Bere musikak espazio oso goxo eta pertsonala sortzen du Lofiarekin Hip-Hoparekin eta Poparekin jolastuz. Entzuleak bere hitzen eta eragiten dituen irudien artean egon daitezke, pentsatu eta amestu egin dezakete. Miren DIY (Do It Yourself) lelotzat hartu duen belaunaldi batekoa da. Izan ere, lehen urratsak 2019an eman zituen, lagun baten garajean grabatutako « Oh keira » izeneko abesti bat argitaratu zuenean. 2020an, "Encima de Saturno", "La manera" eta "Mondo" partekatu zituen. Eta urte honen hasieran RTVE/ Radio-k Miren Agoteren “Naiss” argitara eman zuen, berak bakarrik. “Naiss” lehen kapitulua da, eta horrekin bere proiektua erakusten jarraitu du. Horren ondoren, “Aparte” kaleratu zuen, motorrak berotzeko. Haren atzetik “Freno”, Dualy produktuarekin batera. Azken single horrek estudioko beste lan bat iragartzen du urte bukaerarako. Gaur egun, bere 5 single-ek 700.000 entzute dituzte Spotify-en. Hala ere, bere musika ezagutzeko modurik onena bertan murgiltzea da.

DELAOSSA 

Delaossa, zalantzarik gabe, gaztelaniazko raparen izen nabarmen eta errespetatuenetako bat da jada. Malagako raperoaren ibilbidea meteorikoa izan da azken urte eta erdi honetan: lehenik eta behin, “Un perro andaluz (2019) izan zen, estreinako album indartsua, rap gordin eta lehorrekoa, berarengan jarritako itxaropen guztiak berretsi zituena; horren ondoren, besteak beste, “La placita”, rap nazionalaren ereserki bihurtua; eta azkenik, “La Tour Liffee” (2020) oraintsuko bere mixtape distiratsua. Jauzi horrek beste hit bat ekarri zuen "Veneno" single-a barne. Izan ere, hilabete gutxitan Urrezko Diskoa izatea lortu du, eta Spotify-en bakarrik 12 milioi entzute baino gehiago ditu.

Malagako itsas auzo bateko gela batean hasi zen abentura honek arlo osoaren errespetua eta miresmena du jada, ehunka mila jarraitzaile, milioika erreprodukzio plataforma digitaletan eta kontzertuetako sarrerak agortzen ditu. Ezinezkoa da Delasossaren ibilbideak muga non duen jakitea.