Astialdiko ekintzak antolatzeko laguntza

Gipuzkoako Foru Aldundiak atal hau prestatu du astialdiaren arloko profesionalentzat eta boluntario aritzen direnentzat, beren ekintzak antolatzeko eginbeharretarako informazioa eta euskarria eskaintzeko asmoz.

Astialdian egiten den lana hezigarria da, baloreetan hezten duelako. Haurren eta nerabeen garapen integralean laguntzen ari gara eta, beraz, ardura handiko lana dugu esku artean. Horregatik, kontuan hartu behar ditugu funtsezko hainbat alderdi, lan pedagogiko hori kalitatezkoa eta segurua izango dela ziurtatzeko.

Halaber, atal honetan topatuko dituzue, Aldundiari diru-laguntzak eskatzeko edo derrigorrezkoa den jakinarazpena egiteko bideak, eta baita bestelako baliabide batzuk ere.

Araudia:

Eusko Jaurlaritzako Kultura Sailaren 170/1985 Dekretua, ekainaren 25ekoa: 18 urtetik beherako gazteentzako kanpaldiak, udalekuak, udaleku irekiak, auzolandegiak, martxa ibiltariak eta antzekoak arautzen ditu.

Eusko Jaurlaritzako Kultura Sailaren 170/1985 Dekretua (ekainaren 25ekoa). Leiho berrian irekiko da.

Covid-19 araudia:

Une honetan, astialdian lanean aritzeko beste erronka bati egin behar diogu aurre. COVID19ak ekarri digun egoerak goitik behera baldintzatu ditu astialdiko jarduerak ere. Hori horrela, aurreko guztia betetzeaz gain, atal honetan azaltzen ditugun neurriak ere kontuan hartu beharko ditugu, gure ekintzek seguruak eta kalitatezkoak izaten jarrai dezaten.

Covid-19a. Leiho berrian irekiko da.

Irudian aipatzen diren dokumentuak eskuratzeko, deskargatu infografia bera pdf formatuan. Leiho berrian irekiko da..

Kontuan izan beharreko beste araudiak:

Kontuan izan beharreko dokumentuak
1. Parte-hartzaileen datuen erabilera: Abenduaren 5eko 3/2018 Lege Organikoa, Datu pertsonalen babesari buruzkoa. / Maiatzaren 5eko 1/1982 Lege Organikoa. Leiho berrian irekiko da., Ohorerako, norberaren eta familiaren intimitaterako eta norberaren irudirako eskubidearen babes zibilari buruzkoa.
2. Pertsona boluntarioak dauden udalekuetan: 45/2015 Legea. Leiho berrian irekiko da., urriaren 14koa, Boluntariotzarena.
3. Hezitzaileen kontratazioa: Gipuzkoako esku-hartze sozialaren hitzarmen kolektiboa. Leiho berrian irekiko da..
4. Ekintza beste autonomia-erkidego batean garatzen bada: Tokian tokiko araudia.
5. Kontuan izan, era berean, Gipuzkoan aisia hezigarriko jarduera ororen antolaketa Foru Aldundiari jakinarazi. Leiho berrian irekiko da. behar zaiola.

Aholkularitza behar izanez gero, deitu 943445980 telefonora edo idatzi udalekuak@gipuzkoa.eus helbide elektronikora (ordutegia: 10:30 - 14:00).